Frida Makfadden
“Oqsoch” romani 🚪✨
Tasavvur qiling: siz chorasiz vaziyatdasiz, o’tmishingiz qora va sizga zudlik bilan ish kerak. To'satdan omadingiz kulib boqadi — nufuzli, boy va dabdabali oilaga oqsoch bo'lib ishga joylashasiz. Uy bekasi nafis, eri esa o'ta madaniyatli va kelajakdagi hayotingiz endi yaxshi bo’ladigandek tuyuladi.
Frida Makfaddenning “Oqsoch” asarida hamma narsa mana shu nuqtadan boshlanadi. Muallif birinchi sahifalardanoq kitobxonga jumboq kalitini beradi: biz ko'rib turgan mukammal hayot — shunchaki yaxshi sahnalashtirilgan dekoratsiya.
Nega biz tashqi ko'rinishga, boylikka va chiroyli tabassumlarga bu qadar tez aldanamiz? Yashirin eshiklar ortida nimalar sodir bo'layotganini nega sezmaymiz?
Asarning bosh g'oyasi zo'ravonlikka uchragan ayollarni himoya qilishdir. Asardagi har xil ayollarning obrazlari orqali muallif psixologik azoblar insonni qanchalik aqldan ozdirish darajasiga olib kelishini ko'rsatadi. Asardagi ayollar dastlab bir-birlarini dushman sifatida ko'rsalar-da, keyinchalik birgalikda katta kuch ekanliklarini tushunib yetadilar.
Asar yakunida ayollar birdamligi g'oyasi ham ko’rsatib beriladi. Qachonki ayollar bir-birlarini dushman sifatida ko’rmasalar, aksincha o’zaro qo’llab-quvvatlasalar, bir zanjirning ikki qismi ekanliklarini tushunsalar tizimli zo'ravonliklarni birgalikda yengib o’tishlari mumkinligi ochib beriladi.
@doctorsmind
