🇩🇪 გერმანიის კანცლერი, ფრიდრიხ მერცი გამოეხმაურა საქსონია-ანჰალტის მიწის არჩევნებში AFD-ს გამარჯვებას:
🔹 “ჩვენ ყველანი ღრმად შეძრწუნებულნი ვართ. ამ ფორმით ამას არ ველოდით. გუშინდელი დღის შემდეგ რაღაც შეიცვალა არა მხოლოდ საქსონია-ანჰალტში, არამედ მთელ გერმანიაში.
და ამ არჩევნების შედეგს ექნება შედეგები. მას ასევე ექნება შედეგები საერთაშორისო ვითარებაზეც.”
🔹 “თუ გადახედავთ, მხოლოდ გუშინ ვინ მიულოცა მათ, ესეც კი აჩვენებს საერთაშორისო ყურადღების იმ ხარისხს, რომელსაც არჩევნების ეს შედეგი იპყრობს. როდესაც ფედერალურ მიწაზე ამომრჩევლის 60 პროცენტი, ძალიან მაღალი აქტივობის პირობებში, ხმას აძლევს პოლიტიკურ პარტიებს, რომლებიც ფუნდამენტურად აყენებენ ეჭვქვეშ ჩვენი ქვეყნის დემოკრატიულ ინსტიტუტებსა და წესებს, ეს არის არჩევნების ისეთი შედეგი, გვერდს რომ ვერ ავუვლით და ჩვეულ რეჟიმში მუშაობას ვერ გავაგრძელებთ.”
📌 “უნდა ვაღიარო: ეს არის ყველაზე სერიოზული საარჩევნო მარცხი, რაც ქრისტიან-დემოკრატიულ კავშირს (CDU) განუცდია წლების, შეიძლება ათწლეულების განმავლობაშიც კი.
ყველაფერ ამას, რა თქმა უნდა, მოჰყვება შედეგები. ჩვენ უკეთ უნდა განვმარტოთ რეფორმები. დიახ, ეს არის სტანდარტული ფრაზა, რომელსაც ხშირად ვიყენებთ, მაგრამ ეს ფრაზა უკვე აღარ არის საკმარისი.
მინდა გავიმეორო: ჩვენ უნდა ვეცადოთ — მათ შორის მეც — რომ ადამიანებს ემოციურ დონეზე უფრო ძლიერად მივწვდეთ. გერმანიაში ბევრი ადამიანის საცხოვრებელი პირობები მძიმეა.
ჩვენ ვიცით, რომ ბევრ ადამიანს ეშინია საკუთარი მომავლის, საკუთარი ეკონომიკური საფუძვლებისა და სოციალური უსაფრთხოების გამო.გუშინდელი დღის შემდეგ ბევრი ადამიანისთვის კიდევ ერთი შიში დაემატა: რომ ჩვენი ქვეყანა უარესობისკენ იცვლება — განსაკუთრებით მაშინ, როდესაც საქმე ეხება საზოგადოებაში ჩვენი ღირებულებებისა და დემოკრატიის მტკიცედ დამკვიდრებას.”
🔹 “სწორედ ახლა მინდა მთელი ჩვენი ძალისხმევა, კოალიციაში სოციალ-დემოკრატიულ პარტიასთან (SPD) ერთად, მივმართო ახალი და უკეთესი — როგორ ვთქვა — ნარატივის, უკეთესი საერთო განმარტების შემუშავებაზე იმისა, თუ რატომ მიგვაჩნია ეს რეფორმები აუცილებლად და სწორად.
მე, ბუნებრივია, ვეკითხები საკუთარ თავს, როგორ მივიდა საქმე აქამდე, რა არის მიზეზები იმისა, რომ მემარჯვენე პოპულიზმს — და, დიდწილად, მემარჯვენე ექსტრემისტულ პოპულიზმს — აქამდე მოსვლის საშუალება მივეცით. მე თითს არ ვიშვერ მხოლოდ საერთაშორისო ტენდენციაზე, რომელსაც ყველგან ვხედავთ. მიზეზებს აქაც, გერმანიაშიც ვეძებ. რა თქმა უნდა, მათ საკუთარ თავშიც ვეძებ. ვეძებ მათ ჩემს თავში.
რა იმედგაცრუებები არსებობს, რამაც ასეთ საარჩევნო ქცევამდე მიგვიყვანა?”
📌 “მოსახლეობაში რა შიში არსებობს, რომელიც, შესაძლოა, სათანადოდ ვერ შევაფასეთ?
ასევე არის კრიზისების დაგროვება მსოფლიოში — ომი, ხელოვნური ინტელექტი და მრავალი სხვა საკითხი, რაც ადამიანებში დიდ შეშფოთებას იწვევს. ყოველივე ამის ხელახლა შეფასება და ამის უკეთ გაგება, მჯერა, არის ერთ-ერთი ამოცანა, რომელიც ყველას გვაკისრია — და რომელსაც პირადად მეც ვიღებ”.
53
12
3
1September 7, 2026 1.7K 3
