Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Theme

CurrencyUSD

$US DollarUSD ₽Russian RubleRUB €EuroEUR ₴Ukrainian HryvniaUAH ₸Kazakhstani TengeKZT ₺Turkish LiraTRY złPolish ZlotyPLN ₪Israeli New ShekelILS AEDUnited Arab Emirates DirhamAED R$Brazilian RealBRL RpIndonesian RupiahIDR RMMalaysian RinggitMYR ¥Japanese YenJPY ₩South Korean WonKRW CN¥Chinese YuanCNY

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Fact Hub Myanmar: post #3804 — TG.ME

Fact Hub Myanmar@facthub_mm · 1.2K subscribers Open in TelegramOpen

t.me/facthub_mm/3804

1

September 4, 2026 98

More from this channel

မကြာခင်ရက်ပိုင်းမှာ ၂၀၂၆ ခုနှစ်အတွက် နိုဘယ်ဆုတွေ စတင်ကြေညာပါတော့မယ်။ ပြီးခဲ့တဲ့ ၂၀၂၃၊ ၂၀၂၄ နဲ့ ၂၀၂၅ ခုနှစ်တွေမှာတော့ ဆွီဒင်အကယ်ဒမီဟာ သာမန်လူ နားလည်နိုင်ဖို့ ခဲယဉ်းတဲ့ တင်ပြဟန်နဲ့ တိတ်ဆိတ်မှု၊ ပျက်ကပ်နဲ့ စိတ်ဒဏ်ရာတွေအကြောင်း နက်နက်ရှိုင်းရှိုင်း ထိတွေ့ရေးဖွဲ့ခဲ့သူ စာရေးဆရာ ၃ ဦးကို နိုဘယ်ဆုတွေ ဆက်တိုက်ဆိုသလို ရွေးချယ်ချီးမြှင့်ခဲ့ပါတယ်။ "ဥရောပသားနှစ်ယောက်နဲ့ အာရှသူတစ်ယောက်ရဲ့ မျက်မှောက်ခေတ် စာပေအရေးအသားတွေက ဖြစ်တည်မှုသဒ္ဒါရုံ၊ ကျင့်၀တ်ရပ်ညွှန်းနဲ့ ပျက်အုံကြားက စွန့်စားမှုအနုပညာလက်ရာတွေကို စာဖတ်သူတို့နဲ့ ထိတွေ့ပေးလိုက်တာပါ။ လွယ်လင့်တကူ သဘောပေါက်နိုင်တဲ့ တင်ပြဟန်ကို ငြင်းဆန်ထားတဲ့ ဒီလိုစာပေလက်ရာတွေကို ဆွီဒင်အကယ်ဒမီက ၂၀၂၃ ခုနှစ်ကနေ ၂၀၂၅ ခုနှစ်အတွင်း ဆုချီးမြှင့်လိုက်တာက စိတ်၀င်စားစရာပါပဲ။" ထက်ဘုန်းရှိန် ရေးတဲ့ ဒီ စာပေလေ့လာဆန်းစစ်ချက်ဆောင်းပါးမှာ ပြီးခဲ့တဲ့ ၃ နှစ်စာ စာပေနိုဘယ်ဆုရှင်တွေရဲ့ အရေးအသားတွေနဲ့ သမိုင်းဆိုင်ရာ စိတ်ဒဏ်ရာတွေအပေါ် သူတို့ရဲ့ ထိပ်တိုက်ရင်ဆိုင်မှုတွေကို အသေးစိတ် လေ့လာသုံးသပ်ထားပါတယ်။ ▪️ အပြည့်အစုံဖတ်ဖို့ https://facthubmm.org/featured/silence-trauma-and-apocalypse-analysis-on-nobel-literature-laureates/ #Facthub #Nobel #Literature #Analysis #Review 46·Oct 3

