بس سمع توسلاتي هدني مسحت دموعي وسكنت
هفيت على روحي اهدئ نفسي وتمشيت وگفت ليغاد منه
طلـع هيانـة گدامي فر عيونـه الصُفر عـالكُل مستغرب هالجمعة وهم بدورهم عمامـة تصنموا صافنين بي وعيونهم تلمع بالدمع و مفتوحة على كبرها تناضرة يمكن لاحظوا الشبه بينه وبين ابوه يمكن فرحانين راح ياخذوا حقهم يفرحون هنيالهـم
3
لمحني واگفة ركض لحظني
شميتـه حيل احفظ عطرة وابوسـة واعتذر منه بگلبي
امنـع نفسي من البچي وعيوني تسولفله حچي مايفهمه بعمرة
حاولت هواي حاولت لحد اليوم وحاربوني بيك
كلها صارت ضدي تريد تسحبك مني
7
مسح دموعي بأصابيعة الصغيرونات وحظن وجهي وباسني
مُسلـم: ماما هم تعاركوا وبچيتي مو كتلـچ صيحيني اني احميچ واخذچ لخالة زمرد هناك تضحكين.
16
بست ايديه وضحكت العبرة ذابحتني
رومـا: لا حبيبي مابيه شي.
مُسلـم: اني رجـال لا تچذبين عليَّ.
4
حظنته حيييل اريد اشبع منه ما اگدر
رومـا: يمـه فدوه للرجـال طبعاً ما اچذب عليك بالعكس اني فرحانة لان عندي الك مفاجئة فد حلوة راح تعجبك.
مُسلـم: شنو شنو گوليلي.
حچاها وهو يضحك متحمس
لزمت ايديه بين ايديه حظنتهن
حچيت بصوت ضعيف الغصة ببلعومي خانكتني
-اني مو گايلتلك انُ ماما نـوران وبابا حَسـن بالسماء تشوفهم من تباوع على النجوم وهم يشوفوك مناك ؟
مُسلـم: اني ماعرفهم احبچ الچ مليوون انتِ امي البرنسس.
5
هزيت راسي حابسـة دموعي
رومـا: اني هم احبك اكثر من كل العالم.
اشرتلـة على حسيـن وعبـاس و عضيـد
-تعرف هذولـه منو ؟
اندار عليهم وهم على حطتهم ما تحركوا
مُسلـم: منو هذولي الاشراررررر مو؟
4
-لاااا هذولي يصيرون اخوان بابا حَسـن يعني يحبوك.
مُسلـم: يعني مثل خالو ؟
رومـا: اي مثل خالـو قسـورة و مـؤمل التحبهم.
باوع على مهيب وگلي
-خالو مهيب هم احبة
20
بس سمعه مهيب عفس ملامحة عافنه وابتعد ليغاد
اجتي ريـل تقربت عليَّ مبتسمة تهمس يمـه
-تتذكر ابوك الثاني الاحچيلك عنه وگتلك اسمة حسيـن ؟
اشرت على حسيـن وكملت
-هذا ابوك وصل يسأل عنك روحله وگله اخذني اني وامي منا.
39
سحبته منها ودرته الي ابتسم يضحك يريد يتأكد مني
مُسلـم: هـو يحبني لو لا؟
رومـا: طبعاً يحبك انتَ منو ميحبك اصلاً چان ينتظرك شوفه شلون گاعد ينتظرك.
اندار يباوعله ورجع يسأل
-هذولي منو اليمه ؟
بديت ااشر على واحد واحد بيهم وافهمة بدون نفس
وتحملت اللوعة مو لخاطرهم لا كرهت الكل ومتحملة لخاطرة
-هذا اسمـة حسين وهذا الوراه اسمـة عبــاس و الثالث عضيـد يصيرون عمامك
3
ضحك فرحان بيهم ..ابتسمت بوجهه والحسرة بداخلي
-روح سلم عليهم وعرفهم بنفسك.
حظني مايقبل يروحلهم حچت وياه طيبــة تقنعه رافض
باوعلي مبرطم ورد حظني
-ليش تشوفيني وتبچين اني ضوجتـچ؟
رومـا: ما ابچي اني فرحانة لان اجوي عمام اقوياء كُلش يحبون ابني مُسلـم الباتمان.
مُسلـم: اجه ابو صار عندي بابا و ماما.
3
هزيت راسي وهو مشـه راح على حسيـن اول واحد گبل لا يحچي وياه دنگ شاله وشد عليَّ بحظنـه حيل باسـه وشمـه بـ لوعة ولهفة رفع راسـة والدمعة لاحت طرف عينـه وجه نظرة عليَّ وابتعد دار وجهه و راح ليغاد عنهم يداري عيونـه ويمسح بلحيته
11
تقدم عبـاس شالـه يلگفه ويضحك
-ولك عاين هـذا حَسـن الصغير.
تقرب عضيـد هم سحب ايده باسها يردد
-يا بعد عمـك يا روحنـة و دمنـة الما ضـاع.
10
روحي احتركت من اخذوه رغم منظرهم يقهر يشمون بي بعيون مدمعة .. رجع حسيـن گعد واخذه منهم خلاه بحظنة وسئله بحس مختنك
حسيـن: شسمك يا بطـل ؟
-اسمي مُسلـم حَسـن.
-انه اسمي حسيـن ذو الفقار تعرفني؟
باوع عليَّ و رد دار وجهه لحسيـن يحچيله
-ماما نـوران و بابا حَسـن بالسماء وعندي أُمي البرنسس وياي احبها مليووون وانتَ أبويـة حسيـن مو؟ اجيت حتى تشيلني مثل خالو مهيب ويـونس.
14
نزلت دمعتي اثر كلامـة مقهورة وما اعرف شنو احساسي بس شفته شگد مفتقد هالجانب باوعله بعيون فرحانه يريد يجاوبه باس راسة حسيـن ولزم ايده بقهر يگلـه
-ابـوك وعمـك وخالك واخـوك وصاحبـك شتريد تأمرني واگلك تم.
3
يحچي وياهم وهم يعززوله ويسألوا شنو يحب
ومن يعينلهم شي يحبه يگلوله نجيبلك منه يعترض
مُسلـم: ما اريد ماما تجيبلي.
2
عبــاس: لا بعد احنه هم نجيبلك انتَ ابن اخونة.
مُسلـم: اني وماما متفقين كلشي اريد تجيبلي واني من اكبر اجيبلها هسه بس احميها.
5
حظنه حسيـن لصدرة حيل يبوس براسه
-تحب امك وتريد تحميها؟
مُسلـم: اي احبها مليووووون واحميها من الاشرار يبچوها.
12
كل حچاية يحچيها يمرد گلبي ..رجع يمي قسـورة مهدود حيله بلگوه متحمل وحاظني رفضت يروح رفضت ياخذوه اجه مهيب گدامه يصيح لحد ما بچيت وهو ركض لحظني ضم راسـة من الصياح سحبته مني طيبــة دخلته جوه
حسيـن من شاف حالة مُسلـم هيـچ گام تلازم وياه شايط
غافله سيطر عليَّ وخنگـه
-وحگ رسول الله اذا قهرتة و اذيتـة اخليهم الليلة ينصبون عمد فاتحتك.
6
2
2August 28, 2026 158
