AŞURA ORUCU: 4-5 iyul və ya 5-6 iyul.
4 iyul
imsak vaxtı: 03:13
iftar vaxtı: 20:21
5 iyul
imsak vaxtı: 03:14
iftar vaxtı: 20:21
6 iyul
imsak vaxtı: 03:15
iftar vaxtı: 20:21
* vaxtlar Bakı üçündür.
Dəyərli müsəlmanlar, 5 iyul Aşura günüdür.
Rəsulullah (Ona və ailəsinə Allahın salamı olsun) demişdir: “Ümidvaram ki, Aşura günü tutulan oruc əvvəlki ildə işlənən günahlara kəffarə olar.” hədisi ilə ümmətini aşura orucuna təşviq etmişdir. (Tirmizi, Savm 48)
Uca dinimiz hər fərz ibadətin cinsindən nafilə ibadət etmək imkanı gətirmişdir. Məlum olduğu kimi Ramazan ayında oruc tutmaq vacibdir. Ramazan bayramının birinci günü ilə Qurban bayramının dörd günü xaric, ilin hər günündə Allah rizası üçün oruc tutmaq mümkündür. Ancaq bunun üçün ən uyğun və fəzilətli ay hansıdır? Elə ağla gələn bu sualın cavabını Rəsulullah (Ona və ailəsinə Allahın salamı olsun) “Allahın ayı Məhərrəm” olaraq bildirmişdir. Məhərrəmin “Allahın ayı” – deyə səciyyələndirilmiş olması, onun dəyərini anlatmaq üçündür. Yoxsa zaman da, aylar da, günlər də hamısı Allahın yaratması ilə var olmuşdur.
Məlum olduğu kimi Peyğəmbərimiz (Ona və ailəsinə Allahın salamı olsun) Aşura günü oruc tutmuşdur. Ər-Rubeyyi binti Muavviz (Allah ondan razı qalsın) belə dedi: Peyğəmbər Aşura gününün səhərində Ənsar kəndlərinə belə xəbər göndərdi:
“Hər kəs iftar edərək sabahladısa günün qalan hissəsində oruc tutsun! Hər kəs də oruclu olaraq sabahı açdı isə orucuna davam etsin”
Ər-Rubeyyi binti Muavviz belə dedi: “Biz bundan sonra Aşura orucunu tutardıq.” [1]
Məhərrəm ayı və Aşura Günü, əhli Kitab olan xristian və yəhudilər tərəfindən də müqəddəs sayılırdı. Necə ki, Peyğəmbərimiz (Ona və ailəsinə Allahın salamı olsun) Mədinəyə hicrət etdikdən sonra orada yaşayan yəhudilərin oruclu olduqlarını öyrəndi. “Bu nə orucudur”? deyə soruşdu.
Yəhudilər, “Bu gün Allahın Musanı düşmənlərindən qurtardığı, Fironu və ordusunu suya qərq etdiyi gündür. Musa (Ona Allahın salamı olsun) şükür olaraq bu gün oruc tutmuşdur (biz də tuturuq)” dedilər. Bunun üzərinə Peyğəmbərimiz (Ona və ailəsinə Allahın salamı olsun):
“Biz, Musanın sünnəsini əhya etməyə sizdən daha çox yaxın və haqq sahibiyik” buyurdu və o gün oruc tutdu, tutulmasını da əmr etdi.” [2]
DİQQƏT! 9-10 vəya 10-11 Məhərrəm.
Bir başqa hədisdə də Peyğəmbər (Ona və ailəsinə Allahın salamı olsun) belə buyurmuşdur:
“Aşura orucunu tutun, ancaq bir gün əvvəl və ya bir gün sonra tutmaq surətiylə yəhudilərə müxalifət edin!” [3]
Bu səbəblə də Məhərrəmin yalnız onuncu günü oruc tutulması, yəhudiləri təqlid etmə mənasına gələ biləcəyi üçün məkruhdur.
Peyğəmbərimiz (Ona və ailəsinə Allahın salamı olsun) də bir gün öncəni və ya bir gün sonranı əlavə edərək 2 günlük oruc tutmağı bildirmişdir.
Peyğəmbərimiz, ibadətlərində belə qeyri-müsəlmanlara müxalifət halında olmuşdur. Bunun üçün bizlər də, ibadətlərimizdə onlara bənzəmədiyimiz kimi digər hal və hərəkətlərimizdə də onlara bənzəməmək üçün səy göstərməliyik.
QEYD: Diqqətinizə çatdırırıq ki, bu il aşura günü, yəni Məhərrəm ayının 10-u, miladi təqvimlə 5 iyul tarixinə təsadüf edir. Belə olduğu halda bu il, aşura orucu ya iyul ayının 4-5-i və ya iyul ayının 5-6-sı şəklində tutulmalıdır.
__________
[1] Səhih əl-Buxari 1827, Səhih Muslim 1136/136, Əhməd bin Hənbəl, Musnəd 6/359, 360.
[2] İbn Macə, Siyam 31.
[3] Əhməd bin Hənbəl, I, 241; Bəzzar, 1052; Heysəmi, III, 188
Bəyyinəni sosial media platformalarından təqib etməyi unutmayın @beyyinetv
