لا تشرح لهم… مو لأنهم ما بيفهمون، لأنهم بيفهمون أكثر مما ينبغي، وأنت تعرف وش يصير إذا عرفوا الجزء اللي ما كان لهم… بيجمعونه مع الجزء اللي أعطيتهم إياه، وبعدين يصنعون منك شيء ما يشبهك، شيء تقدر تنكره لكن ما تقدر ترجعه… خلك ناقص في عيونهم، النقص أحيانًا أأمن من الحقيقة، لا تعطيهم كل الأبواب وبعدين تستغرب ليه عرفوا الطريق… خلهم يعرفون اسمك، صوتك، ضحكتك، الأشياء اللي ما تخسرها إذا عرفوها، أما الباقي؟ خله لك، حتى أنت لا تفتحه كله… لأن بعض الغرف إذا دخلها أحد، ما عاد تقدر تقفلها من الداخل… ولا تخلّيهم يعرفون متى تتعب، متى تخاف، ومتى تكون ساكت لأنك على وشك الانهيار… مو كل من سأل كان مهتم، ومو كل من اقترب كان يريد أن يبقى، وبعضهم لا يحتاج يعرف عنك شيئًا حتى يعرف أين يوجعك… لذلك لا تكن كتابًا مفتوحًا، الكتب المفتوحة كثيرًا تُلمس أكثر مما تُقرأ… خذ منهم ما يقولونه، واترك لهم ما يظنونه، واحتفظ بالباقي في المكان الذي لا يصل إليه أحد… لأن أسوأ شيء مو إنهم يعرفونك… الأسوأ إنهم يعرفونك أكثر مما تعرف نفسك.
1August 14, 2026 63
