والله جهود كبيرة وفخر كبير لطلبة الطب في ليبيا بشكل عام، وفي الزاوية بشكل خاص. مع غياب متطلبات الحياة الكريمة، ومع الأخبار الشنيعة اللي نشوفوا فيها كل يوم، أنت كطالب طب ما عليك إلا إنك تقرا الخبر وتشوفه، وترجع تشد شيتاتك.
الضو هرب؟ مش مشكلة، ارجع اقرا.
قصفوا المصفاة؟ ربي يسلم، ارجع اقرا.
مافيش بنزينة؟ ربي يفرج، ارجع اقرا.
والله هنيئاً لكل شاب يسعى ويحاول في كل هذه الظروف المحيطة بينا، وبإذن الله العزيمة هذي هي اللي حتبني الوطن من جديد.
