Doğru mənhəc üzərində olduğu bilinən, sonra isə ondan azmış şəxslərin əvvəllər yazdıqları kitabları oxumağımız, kasetlərini dinləməyimiz və mühazirələrinə qulaq asmağımız caizdirmi?
Şeyx Muqbil, Allah ona rəhmət etsin, belə cavab vermişdir:
“Onların kitablarını oxumağı və kasetlərini dinləməyi məsləhət görmürəm. Bu mövzuda Şeyxül-İslam İbn Teymiyyənin, Allah ona rəhmət etsin, çox gözəl bir sözünə heyran qalmışam. O belə deyir:
‘Əgər Allah Buxarini və Muslimi yaratmasaydı belə, Öz dinini zay etməzdi.’
Həqiqətən, Allah Subhanəhu və Təala Öz dinini qorumuşdur. Allah Təala buyurur:
﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴾
‘Şübhəsiz ki, Zikri (Quranı) Biz nazil etdik və sözsüz ki, onu Biz qoruyacağıq.’
(əl-Hicr, 9)
Buna görə də sizə onların kitablarından və kasetlərindən uzaq durmağı, onların mühazirələrində iştirak etməməyi tövsiyə edirəm. Çünki dəvətə ehtiyacı olanlar məhz onlardır.
Allahın Kitabına və Allah Rəsulunun ﷺ sünnəsinə qayıdın və onların səbəb olduğu hadisələrə görə Allah Subhanəhu və Təalaya tövbə edin.”
──── ❁ ────
Mənbə: Tuhfat al-Mujib ‘ala As’ilat al-Hadir wal-Gharib.