Album 44·Oct 3 ဒီ့အတွက်ကြောင့် ဒေါက်တာစောဝေလှ စွန့်ဦးစမ်းသပ်ခဲ့တဲ့ ဒီ SX-STM (Synchrotron X-ray Scanning Tunneling Microscopy) နည်းပညာသာ အနာဂတ်မှာ တခြားသိပ္ပံရှာဖွေတွေ့ရှိမှုအသစ်တွေ၊ ဆင့်ပွားသုတေသနတွေနဲ့ အကျိုးသက်ရောက်မှုတွေ ပဲ့တင်ထပ် ဖန်တီးပေးနိုင်တဲ့ စံနည်းစနစ်တစ်ရပ် ဖြစ်လာခဲ့ရင် ၂၀၂၃ ခုနှစ် အက်တမ်ဓာတ်မှန် သုတေသနဟာ နိုဘယ်ဆု ချီးမြှင့်ခံရဖို့ အလားအလာအကောင်းဆုံးတွေထဲက တစ်ခုပါပဲ။ ။ (ရည်ညွှန်းကိုးကားစာရင်းကို ကောမန့်မှာ ကြည့်ပါ။) ▪️ ဒီဆောင်းပါးထဲ ပါဝင်တဲ့ ဒေါက်တာစောဝေလှရဲ့ ဖြေကြားချက်တွေဟာ Fact Hub Magazine နဲ့ သီးသန့်တွေ့ဆုံမေးမြန်းမှု (Exclusive Interview) က ကောက်နုတ်ထားတာ ဖြစ်ပြီး ဘယ်အဖွဲ့အစည်း/အစိုးရရဲ့ သဘောထားကိုမှ ကိုယ်စားပြုခြင်းမရှိပါ။ မဂ္ဂဇင်းအင်တာဗျူးအရှည်ကို မကြာခင်ထုတ်ဝေပါမယ်။ _________ Interviewed by - Julian Htet Aung & Zwe Thukha Min Written by - Zwe Thukha Min ©️2026-2027 | Fact Hub Myanmar #Facthub #Interview #Physics #Myanmar #DrSawWaiHla #Exclusive #Nobel 119·Sep 28 “နိုဘယ်ဆုဆိုတာက သူတို့ရွေးတာပေါ့နော်။ ကိုယ်ရွေးတာမှ မဟုတ်တာ။ ကိုယ်ရွေးရင်တော့ ကိုယ့်ကိုယ်ကိုယ်ပဲ ပေးလိုက်မှာပေါ့ (ရယ်လျက်)။ ဒါပေမဲ့ နိုဘယ်ဆုရဲ့ အလုပ်လုပ်ပုံက Breakthrough ဆိုရင် တစ်နှစ်ထဲမှာ သူက အကောင်းဆုံးပေါ့၊ နိုဘယ်ဆုကကျတော့ သက်ရောက်မှုရှိဖို့ နောက်ထပ်စောင့်ရတယ်။ နှစ်တွေစောင့်ပြီး ဒီသုတေသနကနေ သက်ရောက်မှုတွေ ရှိလာတော့မှ ဒါကို မူတည်ပြီး ပေးတာပေါ့။ ဆိုတော့ ပထမဆုံးကတော့ Breakthrough ဖြစ်ရမယ်၊ ဒါ နံပါတ် ၁။ Breakthrough ဖြစ်ပြီးမှ Impact လာမယ်။ Impact ရှိဖို့ကတော့ နှစ်နည်းနည်းစောင့်ရတာပေါ့။ အဲဒီကျတော့မှ စံကာတင် ဝင်တာပေါ့။ ဒီလိုဟာမျိုး (သုတေသန) ကတော့ Nobel Prize Nominate လုပ်နိုင်တဲ့၊ ဒါမှမဟုတ် လုပ်ချင်လဲ လုပ်ထားမှာပေါ့ ဒီလို