🇪🇺🏦 “Avropa ölkələri niyə qızıllarını Şimali Amerikadan çıxarırlar?”: Geosiyasi gərginliyin artması fonunda Avropa ölkələri qızıl ehtiyatlarını ABŞ-dan geri götürməyə davam edirlər.
Bu həftə Niderland Mərkəzi Bankı milli qızıl ehtiyatının bir neçə tonunu Şimali Amerikadan daşıdığını təsdiqləyib. Bank bildirib ki, bu addım ölkəyə “ciddi böhranlara daha yaxşı hazırlaşmağa” imkan verəcək.
ABŞ və Kanadada saxlanılan təxminən 313 ton qızılın 86 tona yaxını “geosiyasi gərginliyin artması ilə əlaqədar” Londona daşınıb. Məqsəd böhran baş verəcəyi təqdirdə “qızıla operativ çıxışı” təmin etməkdir.
Bu ilin əvvəlində Fransa da ABŞ-da saxlanılan qızıl ehtiyatlarını ölkəyə qaytaracağını açıqlayıb.
Almaniya isə daha əvvəl xaricdəki anbarlardan 216 tondan çox qızılı ölkəyə gətirib - bunun 111 tonu Nyu-Yorkdan, 105 tonu isə Parisdən daşınıb. Bu əməliyyat 2016-cı ildə başa çatıb.
Belə strategiyadan qlobal qeyri-sabitlik dövrlərində əvvəllər də istifadə olunub. İnflyasiya, faiz dərəcələri və qızılı lazım gəldikdə tez alıb-satmağın mümkün olduğu yerdə saxlamaq istəyi də bu qərarlarda mühüm amil rolunu oynayır.
#Avropa #qızıl #ABŞ #iqtisadiyyat #geosiyasət
September 6, 2026 175
