بداية اول حاجة حنتكلم عليها هي انك تقرا الموضوع ك pathophysiology, خصيصا مواد ال basics
شن معنى pathophysiology ؟
Mechanism of disease
طريقة حدوث المرض اللي اني نقرا فيه
خلي نعطي مثال عملي، كيف ممكن نقرا هكي ؟
انك اول حاجة انك لما تقرا، حتركز ع كيف معلومتك مترتبة اكثر من كونك قداش عندك من معلومة، اشرحلي
فرضا بتدير differential diagnosis ع ال edema
حنقولك اشرحلي، من وين حتبدا ؟ شن حتقول ؟ مهما كنت حافظ مش حتعرف من وين حتحكي وحتحس روحك ناسي اللي قاريه ع الموضوع هذا كله
بينما اني نقرا وتكون معلومتي مرتبة
اول واهم حاجة اني نكون عارف starling forces
فاهم ال filtration وال reabsorption وحاط صورة نقدر نتخيلها اول ما حد يجيبلي اسم straling mechanism
باه ! من starling نقدر نجزأه، بحيث حنقوله في hydrostatic pressure و osmotic pressure فال capillary وال interstitium ، نبدا نشدهم بالواحد
كيف ال capillary hydrostatic يسبب edema لو صار فيه خلل
اه لو زاد حيزيد ال filtration مع عوامل ثانية ممكن يدخلني ف edema
اهااا كيف حيزيد ؟ Inflammation, حيتوسع ال arteriole ويجيب دم اكثر، ااه يعني ال differential diagnosis الاول inflammation
باهي كيف ثاني ؟ ااه لو زاد الضغط في ال veins الدم حينحبس ومعاش يطلع وحيزيد ال filtration,
ااه شن يزيده ؟ ال Right sided heart failure ونشوف ال JVP وال S3 وممكن نوصل لتشخيص وهذا differential diagnosis ثاني، وبرا عاد لامراض ال Right heart بتغني انت وياه tricuspid disease و restrictive cardiomyopathy و pulmonary hypertension و subpulmonic stenosis و Lt heart failure وبرااا مزال مش حنكمل بكل
شفت قداش وصلت لتشخيص ؟ اني قاعد نحكي ع ال capillary hydrostatic فقط ومزال في 3 forces ثانية مجيتش جيهتهم واسباب غيرهم مزالت برضو
ومنها تحط differential diagnosis وتبدا تدير exclusion ليهم بالواحد وتوصل لتشخيصك والخطوة التالية كيف حتتصرف مع المريض
شفت قوة ال pathophysiology كيف تكون عندك ؟
هذا تقودني لاول طريقة وترك يخليك تحتفظ بالمعلومة وبالله معلومات make sense زي هذه هل ممكن تنساها ؟ نهائي
اللي هو ال meaningfulness
Well structured, logical concept
المعلومات اللي تكون زي توا، مفهومة بشكل منطقي وحقيقي حيكون معدل نسيانها ابعد بشكل ضخم ع المعلومات السطحية اللي قاريها بشكل مش مرتب حتى ولو كانت معلوماتك هلبا