finding မျိုးကို။” လို့ ဒေါက်တာက မှတ်ချက်ပြုပါတယ်။ ဒေါက်တာစောဝေလှနဲ့ သုတေသီတွေ အားစိုက်လေ့လာနေတဲ့ နာနိုနည်းပညာ၊ ရူပဗေဒနဲ့ ဓာတုဗေဒ ဆက်စပ်နယ်ပယ်ဟာ နိုဘယ်လမ်းကြောင်းနဲ့ သီးခြားကွဲထွက်နေတာမျိုး မဟုတ်ဘဲ ရှေ့ဆယ်စုနှစ်တွေမှာ ဆုရခဲ့တဲ့ ဆက်စပ်အစဉ်အလာ ရှိပါတယ်။ ဥပမာ၊ ၁၉၈၆ မှာ ဂါ့ဒ် ဘင်းနစ်ဂ် (Gerd Binnig) နဲ့ ဟင်းန်ရစ်ချ် ရိုရား (Heinrich Rohrer) နှစ်ဦးက အက်တမ်အဆင့်ထိ ဆွဲချဲ့ပြီး ဓာတုမှတ်တမ်းယူနိုင်တဲ့ အဏုကြည့်မှန်ဘီလူး (STM – Scanning Tunneling Microscope) နည်းစနစ်ကို တီထွင်နိုင်ခဲ့လို့ ရူပဗေဒနိုဘယ်ဆု ရဖူးပါတယ်။ ဒေါက်တာစောဝေလှတို့ အဖွဲ့ရဲ့ လက်ရှိသုတေသနဟာ အဲဒီ STM နည်းပညာကို အခြေခံပြီး အက်တမ်အရွယ်လောက်အထိ သေးငယ်တဲ့ ဆေးထိုးအပ်လို သတ္ထုထိပ်ဖျားချွန် သုံးပြီး ဒြပ်စင်နား X-ray လှိုင်းလွှတ်ရင်း အနီးကပ်ဓာတ်မှန်ရိုက်တာမျိုးပါ။ ဒီနည်းစနစ်က ရှိနှင့်ပြီးသား STM နည်းပညာကို စွမ်းအင်မြင့်ဓာတ်မှန် (SX - Synchrotron X-ray) စနစ်နဲ့ ကွမ်တမ်ခုန်ကူးခြင်းသဘော (Quantum Tunneling) တို့ ပေါင်းစပ်ရင်း ထပ်တိုးအဆင့်မြှင့်လိုက်တာ ဖြစ်ပြီး ဒီလိုစမ်းသပ်နိုင်ဖို့ စုစုပေါင်း ၃၈ နှစ် ကြာမြင့်ခဲ့တာပါ။ “X-ray က အစကတည်းက တစ်ကမ္ဘာလုံးမှာ သုံးတာကိုး။ လေယာဉ်ပျံကွင်းမှာလဲ x-ray ရိုက်မယ်၊ ဆေးရုံပေါ်မှာလဲ X-ray ရိုက်မယ်၊ နေရာတိုင်းမှာ X-ray ကို သုံးတယ်။ ဒါပေမဲ့ အက်တမ်တစ်လုံးချင်းစီကိုတော့ X-ray ဘယ်တော့မှ မရိုက်နိုင်ဘူး။ ဖြစ်နိုင်တယ်လို့လဲ ဘယ်သူမှ မပြောဘူး။ မဖြစ်နိုင်ဘူးပဲ။ X-ray ကို စပြီးတော့ ရှာတွေ့တာ လွန်ခဲ့တဲ့ နှစ်ပေါင်း ၁၈၉၅ ခုနှစ်ဆိုတော့ နှစ်ပေါင်း ၁၃၀ ရှိပြီပေါ့။ X-ray ကို စ,စတွေ့ကတည်းက နယ်ပယ်မျိုးစုံမှာ သုံးလာတာ၊ သူ့ရဲ့ Application တွေက အများကြီးပဲ။ ဒါပေမဲ့ မဖြစ်နိုင်တာက ဘာလဲဆိုတော့ အက်တမ်တစ်လုံးချင်းစီကို X-ray နဲ့ Spectroscopy လို့ ခေါ်တဲ့ ဓာတ်မှန်ရိုက်တာမျိုးပေါ့။ ဓာတ်မှန်ရိုက်လို့မရဘူး။ မဖြစ်နိုင်ဘူး။ ဘယ်သိပ္ပံပညာရှင်ကို မေးကြည့်မေးကြည့် သူတို့ပြောလိမ့်မယ်။ ‘ဘာတွေလျှောက်မေးနေတာလဲ၊ အဓိပ္ပါယ်မရှိတာတွေ မမေးရဘူးဆိုပြီးတော့’။ ဒီတော့ အဲလိုဟာကို ပထမဆုံးအကြိမ် လုပ်နိုင်ခဲ့တဲ့အတွက်ကြောင့် သူ့ရဲ့ impact က အများကြီးပဲ။” လို့ ဒေါက်တာက ဆိုပါတယ်။ ဆက်ပြီး “ဥပမာပြောရရင် ဆရာ့ကို ဆွစ်ဇာလန်က ပရော်ဖက်ဆာတစ်ယောက်ကနေပြီး စကားစပ်မိရင်းနဲ့ အစည်းအဝေးတစ်ခုမှာ ပြောတယ်။ မနေ့ကတဲ့၊ ငါ့အတန်းထဲက Ph.D ကျောင်းသားတွေ ပေါက်ကရတွေ လျှောက်မေးတယ်တဲ့၊ အက်တမ်တစ်လုံးစီကို X ray ရိုက်နိုင်တယ်ပြောလို့ ငါ စာမေးပွဲချလိုက်တယ်တဲ့ အဲဒီကောင်တွေ အကုန်လုံးကို။ ဘာလို့လဲဆိုတော့ ဒီလောက်တောင် အသိဉာဏ်နည်းရလားဆိုပြီးပေါ့။ အဲဒီတော့ ဆရာကလဲ ပြောလိုက်တယ် - ‘မဟုတ်ဘူး၊ ငါ အခုတွေ့သွားပြီ’ လို့ ပြောတော့ သူက ‘ဟာ၊ ဒုက္ခပါပဲ၊ အဲဒါဆို ငါလဲ ဒုက္ခရောက်ပြီ’ တဲ့ (ဟက်ဟက်ပက်ပက် ရယ်လျက်)။ ‘မဖြစ်နိုင်တဲ့ဟာကို မင်း ဘယ်လိုလုပ်လိုက်နိုင်တာလဲ’ တဲ့။ ‘ဖြစ်နိုင်တယ်၊ လုပ်ပြီးသွားပြီ၊ အဲဒါ publishing ထွက်လာတော့မယ်’ ဆိုတော့ သူက စိတ်တွေညစ်။ ဒါ ပြောပြတာပါ။ ကမ္ဘာ့ဒိတ်ဒိတ်ကျဲ Scientist တွေ ကိုယ်တိုင်က ပြောခဲ့တာ၊ မဖြစ်နိုင်ဘူးဆိုတာကိုပေါ့။” သံမဏိခေတ်ကစလို့ ပဋိဇီဝဆေးတွေအလယ် အေအိုင်ချစ်ပ်တွေအဆုံး လူ့သမိုင်းတစ်လျှောက် အကြီးကျယ်ဆုံးသော အချိုးအကွေ့တွေနဲ့ တိုးတက်ပြောင်းလဲမှုတိုင်းက ‘ဒြပ်ဝတ္ထုတွေကို ဘယ်လောက်တိတိကျကျ ကိုင်တွယ်အသုံးချနိုင်သလဲ’ ဆိုတဲ့ မေးခွန်းပေါ် အခြေခံတာပါ။ အက်တမ်တစ်လုံးတည်းကို ဓာတ်မှန်ရိုက်ပြီး ဖောက်မြင်နိုင်၊ စမ်းသပ်နားလည်နိုင်တာကတော့ အဲဒီတိကျမှုတွေအားလုံးရဲ့ အဆုံးစွန်ဆုံးအဆင့် ဖြစ်သွားပါပြီ။ အက်တမ်တွေဟာ စကြဝဠာတစ်ခုလုံးရဲ့ အခြေခံဖွဲ့စည်းပုံ၊ အုတ်မြစ်ဖြစ်တာမို့ သူတို့ကို ပိုနားလည်လာနိုင်လေ၊ ပိုကြီးမားတဲ့ အကျိုးသက်ရောက်မှုမျိုး