ချန်ပေါ်ရင် တစ်ယောက် နိုးလာတဲ့အခါမှာတော့ သူမဟာ ၁၉၈၀ ပြည့်လွန်နှစ်တွေဆီက နာမည်ကြီး ဝတ္ထုတစ်ပုဒ်ထဲက ဇာတ်ရံမလေးအဖြစ် ကူးပြောင်းဝင်စားသွားမှန်း သိလိုက်ရသည်။
ထိုဇာတ်ကောင်မလေး၏ ကံကြမ္မာမှာ မင်းသမီးကို ပေါ်လွင်စေဖို့အတွက်သာ ဖြစ်ပြီး၊ ပထမဆုံးအခန်း မပြီးခင်မှာတင် အသက်ပျောက်ရမည့် "အသေစောမည့် ကံဆိုးမလေး" သာ ဖြစ်သည်။
ဒီကံကြမ္မာဆိုးကနေ လွတ်မြောက်ဖို့အတွက် ချန်ပေါ်ရင် တစ်ယောက် ပစ္စည်းတွေအမြန်သိမ်းပြီး ဇာတိချက်ကြွေ ရွာကလေးဆီကိုသာ ခြေဦးလှည့် ထွက်ပြေးခဲ့တော့သည်။
၁၉၈၀ ပြည့်လွန်နှစ်များဆီက တံငါရွာလေးသည် မဖွံ့ဖြိုးသေးသော်လည်း ပင်လယ်ပြင်ကြီးတစ်ခုလုံးကတော့ ရတနာသိုက်ကြီးအတိုင်းပင်။ ကမ္ဘာပျက်ကပ်ဘေးအတွင်း ငတ်မွတ်ခေါင်းပါးမှုဒဏ်ကို ခါးစည်းခံခဲ့ရသည့် ချန်ပေါ်ရင်အဖို့တော့ ဤပင်လယ်ကြီးသည် ကြွက်ကောင်လေး ဆန်အိုးထဲသို့ ကျသွားသကဲ့သို့ပင် ရှိတော့သည်။
ဒီနေ့ ငါးဖမ်းထွက်လိုက်၊ မနက်လင်းအားကြီးဆို ပင်လယ်စာသွားကောက်လိုက်၊ နောက်ရက်ကျတော့ ပင်လယ်အောက်ခြေက ရတနာတွေကို ငုပ်လျှိုးရှာဖွေလိုက်နှင့်။ ကမ္ဘာပျက်ကပ်ဘေးကနေ ပါလာသည့် သူမ၏ "ရေစွမ်းအား" (Water Ability) ကြောင့် ဤပင်လယ်ပြင်ကြီးတစ်ခုလုံးသည် ချန်ပေါ်ရင် စိတ်တိုင်းကျ စေခိုင်းနိုင်သည့် ကစားကွင်းကြီးသဖွယ် ဖြစ်နေတော့သည်။
"ကောလိပ်ဘွဲ့ရထားတဲ့သူက အလုပ်မလုပ်ဘဲ အိမ်မှာပဲ အောင်းနေတယ်" ဆိုပြီး ရွာသားတွေက အတင်းအဖျင်းပြောကာ သူမ တစ်နေရာရာမှာ ပြဿနာရှာလာခဲ့သည်ဟု ထင်ကြေးပေးနေကြသော်လည်း ချန်ပေါ်ရင်ကတော့ ထိုစကားတွေကို နားမဝင်ခဲ့ပေ။
သူမသည် နေ့တိုင်း ပင်လယ်စာအကောင်းစားတွေကို မြိန်ရေရှက်ရေ စားသောက်နေရုံသာမက၊ ပင်လယ်ပြင်ကြီး၏ ကျေးဇူးကြောင့်လည်းကောင်း၊ သူမကိုယ်တိုင် မွေးမြူထားသည့် ပုလဲများကြောင့်လည်းကောင်း သူမ၏ ဘဏ်စာအုပ်ထဲက ငွေစာရင်းမှာ နေ့စဉ်နှင့်အမျှ တိုးပွားလို့လာခဲ့သည်။
သို့သော်လည်း မူလခန္ဓာကိုယ်ပိုင်ရှင်၏ ခဏတာ အတွေးမှားမှုကြောင့် ဖြစ်ပွားခဲ့ရသည့် "မတော်တဆမှု" တစ်ခုကတော့ ချန်ပေါ်ရင်ကို အတော်လေး ခေါင်းခဲစေခဲ့သည်။
ကံကောင်းချင်တော့၊ မကြာခင်မှာပဲ သူမဟာ ပင်လယ်ထဲကနေ ခန့်ညားချောမောလွန်းသည့် သူစိမ်းယောကျာ်းတစ်ယောက်ကို ဆယ်ယူရရှိခဲ့ပြီး၊ ထိုသူက သူမ၏ ဘဝထဲသို့ ပိုမိုစိတ်လှုပ်ရှားစရာကောင်းသော အချစ်ဇာတ်လမ်းများကို သယ်ဆောင်လာပေးခဲ့တော့သည်။
