تفتكروا كام طالب النهارده نام وهو مقتنع إنه ملوش قيمة
لمجرد إن نتيجته في الثانوية العامة طلعت أقل من توقعاته؟💔
وتفتكروا كام طالب شاف إن مستقبله ضاع...
لمجرد إنه مجابش المجموع اللي يدخله الكلية اللي كان راسم يحلم بيها؟
بس اسمحولي أسأل سؤال تاني
هل اللي هيحدد مستقبله فعلًا هو الرقم اللي مكتوب في ورقة النتيجة؟
ولا المهارات اللي هيتعلمها بعد كده؟
👈لأن الحقيقة إن فيه ناس دخلت كليات القمة
ومعرفتش تبني حياة ترضيها
وفيه ناس دخلت كليات محدش كان بيبص لها
وبنوا شغل وشركات وحياة محدش كان متوقعها
الثانوية العامة ممكن تحدد أول محطة
لكن عمرها ما كانت هي اللي بتحدد آخر الطريق
ولو إنت طالب
فأرجوك متحولش رقم على ورقة
لحكم نهائي على قيمتك
👈ولو إنت أب أو أم...
افتكروا إن ابنكم محتاج النهارده يسمع
أنا زعلان عشانك لو إنت زعلان
لكن عمري ما هقيس قيمتك بدرجة
لأن اللي هينجح في الحياة بعد كده
مش دايما هو اللي جاب أعلى مجموع.
أوقات كتير
هو اللي عرف يكتشف نفسه
ويتعلم..ويكمل
حتى بعد أول خيبة
النتيجة النهارده صفحة
مش الكتاب كله ❤️
👈👈 ولو حابين أعملكم ملف PDF فيه كليات وتخصصات مميزة ممكن ناس كتير متبقاش واخدة بالها منها وفرصها ممتازة في سوق العمل قولولي في الكومنتات
#علياء_عون
#صنايعية_ADHD
#ADHD_mentor
#الثانوية_العامة
40
3
2July 29, 2026 5K 9 2