ရှိလာလေပါ။ ရောဂါတွေ မဖြစ်ခင် ကြိုခန့်မှန်းနိုင်တာ၊ ဦးနှောက်နဲ့ ကိုယ်ခံအားစနစ်ကို နားလည်နိုင်ပြီး ကင်ဆာကို အမြစ်ပြတ်စေမဲ့ ကုထုံး တီထွင်နိုင်တာ၊ ကြယ်တွေ၊ ဂြိုဟ်တွေရဲ့ ဖွဲ့စည်းပုံကို သဘောပေါက်နိုင်တာ၊ လက်ရှိကွန်ပြူတာတွေထက် အဆများစွာ ပိုအစွမ်းထက်တဲ့ ကွန်ပြူတာတွေ တည်ဆောက်နိုင်တာ . . . ဖြစ်နိုင်ခြေတွေ အမြောက်အမြားပါပဲ။ 97·Sep 28 ကမ္ဘာ့ပထမဆုံးအကြိမ်အဖြစ် အက်တမ်တစ်လုံးချင်းစီကို ဓာတ်မှန်ရိုက်ပြနိုင်ခဲ့တဲ့ သုတေသနကို ဦးဆောင်သူ မြန်မာလူမျိုး ရူပဗေဒပညာရှင် ဒေါက်တာစောဝေလှဟာ သိပ္ပံပညာရဲ့ ဂုဏ်သိက္ခာအကြီးမားဆုံး နိုဘယ်ဆုကို ဆွတ်ခူးနိုင်ခြေ ရှိနေပါတယ်။ ပါမောက္ခ ဒေါက်တာစောဝေလှ ဦးဆောင်တဲ့ အိုဟိုင်းရိုးတက္ကသိုလ်နဲ့ အာဂွန်းန်အမျိုးသားဓာတ်ခွဲခန်းက သိပ္ပံပညာရှင်အဖွဲ့ဟာ ကမ္ဘာအနှံ့က သုတေသီတွေ ဆယ်စုနှစ်များစွာကြာအောင် ဝိုင်းဝန်းကြိုးပမ်းပြီး ဖြစ်နိုင်ဖို့ အလွန်အမင်းခက်ခဲတယ်လို့ ထင်ကြေးပေးခဲ့ကြတဲ့ အက်တမ်တစ်လုံးချင်းစီရဲ့ သီးသန့် X-ray ကို ပြီးခဲ့တဲ့ ၂၀၂၃ ခုနှစ်၊ မေလမှာ အောင်အောင်မြင်မြင် ရိုက်ကူးနိုင်ခဲ့ကြတာပါ။ X-ray နည်းပညာတွေ ပုံစံပေါင်းစုံနဲ့ ဖွံ့ဖြိုးထွန်းကားလာပေမဲ့ အက်တမ်တစ်လုံးတည်းကို သီးသန့်ဓာတ်မှန်ရိုက်နိုင်ခြင်းက နှစ်ပေါင်း ၁၃၀ အတွင်း ပထမဆုံးပါပဲ။ ဒီသုတေသနအပြီး နှစ်နှစ်အကြာ ၂၀၂၅ ခုနှစ်မှာ ဒေါက်တာစောဝေလှနဲ့ Fact Hub Magazine တွေ့ဆုံခွင့်ရခဲ့ပြီး သုတေသနရဲ့ အောင်မြင်မှု၊ ရှေ့ဆက်အလားအလာနဲ့ ဆက်စပ်လို့ အင်တာဗျူးခဲ့ပါတယ်။ “Google မှာ ရိုက်ရှာကြည့်လိုက်ရင်လဲ သိကြပါလိမ့်မယ်။ နောက်ဆုံးအောင်မြင်သွားတဲ့ X-ray ပေါ့။ ဒီဟာက တကယ့်ကို ကြီးကြီးမားမားဖြစ်သွားလို့ နိုင်ငံတကာဆုတွေ ရတယ်။ ဂျာမနီက ပေးတဲ့ Falling Walls Laureate Breakthrough of the Year Award ရယ်၊ အဲဒါမတိုင်ခင်က အင်္ဂလန်ကနေပြီးတော့ ၂၀၂၃ ရဲ့ ထိပ်တန်း Breakthrough ၁၀ ခုထဲမှာ ၁ ခု