وبعض الاقتصاديين بقوا فقهاء في يوم وليلة!
وفي الآخر يطلع رأي فردي لملايين الناس وكأن كل قرارات المجامع دي مش موجودة أصلًا.
والفردي مش لازم يكون راي فرد انما ممكن يبقى راي مجموعة افراد او اغلبية في مؤسسة في دولة ما
بس كل دول قصاد الاجتهاد الجماعي للمجامع الفقهية الدولية لا يمثل شئ
و اللي عنده اجتهاد علمي جديد ينقض التكييف ده، أهلًا وسهلًا.
قدّم بحثك للمجامع الفقهية.
ناقش حقيقة الوديعة والقرض والشهادة.
ناقش علة الربا.
ناقش القرارات السابقة وأدلتها.
لكن إن المسألة تتحول لمقطع قصير للعوام:
«خد العائد وماتقلقش»
لا اقلق طبعًا لان كلام يقال في غير محله لعوام الناس الله اعلم بهدفه ايه !
خصوصًا إننا مش بنتكلم عن خلاف سائغ مثلًا
إحنا بنتكلم عن الربا.
وعشان كده بدل ما تسمع مني أو من غيري، اعمل تجربة بسيطة:
افتح القوائم المالية للبنك اللي حاطط فيه فلوسك.
وشوف بنفسك:
البنك بيكسب منين؟
حجم القروض والتسهيلات كام؟
إيرادات الفوائد كام؟
وتكلفة الودائع والشهادات كام؟
ولو مش متخصص في قراءة القوائم المالية، ارفعها على ChatGPT واسأله يحللها لك.
ساعتها هنخرج من الكلام عن المسميات، وندخل في الأرقام والعقود والواقع الحقيقي.
وأخيرًا..
أنا مقدر إن فيه خلافًا معاصرًا، وإن فيه من يفتي بالجواز.
لكن اللي اختار قولًا مخالفًا لما استقرت عليه قرارات المجامع الفقهية في باب بهذه الخطورة، يتقي الله وهو بينشره بين عوام الناس، ومايقدموش وكأنه أمر محسوم أو محل اتفاق.
ولو بتاخد بجواز هذه الفوائد ايداعًا او قرضًا ، احتفظ بالقول لنفسك
و اذا بليتم فاستتروا حتى لا تبوء بذنبك وذنب غيرك
فمن سن سنة سيئة فله وزرها ووزر من عمل بها الى يوم القيامة
#باسم_عليوة
#شريعة_أوديت
13
3August 25, 2026 1.9K 3
