▫️شمعِ شامِ فرقتم، صبحِ وصالی نئیلهرم؟
بولموشام یانماقدا بیر حال، اؤزگه حالی نئیلهرم؟
غئیره عرض ائت هر نه اسبابین کی وار، ای دهرِ دون!
من بیر اهلِ ذوقم، اسبابِ ملالی نئیلهرم؟
یوخ عجب، گر ماله رغبت، مُلکه قیلمان التفات،
من گدای کوی عشقم، مُلک و مالی نئیلهرم؟
اهل حالم، دئمه بت وصفین منه، ای بتپرست!
حالبیلمز دلبرِ صاحبجمالی نئیلهرم؟
احتمالِ هجر تشویشینه دَیمز ذوقِ وصل،
وصل کیم وار اوندا هجران احتمالی، نئیلهرم؟
نخلِ قدّین ایستهرم، کاندان بلادیر حاصلیم،
باخمازام شمشاده، بر وئرمز نهالی نئیلهرم؟
ای فضولی، قیل کمالِ فضل کسبین، یوخسا من
کاملِ عشقم، دخی اؤزگه کمالی نئیلهرم؟
#حکیم_ملامحمد_فضولی
#شعر_اوجاغی
@SheirOcagi
11September 7, 2026 231 6