ပါတယ်။ Falling Walls ကတော့ ဆရာက နံပါတ် ၁ ပေါ့။ တစ်ကမ္ဘာလုံးကနေ သူတို့ စကာတင်ရွေးတာ အယောက် ၁၁၀၀ ကျော်၊ အဖွဲ့အစည်းပေါင်း ၃၀၀ ကျော်၊ နိုင်ငံပေါင်း ၉၄ နိုင်ငံကနေ Physical Science နယ်ပယ်အတွက်ကို တစ်ယောက် ရွေးတယ်။ အဲဒီမှာ ဆရာ ထိပ်ဆုံးက ရသွားတယ်။” လို့ အိုဟိုင်းရိုးတက္ကသိုလ်၊ နာနိုစကေးနဲ့ ကွမ်တမ်ဖြစ်ရပ်ဆိုင်ရာ သုတေသနဌာနရဲ့ ဒါရိုက်တာတဖြစ်လဲ ဒေါက်တာစောဝေလှက ပြောပါတယ်။ Physical Science ဆိုတာ ဓာတုဗေဒ၊ ရူပဗေဒ၊ အမှုန်ရူပဗေဒ၊ ဒြပ်ပစ္စည်းသိပ္ပံ (Materials Science) နဲ့ နက္ခတ္ထဗေဒ (Astronomy) တို့ ပါဝင်တဲ့ ရုပ်ဝတ္ထုဆိုင်ရာ ပညာရပ်သိပ္ပံနယ်ပယ်ခွဲ ဖြစ်ပြီး အဲဒီနယ်ပယ်တွေအတွက် ဂျာမနီအခြေစိုက် Falling Walls ဖောင်ဒေးရှင်းက ပေးတဲ့ ၂၀၂၄ ခုနှစ်အတွက် အကောင်းဆုံးသိပ္ပံဆိုင်ရာ စွန့်ဦးတီထွင်မှုဆု (2024 Science Breakthrough of the Year Laureate) ကိုတော့ ဒေါက်တာစောဝေလှ တစ်ဦးတည်း ရရှိခဲ့တာပါ။ တစ်ဆက်တည်း “မကြာသေးခင်ကမှ ရထားတာက Feynman Prize in Nanotechnology။ တစ်ကမ္ဘာလုံးက နာနိုနည်းပညာနဲ့ ပတ်သက်လို့ လုပ်နေတဲ့ထဲ နယ်ပယ်အလိုက် အကောင်းဆုံးသူတွေကို တစ်နှစ် တစ်ယောက်စီ ရွေးတာပေါ့။ အဲဒီမှာလဲ ဆရာ ပြီးခဲ့တဲ့ ဒီဇင်ဘာ ၂၀၂၄ ကပဲ ဆုရတယ်။ ၂၀၂၅ ဇန်နဝါရီမှာ အခမ်းအနားမိန့်ခွန်းပြောရပါတယ်။” လို့ ဒေါက်တာက ဆက်ပြောပါတယ်။ သူဟာ ကမ္ဘာ့ထိပ်တန်းရူပဗေဒပညာရှင် ရစ်ချက်ဖိုင်းန်မန်း (Richard Feynman) ကို အစွဲပြုပြီး Foresight ဖောင်ဒေးရှင်းက ပေးအပ်တဲ့ ဖိုင်းန်မန်းဆုကို အသုံးချသိပ္ပံကဏ္ဍ (Experimental category) အတွက် ရရှိခဲ့တာပါ။ ဖိုင်းန်မန်းဆုနဲ့ နိုဘယ်ဆုက နာနိုနည်းပညာနယ်ပယ်မှာ ဆက်နွယ်မှု ရှိပြီး ဖိုင်းန်မန်းဆုရရှိသူတွေဟာ အနာဂတ်မှာ နိုဘယ်ဆု ချီးမြှင့်ခံရတဲ့ ဓလေ့ထုံးစံ ရှိပါတယ်။ ဥပမာ၊ ၂၀၀၇ မှာ ဖိုင်းန်မန်းရတဲ့ ဆာ ဖရေဆာ စတော့တဒ် (Sir Fraser Stoddart) တစ်ယောက် ၂၀၁၆ ခုနှစ်မှာ နိုဘယ်ဆု ရခဲ့ပြီး ၂၀၀၄ ခုနှစ်မှာ ဖိုင်းန်မန်းရတဲ့ ဒေးဗစ် ဘိတ်ခါ (David Baker) ဟာလဲ ၂၀၂၄ မှာ နိုဘယ်ဆု ရခဲ့တာပါ။ “ဒီတော့ လယ်ဗယ်အနေနဲ့ ပြောမယ်ဆိုရင် Feynman Prize က Winners တွေက ထုံးစံအတိုင်း တော်တော်များများ နိုဘယ်ဆု ရကြတာပေါ့နော်။ ဥပမာ၊ ၂၀၂၄ ဓာတုဗေဒနိုဘယ်ဆုရှင်ဆိုရင် အရင်တုန်းက Feynman Prize Winner ပဲ။ နောက် ပရော်ဖက်ဆာတစ်ယောက်ကလဲ အဲလိုပဲ။ Feynman Prize Winner။ Falling Walls က winner တချို့လဲ နိုဘယ်ဆု ရကြတယ် နောက်ပိုင်းတော့။ ဆိုတော့ အဲဒီဆုနှစ်ခုလုံးကတော့ Very Prestigious ဖြစ် (ဂုဏ်သိက္ခာအလွန်ကြီးမား) တဲ့ ကမ္ဘာပေါ်က နံပါတ် ၁ တွေကို ရွေးပေးတဲ့ ဆုတွေပါ။ ၂ ခုလုံးကို ရတာတော့ တစ်ကမ္ဘာလုံးမှာ ဆရာတစ်ယောက်ပဲ ရှိတယ်။ Feynman Prize ရတဲ့သူ ရှိမယ်၊ Falling Walls မှာ အောင်မြင့်တဲ့သူ ရှိမယ်။ နှစ်ခုလုံးကို ရတာတော့ တစ်ယောက်မှ မရှိဘူး။ ဆရာတစ်ယောက်တည်းက လွဲရင်ပေါ့။ ဒါက လက်ရှိအခြေအနေပေါ့။” လို့ ဒေါက်တာစောဝေလှက အသေးစိတ် ဆက်ရှင်းပြပါတယ်။ လက်ရှိအချိန်မှာ ဒေါက်တာစောဝေလှရဲ့ ၂၀၂၃ ခုနှစ် အက်တမ်ဓာတ်မှန် သုတေသနဟာ ပညာရပ်ဆိုင်ရာ ရူပဗေဒနဲ့ ဓာတုဗေဒနယ်ပယ်ရဲ့ သမိုင်းဝင်လုပ်ဆောင်ချက်တစ်ရပ်အဖြစ် သတ်မှတ်ခံထားရပြီး နိုဘယ်ဆုလမ်းကြောင်းပေါ် ရောက်နှင့်နေနိုင်တယ်လို့ သိရပါတယ်။ 74·Sep 28

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 10/03/2026 · v0.2.0 · dd613e8

Privacy Terms DMCA & complaints Report a violation

Similar channels

O D I N : The Nexus Team1.7K subscribers

Kevin Network5.4K subscribers

YᴀᴍSᴀʟʟKʜᴇᴍ Uɴɪᴠᴇʀsᴇ ᴍɪX ᵗᵗᵐᵏ8.8K subscribers

For The Future Myanmar8K subscribers

LLC - Lavender Language Center3.2K subscribers

Introverts' Yatwoon4.6K subscribers

Study Diary7.3K subscribers

English Café - Myanmar3.9K subscribers