▪️Ақтөбе облысы Қарғалы аудандық сотымен Ахмет Байтұрсынұлының туған күніне орай мектеп кітапханасында оқушылардың қатысуымен «Ұлт ұстазы – Ахмет Байтұрсынұлы» тақырыбында тағылымды дөңгелек үстел ұйымдастырылды.
▪️Іс-шара барысында оқушылар ұлт зиялысының өмірі мен шығармашылығы, қазақ әліпбиі мен тіл біліміне қосқан өлшеусіз үлесі, ағартушылық қызметі туралы ой бөлісті. Ақынның өлеңдері мен қанатты сөздерінен үзінділер оқылып, ұлт руханиятындағы ерекше орны кеңінен сөз болды. Ахмет Байтұрсынұлы 1872 жылы Торғай өңірінде дүниеге келген. Ол – қазақ тіл білімінің негізін қалаған ғалым, ұлттың алғашқы әліпбиін жасап, оқу-ағарту ісінің дамуына зор үлес қосқан тұлға. Оның «Қырық мысал», «Маса» сияқты еңбектері қазақ әдебиеті мен ұлттық ой-сана тарихында ерекше орын алады.
▪️Ахмет Байтұрсынұлы – қазақ халқының білім мен ғылымға, мәдениет пен руханиятқа жол ашқан ұлы тұлғасы, ұлт ұстазы.
🖊️Қарғалы аудандық сотының баспасөз қызметі
