كان عندي حوالي تلات أو أربع سنين
لما قررت أبوظ شبكة خالتي😁
كانت شبكة خالتي في بيت جدتي ـ خالة أمي ـ رحمة الله عليها 😍
والناس مشغولة بقى في الأكل والشرب
وماما في المطبخ
والبيت مليان 🙃
وعند بيت ام فاروق آي آي🥳
👈وأنا كأي طفلة شافت صناديق البيبسي أو ما يطلق عليه الحاجة الساقعة قررت أروح أطلب واحدة 😁
وكان جوز خالتي الكبيرة ربنا يديله الصحة واقف جنب الصناديق
وبكل براءة قولتله
أنا عاوزة إزازة حاجة ساقعة 🥳
فشخط فيا وقالي امشي روحي لمامتك 🤫
اسكت انا بقى
لااااااأ
عقلي ال ADHD يشوف إن دي إهانة فزيييعة
ويقرر يلغي شوية حاجات كدة ملهاش لازمة في نظره غير لحظة الإهانة الموجعة 😂
شوفوا كله إلا الكرامة 🤣
👈فتجاهلت وجود أمي في المطبخ وأهلي كلهم وقررت أروح بيتنا بلا قلة قيمة ادور على ماما هناك 😎
لأ أنا في التوهان معنديش ياما ارحميني 😤
👈وفعلا اتسربت من الحفلة وفضلت ماشية والمشوار طويل لحد ما وصلت لبيتنا
والعجيبة إني لقيته مقفول بالقفل 🥴
ديهدي
👈وعلى الجانب الاخر
هناك بقى في الفرح بدأوا يلاحظوا اختفائي
وبدل تلبيس الشبكة وكدزة ابتدوا يدوروا على المفقودة علياء 🤪
من يومي غاوية قلق
وطبعا كل المعازيم والأهل والعريس والعروسة وحتى جوز خالتي بيدوروا عليا 🤣
👈فماما بتقول لخالي في لحظة كدة
علياء روحت البيت
رد خالي قالها بيت إيه مانتي هنا أهوه يعني هي هب.لة ☺️
المهم إن ماما اتبعت حدسها بعد ماداخوا عليا وقررت تروح البيت تتأكد يمكن 🤷♀️
وعلى حسب الروايات إنهم لقوني قاعدة اخبط على البوابة واقول
ياماما أنا علياء افتحيلي بقى ومنهارة من العياط😂
ذكية ذكاء متلاقوش منه أبدا 🤪
وفي اليوم دا جدي الله يرحمه زعق مع جوز خالتي عشاني 😌
وباظت شبكة خالتي 🥳
👈ودا شبه ابنك لما
✓ يصمم يلبس هدوم مش مقاسه
✓ يلعب بلعبة مش بتاعته ويصمم عليها
✓يقول إنك بتكرهيه لانك زعقتيله
✓يقول إن كل الناس مش بتحبه عشان مش بيلعبوا معاه
👈بس هو هنا إيه اللي حصل اصلا ؟
اللي حصل إنه مكانش عندي مرونة معرفية 😅
والمرونة دي معناها ان مخي يبقى قادر على انه يشوف الامور من كذا زاوية وبأكتر من طريقة تفكير ويختار إيه أفضل حل في المشكلة دي
لأ وكمان يتكيف او يرتاح للحلول البديلة
👈 انما في حالتي مخي اختار نوع واحد من التفكير مكانش مناسب أصلا للموقف
اسمه التفكير التقاربي وهو باختصار
بما أن .... إذن
بما أن انا اتهزأت في الفرح دا .... إذن أنا أروح بكرامتي🤣
👈المرونة المعرفية وانماط التفكير موجودين في
برنامج ADHD password
واللي بصراحة فايتكم كتير جدا لو مشتركتوش فيه😎
👈 ودا لاني في البرنامج مش بس هاشرحلك المرونة وازاي دا بيأثر على تفكير الطفل او تفكيرك
دا انا هاعلمك ازاي
✓ تخليه يفكر بأكتر من طريقة
✓يختار طريقة التفكير المناسبة للموقف
✓ يدور على بدائل ويحللها صح
✓ يختار البديل المناسب لقيمه💪
ودا جزء صغير جدا من برنامج ADHD password 🔑
اللي فيه باخدك في رحلة مدتها تلات شهور كاملين
الراوند الاول شغال بالفعل
ومنتظراكي في الراوند الخامس 🤍
اللي هايبدأ مع اكتمال العدد☺️
سيبي كومنت أو ابعتي رسالة خاصة
وهابعتلك كل التفاصيل
#علياءعون
ADHD mentor
#صنايعية_ADHD_🛠️
9
3
2August 22, 2026 2K 20 1
