◼️KIA ပူးပေါင်းတပ်တိုက်ခိုက်မှုကြောင့် စစ်တပ်သင်္ဘော ၇ စီးထက်မနည်းပျက်စီးပြီး စစ်သုံ့ပန်း ၁၉၀ ဦးဖမ်းမိ
၄ စက်တင်ဘာ ||| နွေဦးအသံ |||
ကချင်ပြည်နယ်၊ ရွှေကူမြို့နယ်မှာ အကြမ်းဖက်စစ်တပ်ရဲ့ သင်္ဘောတွေကို KIA PDF ပူးပေါင်းတပ်တွေ တိုက်ခိုက်မှုကြောင့် သင်္ဘော ၇ စီးထက်နည်းပျက်စီးခဲ့ပြီး စစ်ကောင်စီတပ်ဖွဲ့ဝင် ၁၇၀ ဦးခန့်အပါအဝင် စစ်သုံ့ပန်း ၁၉၀ ဦးဖမ်းမိခဲ့တယ်လို့ သိရပါတယ်။
မန္တလေးမှ ဩဂုတ် ၂၁ ရက်မှ စတင်ထွက်ခွာလာတဲ့ တိုက်ခိုက်ရေးသင်္ဘော ၂ စီး၊ ဖလပ်သံကွန် ၄ စီး၊ သဲစုပ်သင်္ဘော ၁ စီးနဲ့ ကုန်တင်တွဲတွန်းသင်္ဘော ၈ စီး တို့ကို တော်လှန်ရေးအင်အားစုတွေက မြစ်ကြောင်းတလျှောက် တိုက်ခိုက်ခဲ့ကြသလို ရွှေကူမြို့နယ်အတွင်း၊ ဇင်းဘုံ-စင်းခန်း အနီးမှာ KIA၊ PDF ပူးပေါင်းတပ်တွေက တိုက်ခိုက်ခဲ့ကြတာပါ။
KIA၊ PDF ပူးပေါင်းတပ်တွေ တိုက်ခိုက်မှုကြောင့် သင်္ဘော ၇ စီးထက်နည်းပျက်စီးခဲ့ပြီး ဗန်းမော်မြို့သို သင်္ဘော ၆ စီးသာ စက်တင်ဘာ ၂ ရက်၊ ညပိုင်းမှာ ရောက်ရှိခဲ့တယ်လို့ KIA နဲ့ နီးစပ်တဲ့ ကချင်ဒေသသတင်းရင်းမြစ်တွေက အသိပေးထားပါတယ်။
ဒါ့အပြင် အဓမ္မစစ်မှုထမ်း တပ်သားသစ်တွေ အပါအဝင် စစ်ကောင်စီတပ်ဖွဲ့ဝင်(အဆင့်ပေါင်းစုံ) ၁၅၁ ဦး၊ ရဲ ၁၇ ဦးနဲ့ အမျိုးသမီး ၁၆ ဦး၊ ကလေး ၆ ဦး၊ စုစုပေါင်း ၁၉၀ ဦးတို့ကို စစ်သုံ့ပန်းအဖြစ် အရှင်ဖမ်းမိခဲ့တယ်လို့ ဆိုပါတယ်။
စစ်အုပ်စုထံမှ လက်နက်ခဲယမ်းတွေနဲ့ စစ်သုံးပစ္စည်းတွေကိုလည်း KIA ပူးပေါင်းတပ်တွေက သိမ်းဆည်းရရှိခဲ့တာဖြစ်ပြီး အရှင်ဖမ်းမိတဲ့ စစ်သုံ့ပန်းတွေကို လုံခြုံတဲ့နေရာသို့ ပို့ဆောင်ထားပြီး ဖြစ်တယ်လို့ KIA က အသိပေးထားတာ တွေ့ရပါတယ်။
Photo | လူမှုကွန်ယက်
©The Voice of Spring
#thevoiceofspring
#WhatsHappeningInMyanmar
#RejectMilitaryCoup
✅ ဆန်းသစ်တီထွင်မှုပြည့်ဝပြီး လွတ်လပ်တဲ့မီဒီယာအဖြစ် ဆက်လက်ရပ်တည်နိုင်ဖို့ The Voice of Spring ကို မျှဝေပါ။ Subscribe လုပ်ပါ။
18
8
3
3September 4, 2026 921 2
