የNarcissist ባህሪያ ያላቸው ሰዎች! የNarcissist ባህሪያ ያላቸው ሰዎች እራሳችንን እንድንጠራጠር… — Dr. Eyob Mamo

Dr. Eyob Mamo@Dreyob · 79.3K subscribers Open in TelegramOpen

የNarcissist ባህሪያ ያላቸው ሰዎች!

የNarcissist ባህሪያ ያላቸው ሰዎች እራሳችንን እንድንጠራጠር እንዴት ያደርጉናል?

Narcissist ባህሪ ያለው ሰው በስሜታዊ ቁጥጥር እኛ ራሳችንን፣ አስተሳሰባችንንና የምናስታውሰውን እንድንጠራጠር ሊያደርገን ይችላል።

👉 ጋስላይቲንግ (Gaslighting) – የተናገሩትን ወይም ያደረጉትን ክደው፣ “ይህ ፈጽሞ አልሆነም” በማለት የራሳችንን ትውስታና ግንዛቤ እንድንጠራጠር ያደርጋሉ።

👉 በተደጋጋሚ መተቸት – ያለማቋረጥ ድክመታችንን በመጥቀስ “እኔ በቂ አይደለሁም” ብለን እንድናስብ ያደርጉናል።

👉 ጥፋትን በእኛ ላይ መጣል – በችግሮች ውስጥ ራሳቸው ያላቸውን ሚና በመካድ፣ ለችግሩ ሁሉ እኛን ተጠያቂ ያደርጋሉ።

👉 ራሳቸውን በእኛ ላይ መንጸባረቅ (Projection) – በራሳቸው ያለውን ባህሪ ወይም አመለካከት እኛ ላይ ሊወነጅሉ ይችላሉ።

👉 የክስተቱን ታሪክ መቀየር – ነገሮችን በተለየ መልኩ በመተረክ “ምናልባት እኔ ነኝ የተሳሳትኩት” እንድንል ያደርጋሉ።

👉 ፍቅርንና ተቀባይነትን መከልከል – ፍቅራቸውን፣ ምስጋናቸውን ወይም ተቀባይነታቸውን ለማግኘት ሁልጊዜ ራሳችንን ማስተካከል እንዳለብን እንድናስብ ያደርጋሉ።

እነዚህን ሁኔታዎች አልፎ የመሄድ ጥንካሬ

·        የተናገሩትንና ያደረጉትን አመኑም አላመኑም ራሳችሁን ለመጠበቅ ትክክለኛው ውሳኔ ወስኑ፡፡

·        በራሳችሁ ላይ ያላችሁን አመለካከት እነሱ በሚነግሯችሁ ሃሳብ ላይ አትመስርቱ፤ እነሱን ለማሳመንም አትሞክሩ፡፡

·        ሃላፊነታቸውን የመካዳቸውን ሁኔታ ለማሳየት ከመከራከር ራሳችሁን ጠብቁ፡፡

·        እነሱ ያሰቡትን ያስቡ፣ የሚያወሩትን ያወሩ፤ እናንተም የራሳችሁን ኑሮ ኑሩ፡፡

·        ትኩረት አትስጧቸው፣ አስፈላጊ ከሆነም ከእነሱ የመለየትን መንገድ ምረጡ (የትዳር አጋር ከሆነ ሳትቸኩሉ)፡፡

·        በፍጹም ከአሁን ከአሁን ይለወጣሉ በማለት ጉዳታችሁ እስኪበረታ አትጠብቁ፡፡

መልካም ምሸት!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

Dr. Eyob Mamo

Life skill development! You can contact me @DrEyobmamo