“Долзарб 40 кунлик”: Байрам арафасида тозалик ходимлари юртимизни кунига 30 минг тонна чиқиндидан тозаладиЎзбекистонда Республика давлат мустақиллигининг 35 йиллик байрами арафасида бутун республика бўйича барча ташкилотлар ходимларига дам олиш кунлари эълон қилинган бир пайтда шундай бир касб эгалари борки, жамиятни уларсиз 1 кун ҳам аянчли аҳволга олиб келиши мумкин. Булар: тиббиёт, ҳуқуқни муҳофаза қилиш органлари ва фавқулотда вазиятлар соҳаси ходимлари каби тозалик посбонлари ҳам шулар жумласидандир.
Байрам арафасида 28 июлдан 6-cентябргача бутун республика бўйича ўтказилган “Долзарб 40 кунлик” тозалик тадбирлари доирасида ҳудудларда қизғин иш олиб борилмоқда. Санитар тозалаш ва ободонлаштириш хизматларининг тун-у кун навбатчилиги ташкил этилган. Бу ҳақда Чиқиндиларни бошқариш агентлиги хабар берди.
Ҳар куни ҳудудлардан чиқиндиларни олиб чиқиб кетиш жараёнларига ўртача 4,5 минг дона махсус техника ва 10 мингдан ортиқ соҳа ходимлари жалб этилди. 
Натижада кунига 30-40 минг тонна яъни 40 кунда 1 млн 400 тонна қаттиқ маиший ҳамда 2 минг тонна қурилиш чиқиндилари олиб чиқилиб, утилизация қилинди.
Ҳозирги кунга қадар республикадаги 8 150 та маҳалладан 7 674 таси тозалик тадбирлари билан тўлиқ қамраб олинган.
Чиқиндиларни белгиланмаган жойга ташлаш билан боғлиқ 97 та ҳуқуқбузарлик ҳолати аниқланиб, уларга нисбатан жами 165,4 миллион сўм миқдорида маъмурий жарималар қўлланилган.
Фуқаролардан келиб тушган 327 та мурожаат кўриб чиқилиб, шундан 275 таси жойида ҳал этилган бўлса, 52 таси ўрганиш жараёнида.
Шу билан бирга, Агентлик ҳузуридаги Чиқинди полигонларини бошқариш дирекцияси ДМ томонидан ҳам “Долзарб 40 кунлик” тозалик тадбирлари ўтказилиб, айни пайтда республика бўйича жами 1653 гектардаги 135 та қаттиқ маиший чиқинди полигонида кунига ўртача 4500-4700 тагача қатнов билан 14-15 минг тонна чиқинди қабул қилиниб, жойлаштирилди.
Каналга уланиш: 👇@hudud_inform | Instagrаm | Facebook
