Alkoqola ən çox xərc çəkən bölgə bəlli oldu: Qazax-Tovuz liderdir
Bu ilin ilk altı ayında Azərbaycanda əhalinin alkoqollu içkilərə xərclədiyi vəsaitin həcmində artım qeydə alınıb.
İlin birinci yarısında ölkə üzrə adambaşına düşən aylıq alkoqol xərci orta hesabla 2,34 manat təşkil edib. Bu da ümumi istehlak xərclərinin 0,6%-i deməkdir. Ötən ilin müvafiq dövrü ilə müqayisədə bu göstəricidə 5,4%-lik artım müşahid olunub.
İçki xərclərinə görə bölgələr arasında aşkar lider Qazax-Tovuz iqtisadi rayonu olub. Bu regionda əhali alkoqollu içkilərə ayda adambaşına 4,1 manat xərcləyib.Müqayisə üçün qeyd edək ki, qonşu Gəncə-Daşkəsən zonalarında bu rəqəm iki dəfəyə yaxın az — 2,1 manat təşkil edib.
