▫️یئنه توبه ائویمی عشق خراب ائتمهدهدیر،
عاشق افطارینی سئودا مئیی ناب ائتمهدهدیر.
کؤنلومه بیر ملهیین سئوگیسی اود سالدی، آدی-
«گون»و ده، «زؤهره»نی ده گؤیده سراب ائتمهدهدیر.
اونون عشق آتشی هر قلبه گیرر، آمّا نهدن
تک منیم قلبیمی آتشده کباب ائتمهدهدیر؟
گؤزلرین باخدی منه، سؤیلهدی: «صبر ائت، سنینم»،
دوغروسو، صبر ائدهرم، عؤمر شتاب ائتمهدهدیر.
آهو گؤزلولری یاتمیش زامان اوولار اووچو،
عمر رؤیادا شکار اولماغا تاب ائتمهدهدیر.
مصلحتدیر، منی قووماقدان ایسه، وئرسین عذاب،
یار بونو یاخشی دوشونموشدور، عذاب ائتمهدهدیر.
گر «نظامی»نی خطا ایسه هلاک ائتدیرمک،
عاشقم، یار منی اؤلدورسه، ثواب ائتمهدهدیر.
#نظامی_گنجوی
#شعر_اوجاغی
@SheirOcagi
7September 8, 2026 132 4