ဒေသဖွံ့ဖြိုးတိုးတက်ရေးလုပ်ငန်းများ ကွင်းဆင်းဆောင်ရွက်
မိုင်းယောင်း ဩဂုတ် ၂၃
ရှမ်းပြည်နယ်(အရှေ့ပိုင်း)၊ မိုင်းယောင်းမြို့နယ် စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ အုပ်ချုပ်ရေးမှူး ဦးစိုးသက်ဆွေသည် ယမန်နေ့က သက်ဆိုင်ရာ တာဝန်ရှိသူများနှင့်အတူ ဒေသဖွံ့ဖြိုးတိုးတက်ရေးလုပ်ငန်းများကို ကွင်းဆင်းဆောင်ရွက်ခဲ့ကြောင်း သိရသည်။
ထိုသို့ ဆောင်ရွက်ရာတွင် မုန်းလိုက်အုပ်စု မိုင်းဟော့ကျေးရွာနှင့် ဝမ်ထန်ကျန့်အုပ်စု ဝမ်ထန်ကျန့်ကျေးရွာရှိ မိုင်းယောင်းရတနာမက္ကဒေးမီးယားနှင့် ကော်ဖီစိုက်ပျိူးထုတ်လုပ်သူများအစုအဖွဲ့မှ မက္ကဒေးမီးယားထုတ်ကုန်အတွက် ကုန်ထုတ်လမ်းဖောက်လုပ်မည့် လျာထားနေရာ၊ မုန်းလိုက်အုပ်စု မုန်းလိုက်ကျေးရွာ၌ ရေဆင်းပေါ်ဆန်း-၁ စမ်းသပ်စိုက်ပျိုးထားမှုနှင့် ရှေခင်ကျေးရွာ၌ ဆီထွက်သီးနှံ ပဲပုတ်စိုက်ပျိုးထားမှု၊ တောင်သူ ဦးကျဖီး၏ နွားမွေးမြူထားရှိမှုတို့ကို ကွင်းဆင်းစစ်ဆေးပြီး လိုအပ်သည်များ ညှိနှိုင်းဆောင်ရွက်ပေးခဲ့သည်။
ထို့နောက် အမှတ်(၇)ရပ်ကွက်၌ ယူရီးယားဓာတ်မြေဩဇာ ရောင်းချနေမှုအခြေအနေအား ကွင်းဆင်းဆောင်ရွက်ခဲ့ကြောင်း သိရသည်။
