فیلسوف🖤

یوازیتوب کې تل درد نه وي، ځینې وخت ارام وي.هغه لحظه چې ته له هر چا لېرې خو له ځان سره نږدې یې.

یوازیتوب انسان ته فکر ورکوي، احساسات یې ژوروي او زړه ته هغه خبرې ښيي چې د خلکو شور کې نه اورېدل کېدې،خو کله ناکله دا سکون دردناک شي، شپه اوږده شي، چوپتیا درباندې غږ وکړي او ته د یوه ملګري، یوه غږ، یوه تکیې تږي شې. یوازيتوب یو ازمېښت دی ځینې پکې پیاوړي کېږي ځینې ماتیږي، خو که زړه ژور شي او فکر روښانه یوازيتوب هم ښوونې ته بدلېږي. ځینې وخت له ټولو لېرې اوسئ، ترڅو خپل ځان ومومئ.

دا ممکنه ده، چې ته خواږه درواغ ووایي، منافقت وکړې او لس کسان خوشاله کړې؛ خو له دې دا غوره ده، چې ترخه رښتیا او حقیقت ووایې، اته کسان در څخه خوابدي شي او پاتې دوه کسان فکر کولو ته اړ کړې.

انسان تل له نورو سره جګړه نه کوي؛
ځینې تر ټولو سختې جګړې یې له خپل ځان سره وي.

هغه څوک چې خپل کمزوري وپېژني،
له نورو څخه د ځان د ثابتولو اړتیا له لاسه ورکوي.

خلک ستا ظاهري بریا ویني،
خو هېڅوک نه پوهېږي چې ته د هغې تر شا
له څو ماتېدو وروسته بیا ولاړ شوی یې.

ځان له نورو سره مه پرتله کوه؛
ستاسې اصلي سیال هغه انسان دی
چې پرون وې.

په ژوند کې تر ټولو ژور زخمونه تل هغو خلکو ته رسېږي چې رښتیني وي. هغوی چې له زړه ژوند کوي، په اخلاص مینه کوي او له هر ډول ریا او دوکې پرته اړیکې پالې.

دا خلک کمزوري نه وي، یوازې زړونه یې پاک وي، له همدې امله د نړۍ سختۍ تر نورو ډېرې احساسوي.

خو دا مه هېروئ، همدا رښتینولي په پای کې دوی له عادي خلکو څخه لوړوي، ځکه ازموینې رښتیني خلک نه ماتوي، بلکې لا یې ځلانده او پیاوړي کوي.

«هغه څوک چې خپل ځان وپېژني، د نړۍ له ډېرو رازونو سره اشنا کېږي.»

موږ ډېر وخت د نورو خلکو د پېژندلو لپاره عمر تېروو؛
خو تر ټولو مهم انسان چې باید وپېژنو، خپل ځان دی.

ته ولې غوسه کېږې؟
ولې ځینې خبرې دې زړه ماتوي؟
ولې د خلکو نظرونه ستا پر ژوند دومره اغېز کوي؟

کله چې انسان خپل فکرونه، کمزورۍ، وېرې او غوښتنې وپېژني،
نو د نورو خلکو له قضاوت څخه ازادېږي.

ځان وپېژنه؛ ځکه د خپل ځان پېژندل د حکمت لومړی ګام دی.

ع—د

ارواپوه او فیلسوف کارل ګوستاو یونګ وایي:

‏تر هغو چې یو ډله خلک مطلق خیر په ځان کې ویني او مطلق شر په بل کې ګوري، واقعي ثبات نه شي راتلی.

‏کله چې څوک نورو ته ښکنځلي کوي، فحش وایي هغه د همدې ویناوال په لاشعور کې شته بدي ده چې ظاهرا دې ښه انسان معلومیږي اما په باطن کې ښه نه دی او د دې پرځای چې نور ښکنځي ځان باید له دې داخلي زهرو پاک کړي.

#کارل_ګوستاو

انسان په یوه ورځ نه بدلېږي
هغه هره ورځ د خپلو کوچنیو انتخابونو په وسیله خپل راتلونکی جوړوي.

