-اكرهيني ضلت عليـچ.
حچاها وسحبني ساندني
اخذني وياه للسيارة مشى بيها وگـال
مهيب: ايــة بيچ حيل نحچي؟
9
-آيــات اسمي بالجمع مو بالمفرد.
6
سكت شويه نوب رد حچه
-بيتـچ من الداخل الغراض ما ضل بيهن شي صاحي البلوك تنگر والدكـان مكلوب گلب متكسر حتى الباب مخلوع.
2
فوك الوجع انصدمت ما ضنيت هلگد خربوا
ميتة قهر وانهضمت اكثر بكلامـه
-انتَ شمدريك ؟
-گبل لا اجيـچ شفتهن
-حقراء الله لا ينطيهم گطعوا رزقي..
-من اجيت البيت اظلم گطعوا عليچ الكهرباء گبل لا يجون ؟
-ما ساحبـة كهرباء.
-ليـش ؟
-من قِـل العيّش.
درت وجهي احاول اقنع نفسي
اگدر ادبر امري من جديد بدون ما يجيني ابوي يشمرني على عمامي
قاطع سلسلة افكاري صوتـه
-اخذچ يمنـه ضلي عايشة ويا عيـال خالتچ وجودچ ما يعيق كلچ نفر واحد احسن من ضلتچ بمكان خايس.
58
-مـا اريد اي احد منهم اكرههم كلهم گتلك ما اريدهم.
ماحسيت على صوتي شگد عالي الا من خزرني متعصب
بوده يشمرني من الجامـة بس مستخطيني
مهيب: وين اوديچ ارجعـچ تنامين عالغراض المتهدمـة لو اتيهچ بالشـارع.
5
-معليك انت رجعني لبيتي وتـوكل لدربك.
1
-يرجعلـچ سامي وهالقوانـة تنعاد بس مرة ثانية تخسرين روحچ وتندمين ندم عمرچ اذا مو سامي يسويها اهل البنية الراحت ضحية اخوچ يسووها.
2
-شعليك انتَ عـالأساس هامك امري وانتَ كلشي ما سويت اجيت تالي وكت الله ينطي الرجال الخابرة وخلاه يطلع من يمي ابو يـونس مدري شسمة.
19
ما جاوبني ضايج يزفر دخـان الجگـارة من الجامة
الدنيـا ظلام و روحي لايبة ثگل رجلي وجرحها اذاني يدگ بگلبي الوجع
اريد ارجع وخايفـة ارجع
توني دا احچي وياه اشرلي اسكت
مهيب: راسي راح ينفجـر من لغوتچ انخمدي تـوچ طلعت روحچ من الخياط.
7
آيـات: تطلع روح اليكرهوني كون رجعني يلـه.
5
-عنـدچ عقل انتِ تتفاهمين وتسمعين مثل البشر ؟
6
-اي طبعاً ليش عندك شك ؟
7
طفى الجگـارة وسكت ثواني وحچه بنبرة صدمتني
كلام غفلت عنه ساعتها ما ادري راح يفتحلي الف باب غالقتة من سنين
مهيب: عنـدي شقة متروكـة اخذچ الهـا اگعدي بيها و دبري امـورچ هالفترة.
يتبـع..
7
6
3August 28, 2026 700
