ከባለፈው ዓመት አንጻር ሲታይ በዚህ ዓመት ያለፉ የ12ኛ ክፍል ተማሪዎች ውጤት አበረታች ነው ተባለ
---------------- --------- ---------
(ነሃሴ 16/2018 ዓ.ም ፤ አሶሳ) የክልሉ ትምህርት ቢሮ ሃላፊ ተመስገን ዲሳሳ (ዶ/ር) የ12ኛ ክፍል ፈተና ውጤት እንደቤኒሻንጉል ጉሙዝ ክልል በ2018 ዓ.ም የተመዘገበው ውጤት የሚያበረታታ ነው ብለዋል።
በክልል የዘንድሮው የ12ኛ ክፍል ውጤት ከባለፈው ዓመት ከነበረው 3.4% (274) ተማሪዎች አንፃር በዚህ ዓመት ወደ 6.12% (457) መሻሻል ማሳየቱን ቢሮ ሃላፊው ጠቅሰዋል።
በሀገር አቀፍ ደረጃ 12.8% ተማሪዎች 50% እና ከዚያ በላይ አምጥተዋል። በክልላችን 6.12% (457) ተማሪዎች 50% እና ከዚያ በላይ ውጤት አምጥተዋል።
የቢሮው ሃላፊ ተመስገን ዲሳሳ (ዶ/ር) አክለው ሲገልጹ በክልሉ ያለው አጠቃላይ የውጤት ሂደት የሚያበረታታ መሆኑን ጠቅሰው ፤ በ2016 ዓ.ም 2.1% (184 ተማሪዎች)፣ በ2017 ዓ.ም 3.4% (274 ተማሪዎች)፤ አሁን ደግሞ 6.1% (457 ተማሪዎች) ማለፍ መቻላቸውን በዝርዝር አብራርተዋል።
ባለፈው በ2017 ዓ.ም 47 ትምህርት ቤቶች አንድም ተማሪ ያላሳለፉ ሲሆን በዚህም ዓመት 29 ትምህርት ቤቶች አንድም ተማሪ አላሳለፉም።
በዚህ ዓመት መሻሻሎች ቢኖሩም በቀጣይም ለተማሪዎች ውጤት መሻሻል ላይ በቀጥታ የሚመለከታቸው ባለድርሻ አካላት በተሻለ አግባብ መስራት ከቻልን በቁጥርም ይሁን ከፍተኛ ውጤትም የሚያስመዘግቡ ተማሪዎችን ልናፈራ እንችላለን ሲሉ የቢሮው ሃላፊው መልዕክት አስተላልፈዋል። ዘገባው የቢሮው ኮሙኒኬሽን ዳሬክቶሬት ነው።
