ملاحظات ليلة الامتحان
🎯 إخوان اهم شي نووم قبل الامتحان حتى لو 3 ساعات اني بل فيزياء ساعه 2 بقالي الفصل 9 والفصل 10 عفتهم ونمت اهم شي ولا تكول ليش
لان تروح متجاوب اذا منايم
يعني اذا صارت الحرب العالمية الثالثة تعوفها وتروح تنام اني أحد الامتحانات منمت كضيتها سهر على جره وحده طبيت للامتحان ما مركز مجبت 100 مع الاسف طبعا ماده العربي😡
🎯 بارحه طلاب سالوني الريوك ضروري
طبعا ماعرف شدخل بس مو مهم اني جنت اروح بلا ريوك😂
🎯 داخل القاعه حتشوف العجب
راح تشوف قوم ياجلون ذوله يسون الك احباط عوفهم خلي يولون مالك علاقه بيهم
حتشوف واحد يبجي ااااااي نعم يبجي على سوال ويسويلك احباط
ذوله عوفهم عليك بنفسك
🎯 ملاحظه مهمه من يجيبولك ترك سوال اكتب ترك بصفحه السؤال بخط جبير واضح موووو تعوفها فارغ وتتعاجز
دربالك يخلون الك صفر ويتركون الاخير وصارت ويه هواي طلاب
🎯 البصمه اتاكد من البصمه داخل الامتحان مو تنسه
🎯 الختم مال دفتر الوزاري تأكد موجود اذا ما موجود يهمل الدفتر أول ما ينطوك
الدفتر تأكد
🎯 اكو مراقبين يريدون يسولفون أو يسولفون بيناتهم ارفع ايدك كله ممكن صوتك بس بأدب اني سويتها مره لان جانوا يسولفون بيناتهم فوك راسي 😂😂😂😂
🎯 من تكمل حل الاسئله راجع مره او مرتين
🎯 طبعا اكو رعب اول ما تستلم الاسئله وراح تنسه الماده كلها وكلشي متتذكر عادي كلش عادي سد دفتر والأسئلة اخذ شهيق زفير اشرب مي وراها تتذكر
🎯بداعت مستقبلك من تحل لاتباوع على كل الاسئله سؤال سوال لاتقره الاسئله كلها ويصير عندك احباااااااط اني جنت احل سؤال سؤال ما اباوع كل الاسئله
🎯 خطك.واضح ورتب الدفتر تحسن من نفسيه المصحح
🎯خلي اكلك شغله حرفيا اي امتحان تفوتله حتدخل وانت ما مكمل ماده حقيقه هاي بس عااااادي انت قاري قبل وحتذكر داخل القاعه حتى لو ما مراجعها وصارت وياي بهواي مواد يعني ملحكت اقراه بيوم الامتحان بس قارئها بل ،40 يوم بس تذكرها
🎯 شباب ملاحظه عن الفيزياء الانشطه ابتعد عنها نصيحه من مصححين وزاري واساتذه كبار يدرسون مو شباب مع احترامي الهم ليش؟؟؟؟؟
لان مرات ماينطون درجه كامله عل نشاط الي يدور ١٠٠ حتى وإن كان قارئ ومضبط انت ابتعد منها حرامات تتنقص درجه 💔
مرات رسم ما يعجبهم أو استنتاج
🎯 نفس ملاحظه للمبرهنات و تمارين مال رياضيات ابتعد عنهم اذا تعرف باقيات كلها ابتعد ليش تتنقص درجه ودرجتين 💔
خلصت ملاحظاتي اذا اتذكر وحده عود ادزها الكم ويارب كل توفيق وأعلى معدلات ❤️♥️
