ကရင်ပြည်နယ်လူမှုရေးရာဝန်ကြီး ဘားအံမြို့ ယာယီရေဘေး ကယ်ဆယ်ရေးစခန်းသို့ သွားရောက်ကြည့်ရှု အားပေးစကားပြောကြား
စက်တင်ဘာ ၂
ကရင်ပြည်နယ် ဘားအံမြို့တွင် မိုးသည်းထန်စွာ စဉ်ဆက်မပြတ် ရွာသွန်းမှုကြောင့် သံလွင်မြစ်ရေသည် ဘားအံမြို့၏ စိုးရိန်ရေအမှတ် (၁၁၄ cm ) ကျော်လွန်လာပြီး ရေကြီးရေလျှံမှုဖြစ်ပေါ်၍ မြေနိမ့်ပိုင်းရပ်ကွက်များရှိ လူနေအိမ်များသို့ ရေများ ဝင်ရောက်လာသောကြောင့် ရေဘေးရှောင်ပြည်သူများ ယာယီရေဘေး
ရှောင်ကယ်ဆယ်ရေးစခန်း ဖွင့်လှစ်ထားရရှိသည့်နေရာသို့ ပြောင်းရွေ့နေထိုင်မှု အခြေအနေများအား ကရင် ပြည်နယ်အစိုးရအဖွဲ့ လူမှုရေးရာဝန်ကြီး ဦးစောထွန်းအောင်က စက်တင်ဘာလ ၁ ရက်နေ့ နေ့လယ်ပိုင်း၌ သွားရောက်ကြည့်ရှု အားပေးစကား ပြောကြားသည်။
ပြည်နယ်လှုမှုရေးရာဝန်ကြီး ဦးစောထွန်းအောင်သည် ယာယီရေဘေးရှောင် ကယ်ဆယ်ရေးစခန်းများ ဖွင့်လှစ်ထားရှိသည့် အမှတ်(၁)ရပ်ကွက်ရှိ မိုးလုံလေလုံ အားကစားခန်းမ၊ အမှတ်(၃)အခြေခံပညာအထက်တန်းကျောင်း၊ မိုးလုံလေလုံ အားကစားခန်းမ၊ အမှတ်(၂)ရပ်ကွက်၊ရွှေယဉ်မျှော်ဘဘုရား၊ ကော့ထော်အုပ်စုလေသာ ဘုန်းကြီးကျောင်းတိုက်၊ ပြည်နယ်ကမ္မဌာန်းကျောင်းတိုက်နှင့် အမှတ်(၂)ရပ်ကွက်ရှိ အစ္စလမ်ဗလီခန်းမတို့၌ ဖွင့်လှစ်ထားရှိသော ယာယီရေးဘေးရှောင်ကယ်ဆယ်ရေးစခန်း (၆)နေရာတွင် လာရောက်နေထိုင်လျက်ရှိသည့် ယာယီရေဘေးရှောင်ပြည်သူ အိမ်ထောင်စု (၆၃၂)စု၊ လူဦးရေး (၂၈၈၉)ဦးတို့အား သွားရောက်ကြည့်ရှုပြီး ရင်းနှီးနွေးထွေးစွာ အားပေးစကားများပြောကြားခဲ့ကြောင်းသတင်းရရှိသသည်။
TruthZoneOnline
21
5
3September 2, 2026 793 1
