⭕️ بوک بوکون عصیانێ
🔷 (اوشاق ادبیاتـێ)
✍️ کؤچۆرن: #محمود_بنیآدمدیزج
بوک بوک آرتێـق بئزمیشدی. هر دفعه یومورتلاێـندا «فئرمئر» گلیب، اوْنلاری توْپلایاردێ.
بوپ بوپ دئدی:
- بئله ده اوْلمالێدیر! بیز یومورتلاماق اوْچون بوردایێـق. یومورتالارێمیز اوشاقلارین بسلنمهسینه صرف اۆلونور.
بوک بوک اوْنون سؤزۆنو کسدی:
- بس بیزیم جۆجهلریمیز اوْلمویاجاق؟
بوپ بوپ دئدی:
- حاقلێسان. آمّا بونون اۆچون اوّلجه بیز یومورتالارێمیزی گیزلتمهلیییک.
بوک بوک قوْنشو تارلاسێنین* یوْلونا کئچدی. اؤزۆنو چوْخ آزاد حیس ائدیردی. یوْلدا گۆج توْپلانماق اۆچون بیر نئچه بوغدا دنهسی یئدی.
بوک بوک بیردن یارقامێـن* ایچیندهکی کافتارێ* گؤرۆب، باغێردی:
- بو سنسن، خائن کافتار؟ گئجهلری گلیب بیزیم یومورتالارێ اوْغورلایان سنسن؟!
کافتار دوْنقولدادێ:
- بوش یئره چنهنی یوْرما، منی قوْرخودا بیلمزسن! بس من، قارنێمی نئجه دوْیورمالێیام؟
بوک بوک جواب وئرمـڲه وقت تاپا بیلمهدی.
قوْنشو تارلادان گلن گۆجلو و یاراشێـقلی بیر خوْروز بانلایێب، سوْروشدو:
- بوردا نه باش وئریر بئله؟
قوْرخویا دۆشن کافتار اوْردان قاچدێ. بوک بوک حیرانلێـقدا خوْروزا باخدێ.
خیلاصکار خوْروز دیللندی:
- سلام، گؤزل توْیوق! سنه کؤمک ائده بیلهرممی؟
بوک بوک قێزاردی. اوْنلار مهربان بیر جۆتلوک یاراداراق تارلایا دؤندۆلر.
بوک بوک گؤزلرینه اینانمادێ:
- بو نه گؤزل طالعدیر.
فئرمئر اوْنلارا یئنی بیر یووا هدیه ائتدی.
اوْنلارێن یومورتالارێنی گؤتورمهیهجـڲینی سؤز وئردی. بیر مدّتدن سوْنرا بوک بوکون یومورتالارێـندان غریبه سسلر چێخماغا باشلادێ... مصلحت اوْلماق اۆچون بوپ بوپون یانێـنا گئتدی.
بوپ بوپ دئدی:
- سن هله باشا دۆشمهمیسن؟ سنین جۆجهلرینین یومورتادان چێخماق واختێدیر! درحال همین یومورتالارێن یانێـنا قاچ!
بوک بوک تنگهنفس یوواسێنا چاتاندا، دؤرد شیرین سارێ جوجهیله قارشێلاشدی.
🔶 آچێقلامالار؛
تارلا: فا.مزرعه- زَمی
یارقام: خندق – پرتگاه
کافتار: قبر ائشن حیوان
#سون
@MuncuqAz
https://t.me/Sancaq_media/8387
Telegram
Sancaq Media
@MuncuqAz
5August 28, 2026 244 6