هره ورځ لږ مطالعه → پوهه زیاتوي.
هره ورځ ورزش → بدن قوي کوي.
هره ورځ منفي فکر → ذهن کمزوری کوي.
هره ورځ ځنډول → فرصتونه له منځه وړي.

موږ ډېر وخت د لوی بدلون انتظار کوو
خو اصلي بدلون له هماغو کوچنیو کارونو پیلېږي چې هره ورځ یې تکراروو.

خپل عادتونه بدل کړه
وروسته به حیران شې چې ستا ژوند ولې بدل شو.

له ځانه وپوښته
هغه کار چې هره ورځ یې کوم ما د کوم ډول انسان پر لور بیایي؟

ع__د

ته فکر کوې چې یو انسان دې ښه پېژندلی

خو حقیقت دا دی چې ته یوازې هغه برخه پېژنې چې هغه یې درته اجازه درکړې.

ځینې خلک خپل اصلي احساسات د چوپتیا تر شا پټوي.

ځینې خپل کمزوري د غرور په جامه کې پټوي.

او ځینې خپل درد په موسکا بدلوي ترڅو څوک یې پوښتنه ونه کړي.

خو د انسان پټ شخصیت هغه وخت راڅرګندېږي چې

یوازې پاتې شي

هیڅوک یې ونه ګوري او د خپل فکر له شور سره مخامخ شي.

انسانان کتابونه نه دي چې په څو پاڼو یې وپېژنې

هغوی رازونه دي چې کلونه ورسره تېرېږي خو لا هم بشپړ نه لوستل کېږي. 🖤

ع—د

هر انسان دوه شخصیتونه لري
یو هغه چې نړۍ ته یې ښيي، او بل هغه چې یوازې د خپل وجدان مخې ته یې ویني.

ځینې خلک ډېرې خبرې کوي خو خپل اصلي احساسات پټوي.
ځینې تل موسکی وي خو په زړه کې یې داسې جګړې روانې وي چې هېڅوک ترې نه خبرېږي.
ځینې ځان بې‌پروا ښيي، خو په حقیقت کې هره خبره ژوره احساسوي.

تر ټولو خطرناک انسان هغه نه دی چې غوسه کوي
بلکې هغه دی چې هر څه احساس کړي، هر څه درک کړي، خو چوپ پاتې شي.

د انسان اصلي شخصیت هغه وخت ښکاره کېږي چې
نه یې څوک ګوري، نه یې څوک ستایي،او نه یې څوک مجبوروي چې ښه انسان واوسي.

خلک د نورو په وړاندې خپل کردار جوړوي
خو د یوازېتوب په وخت کې خپل حقیقت ښکاره کوي. 🖤

ع—د

ځینې وختونه موږ فکر کوو چې پرېکړې مو په بشپړ ډول زموږ خپلې دي خو حقیقت دا دی چې د انسان ذهن د ځینو رواني اصولو تر اغېز لاندې ډېر ژر پرېکړه کوي.
کله چې یو څوک درسره مرسته وکړي ته طبیعي تمایل لرې چې مرسته یې بېرته ورکړې.
کله چې ډېر خلک یو کار کوي ذهن دې فکر کوي چې ښايي همدا سم کار وي.
کله چې یو چا ته دې «هو» وویل بیا غواړې له خپلې پخوانۍ خبرې سره وفادار پاتې شې.
او کله چې یو شی نادر یا محدود ښکاره شي ارزښت یې ستا په سترګو کې لوړېږي.
همدا ځای دی چې قناعت (Persuasion) له زور څخه جلا کېږي
هوښیار انسان یوازې دا نه زده کوي چې څنګه نور قانع کړي بلکې دا هم زده کوي چې کله یې ذهن د قناعت لپاره تر اغېز لاندې راوستل کېږي.

تر ټولو لویه ذهني ازادي دا ده چې پوه شې:
هر «هو» چې وایې، حتمي نه ده چې ستا خپله پرېکړه وي.

عدنان