رساله فقط للطلاب الي يدورون مجاميع طبيه ومعدلات عاليه . شباب بل بدايه… — Medical student U.O.M — TG.ME

رساله فقط للطلاب الي يدورون مجاميع طبيه ومعدلات عاليه . شباب بل بدايه جان مقترح ادز فويزات لكن اعرف الاغلب مراح يسمع يتعاجزون او ماعدهم وقت يسمعون الفكره حنبلش بأهم الملاحظات ماده ماده . ♥️توجيهات ايام الامتحانات يعني مفروض انتوا هاي الفتره كاعد تختمون بل مراجعه التربيه الاسلاميه ! مادة سهله 100 بيها شنو مكوناتها 🎯أكثر خطأ يوكعون بي طلاب ما يحفظون امثله عن احكام + البيت الشعري لكل حكم 🎯 الخطا الأكبر الي صار بدفعه 2024 اغلب الطلاب اعتمدوا عل مراجعه المركزه ونصيحه لا تعتمدون على اي مراجعه مركزه من ناحيه الحفظ وخصوصا الإسلامية انت عندك كبالها اسبوع الى خمسة أيام تكدر تراجع وتضبط بيها + الإسلامية بوابه الامتحانات شد حيلك حتى يبقى واهسك بل امتحانات الي يريد 100 خلي يبتعد عن مراجعه مركزه يقرا منهج كامل ...... اللغه العربيه أكثر ماده ماحبها حقيقه🥲 اضوج منها + خطي محلو بيها تعالوا اسولفلكم شراح يصير وياكم اول مترجعون من الامتحان الاسلاميه مهما كان مستواك مراح تكدر تكمل الماده كلها بيومن ؟؟؟؟ الحل شنو انت مو عندك قبل الاسلاميه اسبوع الى خمسه ايام ذني طلع منهن ٣ ساعات أقره ادب وانت مراجعه قبل🤠 راح تفول بيها هذا الأسبوع الي قبل الامتحان الوزاي لماده الإسلامية حيصير منه اول ٣ ساعات صباحا ادب يعيني حرفيا حتكمل الادب وتضبط الإسلامية واخر يوم قبل الامتحان سوي مراجعه كامله للاسلاميه 💢💢 تذكر كلامي من تخوض التجربه (لا تغلط غلطتي ) نرجع لليومين الي بعد امتحان اسلاميه ضمنها يوم الامتحان قسموا بيها ماده عل يصرفلكم 🎯 ملاحظه/ شباب بيوم الامتحان مو تحلون تمارين وقواعد وتفتحون امثله ترى متلحكون فقط حلك مثال اوو مثالين عن كل موضوع ولا تلح بل ماده أقره بس قاعده وهذا قلق مال نسيان عادي اللغه الانجليزيه ماده سهله جدا تقسيم يكون يوم اول اربع يونتات ويوم ثاني اربع يونتات مع الادب . 🎯 صاحبي غلط غلطه قسم الإنكليزي يوم بس حفظ يوم بس قواعد طب للامتحان كلشي ناسي ومعلومات هوسه هنه مرتبات يونتات بشي تسلسلي انت أقراهم نفس تسلسل لا تكتشف طرق جديده 😡 الاحياء الاحياء وطولها ....... ممممم شوفوا أكثر ماده جنت احبها بل سادس واحلى ماده حرفيا مهم المهم ماعرف شكد عدكم بجدولكم ايام حتى تقروها بس تقريبا كل يوم فصل ونص وتكمل . 🎯 اعزائي شكووو سؤال وراثه حله ولا تركه غالبا يجي سؤوالين وكلش حلوات هذا حرامات تركه لان وراثه سهله 🙃 باستثناء حفظياتها المزعجه 🎯 ملاحظه للسجاجه أهل مجاميع الطبيه اكووو سوال مال حدد موقع او حدد مسؤول او حدد الوظيفه في اي طور او دور هذا سوال مو صعب كلش سهل بس يخربط نصيحتي الي يدورون ١٠٠ ابتعدوا منه اذا تعرفون كل اسئله هذا ابتعدوا منه لأن سؤال فخ يوكعكم حرفيا يعني انت بالك شي وتكتب شي وصااااارت ويه هواي زملاء واصدقاء 🎯 لخاطر مستقبلكم لحد يترك الرسم غالبا يجي رسمين وكلش سهلات ودائما ينطون درجه كامله اهم شي تأشير صح وملامح واضحه🤓 🎯 اكو اسئله اثرائيه ينطوها الاساتذه ذني مجرد فيكه بيوم الامتحان لا تقروها رياضيات رياضيات ماعرف الايام بل ضبط عل جدولكم بس راح انطيكم اهم ملاحظات 🎯 وره مترجع من الامتحان الي يسبق رياضيات ترجع تبلش بل فصل فصل بس لازم اول يوم تكملك فصلين 🎯 اكو طلاب بيهم وهواسس قهري يعني اله يحل كل المسائل و معادلات يلا يفوت للامتحان للاسف طريقه غبيه🤪 ااذا تسوها ليش؟؟؟؟؟ لان ما تلحكون حبيبي زين شنو الحل لازم من كل موضوع تحلك سوال واحد وتحل اهم خطوات معقده بسيطه تكملها نظري بعيونك🙃 🎯بس اكو مواضيع بفصل ثالث مثلا تطبيقات ذني لازم تراجع كل الأفكار لازززززم 💢💢 شباب ابتعدوا عن الاثرائي بيوم الامتحان ابتعدوا من اسئله الغربيه و الوزاري القديم رجاء 🎯 فصل الخامس بي فقره مهمه اغلب طلاب يغلطون بيها وتروح درجتين مال ( وهو المطلوب) كلش مهمه 🎯 ملاحظه مهمه خصوصا للطلاب الي يردون ١٠٠ مضمونه انت اذا مضبط منهج كله مبرهنات وتمارين الفصل السادس اتركها حتى و اذا مضبطها سؤال هنا ليش؟؟؟ معلومه سامعها من مدرسين ومصححين بل وزاري بعض المصححين ماينطون درجه كامله عل مبرهنات تبقى هيه بكيفهم وأستاذ عن استاذ يفرق انت ابتعد عن هذا مازق اني سويت هاي الفقره وحمد الله اجتي 100🤓 🎯 الووووووووحدات دربالكم عليها مهمه مو تنسوووها الكيمياء امتحان الكيمياء من يجي اقراها بذكاء بلش بل فصول بل بدايه عليها درجات أكثر ...... + عندك المسائل اخذ بس الفكره مو تكعد تحل ورقه وقلم بيدك ما تلحك بل اضافه لحد ليترك العضويه عليها درجه وهيه سهله موووو صعبه بس يرادلها تكرار🙃🙃 🎯 راح اكول الكم شغله بل نسبه لكل حفظيات الفيزياء والكيمياء مايحاسبون عليها نصا هاي مكتوبه بل ملاحظات الاجوبه النوذجيه + اساتذه الي داخلين عدهم اخر ايام يكولون الكم 🫢