مهيب: لو ابوووو مـؤمل يجي اليوم ما يبقي ابنهم عنـدچ فاهمة حق الربى من چدي ومتنازل عنه وحق تعبچ الله يجازيـچ سديهااااا.
4
عصرت راسي حيل افرز كلامة استوعبة بعقلي واضحك
رومـا: يا چَــد محد الــه حق يحچي بالچَـد غيري ربـع شنو الربع من فلوسك ما اخذت منهن لمُسلـم فلسسسس منهن ما اخذت اني اشتغلت وخليت اليسوه والمايسوه يتأمر عليَّ و ربيتـه بتعبي.
11
ضحك يچذبني احچيله واشرحله وطيبــة تأيدني ما مصدگ عباله گعدنه نألف حتى استعطفه على هالموقف اخذ تلفونها بأيد ترجف اتصلت على عمو مثنىٰ ماكو رديت اتصلت زُمـرد وجاوبت بسرعـة الحمدلله
فتحت مايك اجاني صوتها تسأل
-زُمـرد وين عمـو مثنىٰ بسرعة اريده اتصل ماكو.
زُمـرد: شصاير شبي صوتـچ؟
-عموووووو مثنىٰ وينـه گتلـچ
اشرتله يسمع وهو باهت ما مستوعب يچذب كلامي
سمعت هوستها وحچيها تريد تعرف شبيه
لحد ما انطتني عمو بس سمعت صوته بچيت
مثنىٰ: شبيــچ بابا شبيــچ شصايـر وياچ؟
2
رومـا: هـذا مهيب يگـول مُسلـم كُبـر بچدي وهيانه يسمعك عمو احچيها حتى يصدك الفلوس الچان يدزها مهيب اخذت منها فلس ربيت بي مُسلـم؟
مثنىٰ: شيحچي هذاااا تخبللل هاضمچ هالهضيمـة الله يساعد ابـوچ لوعوه عليـچ وهو بگبـره.
6
رومـا: احچي عمو حتى يسمعك اني سكتت وضميتها گبل گلت يتحسس ينجرح يتأذة بس محد تأذة وانجرح وخسر غيري.
4
مثنىٰ: بنتي محد تعب على مُسلـم وصرف دينار واحد على هالطفل غيـرچ تدرسين وهالكة روحچ بالشغل لخاطر تربيتـة فلس ما تخلي ياخذ مني وتگليلي ابني مايكبر بغير تعبي شلتي حِمـل شوارب ما تحمله بنت شـاه الصقـر المدلله وراه صار اليسوه والما يسوه يتأمر عليها يأذيها وتحملت في سبيل ابنها يعيش!
3
نهيت كلامي وياه ماعندي حيل
شمرت التلفون قسـورة ومهيب ثنينهم صافنين وهذولاك يلوبون
ريـل: خلي ياخذوا وتروح وياهم رومـا هو مو ابنها وتعبتله لا تعوفه تروح وياهم وهذا اخوه هو يتحمل المسؤولية.
24
مهيب: شتحچيييييين انتِ ولا كلمة اسمع منچ.
1
قسـورة: الكل يطلع من هالبيت و رومـا تبقى هذا بيتها من ابوية لا تسموها وتأذوها.
ابتسمت ولميت ايدي لصدري اسمعهم يتناقشون على حياتي
ناس تريدني اطلع وناس تريدني ابقى
شديت على گلادتي ..دتشوف بابا دتشوف؟
انحرمت منك وهسه راح انحرم من مُسلـم هم منو يبقالي؟
6
صديت وصارت عيني على حسيـن من بينهم كلهم نضراته عليَّ مستهضمة
عفتهم ومشيتله تقدمتله أبچي
-حباب خلي يمي والله ما اگدر بدونه ولا يگدر بدوني من اجه للدنيا ولهذا اليوم اني وياه سوه ابد ما ابتعدت عنه ولا ابتعد عني هو ابني اني احمي وما احرمكم منه.
5
مهيب بس سمعني احچي وياه اتخبل
هجم عليَّ يسحب بيه ويعتني گدامـه قسـورة صاح بي
وحسيـن جـرة وصار گدامي
-الزلمـة لو آذى حرمـة ما يصلح بوجهه الشارب.
25
عضيـد: الحرمـة الله انعم بيها اعلينـه نكرمها موش نطگها.
26
ما سمعلهم حتى لقسـورة دفعة يريد يوصلني ما خلاه
حسيـن: انه رايدها معززة مكرمـة رايدها أميـرة لا تنهضم ولا تنضام مثل ما عاشت عند ابوها تعيش عندي.
68
مهيب: لو تضل آخرررر رجال بالعالم ما ازوجك اختي ادفنها وماتصيرلك مـرة.
6
حسيـن: تصيـرلي چـي ما بيكم واحد كفو تعيش بسده هالحـرمة الأصيلـة.
29
گبت عركة بينهم وصياح وضرب
مهيب: لك انت منووووووو وتحاچينييي هيـــچ اختي ماتطلع منا الا جثة ما تطلعععع اذبحها ادفنهااا وما اخليها بأيدك لو تعالج.
3
ريـل تحچي وياه تقنع بي اروح وياهم وهو يصيح بيها
سحبتي قسورة من وراه يمـه
-ما تطلع رومـا ولا تتزوج كاااافي سدوا هالسيرة الخايســة
يصيح بيهم ويلزم بصدرة تعبان بلگوه يحچي
حسيـن: مثل ما راح اخذ مُسلـم اليوم واطلـع گبال عينـك هم راح يجي يوم اخذ هالأميـرة گبال عينك يالمهيب بمشيـة و زفـة تسد شوارعكم كلها كرامة الها ولابـوها موش لاجلك.
88
ردوا تعاركوا ووصلت للضرب ببينهم الدم غرگ وجوّوهم
مهيب: لا تخليني احرك جدك وافجع اهلك بيك اخوك يعرف شأگدر اسوي لا تختبر صبري اخذوا ابنكم والشارع يلاگينـه ونتحاسب.
حسيـن: وحگ رسول الله نتحاسب وحضر چفنك بأيدك عبن اذا عاينت جايس ابن اخوي بأذيـة لو مبهذلة بعيشته ومشردة ومدمرة الا ادمرك والعب على نقاط ضعفك وامحيك منها نقطة نقطة.
1
مهيب: تاكل تبن لك اهدد ما اتهدد اطلع وبعدين اعلمك اني منو.
حسيـن: يصير خير اخذه واستفسر منـه بعدين اعرف وين چـان شني عاش ونتفاهم تفاهم حلـو بحيث حتى الدموم افيضها من العروگ ساعتها.
اسمعله وابلع ريگي خايفة لوني مخطوف وايدي ترجف
هذا اذا عرف چنت مسافرة ومسجلتة بأسم فــارس شيسوي؟ ياخذه بعيد بعد ما اشوفه ولا الگـاه بيوم .. مركزة بي وافكر شسوي شسوي
7
وخر منه يمسح بدمة اجاني چتفني وصاح لريـل تطلع مُسلـم
تخبلت وتهسترت ضليت ارافس بين ايده من شفتها دخلت صحت
رومـا: لاااااااا لا مهيب اروحلك فدوة حباب والله هاهيه سكتت سكتت بس لا تجفلوا على كيفكم هو ذكي هو يفتهم خلي اني احچيله لا يشوفك هيچ مچتفني وياخذوا گُبل يخاف.
27
2
1August 28, 2026 148
