🔰 O‘zbekiston Respublikasi Bank-moliya akademiyasida Koreya Davlat boshqaruvi instituti, Xanyang universiteti hamda Davlat boshqaruvi instituti mas’ul xodimlari ishtirokida tinglovchilar bilan ochiq muloqot o‘tkazildi. Muloqotlar davomida davlat boshqaruvi, ta’lim va ilmiy tadqiqotlar sohasidagi zamonaviy yondashuvlar, institutsional rivojlanish hamda xorijiy tajribani milliy amaliyotga tatbiq etish masalalari muhokama qilindi.
🎓 Akademiya tinglovchilari bilan o‘tkazilgan ochiq muloqotda Koreyaning oliy ta’lim muassasalari bilan hamkorlikda amalga oshirilayotgan UNITWIN, G-BEX dasturlarining mazmun-mohiyati, ahamiyati va dastlabki natijalari yuzasidan fikr almashildi. Qayd etilganidek, ushbu dasturlar orqali akademiyaning professor-o‘qituvchilar va tinglovchilari xalqaro ilmiy jarayonlarda ishtirok etib, ilmiy tadqiqotlar olib borishi va dissertatsiya ishlariga rahbarlik qilish imkoniyatlariga ega bo‘lmoqda.
✨ Ochiq va samimiy muloqotda Koreyalik olimlar amalga oshirilayotgan qo‘shma dasturlar ularning kasbiy rivojlanishiga qay darajada xizmat qilayotgani, mavjud tizimda qanday masalalar va muammolar borligi, ta’lim jarayonini yanada takomillashtirish bo‘yicha qanday takliflar mavjudligi bilan qiziqdi.
📕 Tinglovchilarning fikr-mulohazalari hamkorlik dasturlarining amaliy samaradorligini yaqqol namoyon etdi. Ular Koreyalik hamkorlar bilan amalga oshirilayotgan dasturlarda faol ishtirok etayotganini, mashg‘ulotlar jarayonida egallangan nazariy bilimlarini mazkur loyihalar orqali amaliyotda mustahkamlash imkoniga ega bo‘layotganini ta’kidladi.
📍 Mazkur ochiq muloqot orqali tinglovchilarning fikr va takliflari o‘rganiladi. Ularning takliflari asosida hamkorlikdagi ta’lim dasturlari yanada takomillashtirilib, o‘quv jarayoni mazmuni boyitiladi va ta’lim sifati oshiriladi.
🇺🇿🇰🇷 Халқаро ҳамкорлик — сифатли таълим ва замонавий кадрлар пойдевори
🔰 Ўзбекистон Республикаси Банк-молия академиясида Корея Давлат бошқаруви институти, Ханянг университети ҳамда Давлат бошқаруви институти масъул ходимлари иштирокида тингловчилар билан очиқ мулоқот ўтказилди. Мулоқотлар давомида давлат бошқаруви, таълим ва илмий тадқиқотлар соҳасидаги замонавий ёндашувлар, институционал ривожланиш ҳамда хорижий тажрибани миллий амалиётга татбиқ этиш масалалари муҳокама қилинди.
🎓 Академия тингловчилари билан ўтказилган очиқ мулоқотда Кореянинг олий таълим муассасалари билан ҳамкорликда амалга оширилаётган UNITWIN, G-BEX дастурларининг мазмун-моҳияти, аҳамияти ва дастлабки натижалари юзасидан фикр алмашилди. Қайд этилганидек, ушбу дастурлар орқали академиянинг профессор-ўқитувчилар ва тингловчилари халқаро илмий жараёнларда иштирок этиб, илмий тадқиқотлар олиб бориши ва диссертация ишларига раҳбарлик қилиш имкониятларига эга бўлмоқда.
✨ Очиқ ва самимий мулоқотда Кореялик олимлар амалга оширилаётган қўшма дастурлар уларнинг касбий ривожланишига қай даражада хизмат қилаётгани, мавжуд тизимда қандай масалалар ва муаммолар борлиги, таълим жараёнини янада такомиллаштириш бўйича қандай таклифлар мавжудлиги билан қизиқди.
Тингловчиларнинг фикр-мулоҳазалари ҳамкорлик дастурларининг амалий самарадорлигини яққол намоён этди. Улар Кореялик ҳамкорлар билан амалга оширилаётган дастурларда фаол иштирок этаётганини, машғулотлар жараёнида эгалланган назарий билимларини мазкур лойиҳалар орқали амалиётда мустаҳкамлаш имконига эга бўлаётганини таъкидлади.
📍 Мазкур очиқ мулоқот орқали тингловчиларнинг фикр ва таклифлари ўрганилади. Уларнинг таклифлари асосида ҳамкорликдаги таълим дастурлари янада такомиллаштирилиб, ўқув жараёни мазмуни бойитилади ва таълим сифати оширилади.
👉Телеграм каналимизга аъзо бўлинг!
🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in
