الفيزياء
مادة الفيزياء العملاقه ماعرف شكم يوم عدكم بل جدول 🙃 احنا بوكتها جان يووم واحد وياها اليوم الي رجعنا من الامتحان اني جبت بيها 100 مع العلم أجه فرعين خارجيات اووول مره يجن 😎 لكن حليتهم تعالوا اسولفلكم.....
طريقه القرايه جانت عدنا عطله عيد بنص جدول قبل الاحياء كعدت نص هذا العطله قريت اول 3 فصووول فيزياء وبعدين كملت احياء من اجه يوم الامتحان بلشت من رابع وفوك لحد الفصل التاسع وكفت رجعت على اول فصول اطلعت عليهم بساع يعني طبيت للامتحان الوزاري فصلين ما مراجعهم لان وكت كلش ضيق
الي مار بهذا تجربه من 2024 راح يعرف هاي معاناة + اني من قريت 8 فصول قريتها بلا انشطه لان ملحكت أقره أقره ماده كامله وجانت بهاي سنه نسبه تااااجيل فضيعه كلش اغلب طلاب العراق ماجلين وتكدرون ترجعون الاحصائيات
🎯 اجه يوم الامتحان طبيت للقاعه وزعوا الاسئله اخذت الاسئله سوال سادس انترك تلقائياً لان بي نشاط واني الانشطه ما مراجعها من مراجعه بقت 5 اسئله من ضمنها سوال الاول جان بي فكره هسه انتوا اغلبكم حاله ويكول سهل لان اخذتوا الفكره لكن بوكتها جانت فكره جديده وأجواء امتحان وقاعه ورعب 😞😞 تشوف كبالك طلاب سجاجه عليهم الاعتماد ياجلون
طبعا اني هنا وكعت بحيره ااااجل لو أحل
مهم حليت الحفريات كلها صار ساعه تسعه ونص وبقالي سؤال الاول سديت الدفتر ونمت عل رحله وراها شريت مي استرخيت مدري شنو بلش أحل السؤال فقره فقره 😂 طبعا هنا اني جنت مواثق من حلي + ماريد أجل ماريد دووور ثاني
كعدت ارسم توالي توازي وانحل حمدالله خلص الامتحان
🎯 أما بل نسبه بل قاعه جنا بس 3 طلاب كلها ماجله هسه انتوا تكولون كاعد يبالغ من تفوتون وزاري حتشوفون فئات
اكو فئه نفس الوجوه كل امتحان تأجل
اكو فئه بس بل صعبات ياجلون اكو فئه يربطون مصيرهم بمصير سجاج شلون يوم الفيزياء عدنا ذوله شطار اجلوا هما اصلن ما ماجلين مباشره الي بل قاعه سلموا دفتر واجلو اني ماربطت مصيري ويه أحد عندك عقل انت تتصرف مهم حمدالله اجتي 100 😎
الفرنسي
بعدين ادزلكم ملاحظات مهمه
