▪ တိုက်ပွဲသတင်းထုတ်ပြန်ကြေညာချက်
▪ ၂၀၂၆ ခုနှစ် ၊ ဇွန်လ (၁) ရက်
အကြမ်းဖက်အာဏာသိမ်းစစ်တပ်သည် အတုအယောက်ရွေးကောက်ပွဲမှ တဆင့် အစိုးရတုတရပ်ဖွဲ့စည်းကာ နိုင်ငံတကာအသိအမှတ်ပြုရရှိနိုင်ရန်အတွက် ဟန်ပြငြိမ်းချမ်းရေးစကားများပြောပြီး ၊ တဖက်တွင် ၎င်းတို့ လက်လွှတ်ထားရသော နယ်မြေများသို့ မတရားပေါ်တာဆွဲဖမ်းဆည်းထားသော စစ်မှုထမ်းများအား အသုံးချကာ လေကြောင်း ၊ လက်နက်ကြီး နှင့် ဒရုန်းများ အသုံးပြု၍ အင်အားအလုံးအရင်းဖြင့် စစ်ကြောင်းထိုးဝင်ရောက်လျှက်ရှိရာ ကျွန်ုပ်တို့ စစ်ရေးလှုပ်ရှားရာ မင်းတုန်းမြို့နယ်အတွင်းသို့လည်း သရက်ခလရ(၄၄) ၊ သရက်ကပစ(၁၂) ၊ လပခလက်အောက်ခံတပ်များ နှင့်စစ်မှုထမ်းများပါသော အင်အား (၁၀၀၀)ကျော်ခန့်ဖြင့် (၁၈.၄.၂၀၂၆) ရက်နေ့မှ စတင် စစ်ကြောင်းထိုး ဖြန့်ခွဲဝင်ရောက်လျှက်ရှိပါသည်။
ကျွန်ုပ်တို့ သရက်ခရိုင်စစ်ဌာန ၊ သရက်ခရိုင်အမှတ် - ၄ တပ်ရင်းအနေဖြင့် ရန်သူစစ်ကြောင်းစတင်ထွက်ခွာလာရာ သရက် - မင်းတုန်းလမ်းပိုင်းမှ စတင်၍ ရန်သူစစ်ကြောင်းဝင်ရောက်ရာ မင်းတုန်းမြို့နယ် ပြောင်းကျေးရွာ နှင့် ဒေါင်းတိုက်ကျေးရွာအနီးတို့တွင် ၊ ကြားဖြတ်ပစ်ခတ်တိုက်ခိုက်မှုများ ၊ မိုင်းဆွဲတိုက်ခိုက်မှုများ နှင့် ဒရုန်းတိုက်ခိုက်မှုများ ပြုလုပ်လျှက်ရှိရာ ယနေ့ (၁.၆.၂၀၂၆)ရက်နေ့အထိ တိုက်ပွဲ (၁၇)ကြိမ် ဖြစ်ပွားခဲ့ပြီး ၊ ရန်သူဘက်မှ (၂၀)ဦးထက်မနဲ သေဆုံးမှုရှိပြီး ၊ ထိခိုက်ဒဏ်ရာအများအပြားရရှိထားကာ ၊ ကျွန်ုပ်တို့ တပ်ဖွဲ့ဝင် (၂)ဦး လက်နက်ကြီးစထိမှန်ဒဏ်ရာ(မစိုးရိမ်ရ) ရရှိခဲ့ပါသည်။
ယနေ့အချိန်ထိ အကြမ်းဖက်စစ်တပ်စစ်ကြောင်းသည် ၊ စစ်ကြောင်း (၃)ကြောင်းခွဲ၍ မင်းတုန်းမြို့နယ် အနောက်ခြမ်းကျေးရွာများနှင့် ရခိုင်ရိုးအစပ်သို့ ဆက်လက်စစ်ကြောင်းထိုးလျှက်ရှိပြီး တိုက်ပွဲများလည်း ဖြစ်ပွာလျှက်ရှိရာ ၊ ဒေသခံပြည်သူများအနေဖြင့် လေကြောင်း နှင့် လက်နက်ကြီး အန္တရာယ်များအား ဂရုပြုကြရန် နှင့် ဘေးကင်းလုံခြုံသောနေရာများတွင် နေထိုင်ကြပါရန် သတင်းထုတ်ပြန်အပ်ပါသည်။
ပြည်သူ့ကာကွယ်ရေးတပ်မတော်
သရက်ခရိုင်အမှတ်၄တပ်ရင်း
42
3
2
2
1
1June 1, 2026 5.9K 14
