▫️اورک
اوتوبوسدایام،
بیر قیز- گؤزلدی
ساچلاری گؤزلدی،
ساچلاری بوروق-بوروقدو،
اۆزونو گؤرمورم،
اۆزو ده گؤزلدی.
لاپ آرخادا اوتورموشام.
یانیمدا ایکی طلبه.
تخمین ائتدیم کی،
طبّ اونیورسیتهسینده اوخویورلار.
«اورک»دن دانیشیرلار،
اؤزو ده چوخ اورکدن دانیشیرلار، هوسله.
گنجلرین دئدیگینه گؤره،
اورهیین کلاپان*لاری،
کامئرالاری- فیلان وار.
قان پومپالاییرمیش اورک.
اورک حاقّیندا ائله دانیشیرلار،
ائله بیل گرکسیز بیر شئیدن گئدیر صؤحبت.
اونلارین دئدیگی اورکله
عاشیق اولماق، نیفرت ائتمک اولمور.
آنجاق یاشاماق اولور،
یوخ، یاشلانماق اولور.
بو گون اورک گؤزومدن دوشدو،
پیس اولدوم.
«واقیف صمداوغلو» ساغ اولسایدی،
او دا پیس اولاردی.
اورک...
#رشاد_ناغی_مصطفی
* ماشین موتورونون حیصّهلریندن بیری
#شعر_اوجاغی
@SheirOcagi
4September 6, 2026 383 2
