Iqtisodiyot va moliya vazirligi

Hisobdorlik — davlat mablag‘larining shakllanishi va sarflanishi bo‘yicha aniq, tekshiriladigan ma’lumot taqdim etadi;
Shaffoflik — budjet jarayonlari, daromad-xarajat tarkibi va moliyaviy majburiyatlar haqida ochiq ma’lumot beradi;
Xalqaro investorlar uchun ishonchli manba — yagona metodologiyaga asoslangan ma’lumotlar investorlarga mamlakat moliyaviy holatini xolis baholash, risklarni tahlil qilish va qaror qabul qilish imkonini beradi;
Davlatlararo solishtiruvchanlik — GFSM-2014 standartiga rioya qilish O‘zbekiston ko‘rsatkichlarini boshqa mamlakatlar bilan bevosita qiyoslash imkonini beradi — bu xalqaro reytinglarda, tahliliy hisobotlarda va moliyaviy hamkorlik dasturlarida muhim ahamiyat kasb etadi.

Ma’lumotlarning muntazam va oldindan e’lon qilingan taqvim asosida yangilanishi (GFS e’lonlar taqvimi) — bu xalqaro amaliyotda qabul qilingan statistik ma’lumotlar sifati kodeksining asosiy talabidir.