ထန်မင်ကျင့် သည် ဟောင်ကောင်၏ ထိပ်သီးဩဇာရှိလှသော မျိုးရိုးကြီးအိမ်တော်မှ သားအကြီးဆုံး ဖြစ်သည်။
ကံဆိုးစွာပင်... သူ၏ဖခင်မှာ မယားငယ် ငါးယောက်အထိ ရှိသည့် နာမည်ကျော် မိန်းမရှုပ်ကြီးတစ်ဦးဖြစ်ရာ၊ မိသားစုအမွေဆိုင်ပိုင်ဆိုင်မှုအတွက် တစ်အူတုံးဆင်း မောင်နှမ ၁၈ ယောက်နှင့် အကြိတ်အနယ် တိုက်ပွဲဝင်နေရသူဖြစ်သည်။ အမွေလုပွဲတိုက်ပွဲကြီးက အလွန်တရာ ပြင်းထန်လွန်းလှသည်။
ထန်မင်ကျင့် တစ်ယောက် အမွေလုပွဲကြီးတွင် အနိုင်ရခါနီး ဆဲဆဲမှာတင် သစ္စာဖောက်ခြင်းကို ခံလိုက်ရပြီး ချုံခိုတိုက်ခိုက်ခြင်း ခံခဲ့ရသည်။
ပထမဆုံးအနေဖြင့် ဇာတ်လမ်းတွဲများထဲကအတိုင်း ရိုးအီနေသည့် အဆိပ်ခတ်ခြင်းကို ခံခဲ့ရပြီးနောက်၊ နိုင်ငံတကာပိုင်နက် ရေပြင်ထဲတွင် အစဖျောက်သတ်ဖြတ်ခြင်းကိုပါ ခံခဲ့ရသည်။
သို့သော်လည်း ထန်မင်ကျင့်က အသက်ပြင်းသူပီပီ သေမင်းလက်ကနေ အံ့ဩစရာကောင်းလောက်အောင် လွတ်မြောက်လာခဲ့ပြီး၊ သူ၏ ဘဝတွင် အရေးအကြီးဆုံးဖြစ်လာမည့် အမျိုးသမီးလေးနှင့် ရေစက်ဆုံခဲ့ရတော့သည်။
သူတို့နှစ်ဦး အတူတကွ ပင်လယ်ဒီရေကျချိန်တွင် ပင်လယ်စာကောက်ကြ၊ ပင်လယ်ပြင်ကျယ်ကြီးထဲ ငါးဖမ်းထွက်ကြ၊ ပုလဲမွေးမြူကြရင်း သူတို့၏ ရင်သွေးလေးကိုပါ အတူတူ ပျိုးထောင်ခဲ့ကြသည်။ ထိုကဲ့သို့ ရိုးရှင်းအေးချမ်းလှသည့် နေ့ရက်များက ထန်မင်ကျင့်ကို ဘဝ၏ စစ်မှန်သော ပြည့်စုံခြင်းအရသာကို ပထမဆုံးအကြိမ် ခံစားရစေခဲ့သည်။
သူ၏ မှတ်ဉာဏ်များ ပြန်လည်ရရှိလာချိန်တွင်တော့ သူပိုင်ဆိုင်သင့်သည့် အရာအားလုံးကို အကုန်ပြန်လည် သိမ်းပိုက်ခဲ့သည်။ ထို့နောက်တွင်တော့ သူသည် ဇနီးသည်၊ သားသမီးတို့နှင့်အတူ လူတကာ အားကျရသည့် အေးချမ်းသာယာလှသော ပင်လယ်ကမ်းခြေအိမ်ကလေးတွင် ဘဝကို အတူတကွ ကုန်ဆုံးစေခဲ့တော့သည်။
🍑🍑🍑🍑🍑
Hello
Reader လေးတို့ရေ ...
ဒီနေ့လဲ Vale ( ဗေးလ် ) ရဲ့ "၈၀ ခုနှစ်များဆီမှ ဟောင်ကောင်ထိပ်သီးကို ဖမ်းစားခဲ့သော ပန်းတစ်ပွင့် ..." ဆိုတဲ့ novel လေးကိုကြေညာပါရစေ
အမြည်းဖတ်လို့ရအောင် မင်မင်ကတစ်ခါတည်း Description လေးပါထည့်ပေးထားပါတယ်ရှင်
ကြိုက်နှစ်သက်လို့ဖတ်မယ်ဆိုရင် အောက်မှာဖော်ပြပေးထားတဲ့ website link လေးကိုနှိပ်ပြီးဝင်ဖတ်လို့ရပါတယ်ရှင်
👇👇👇👇👇
https://mmstoryteller.com/novel-613-chapters
💎Gem နဲ့ဝယ်မယ်ဆိုရင် တစ်ပိုင်းကို 3 တုံးနဲ့လဲလှယ်ဖတ်ရှုနိုင်ပါတယ်
💎Gem 100 ကို 1000 ks နဲ့ fb page cb / Tele Acc - @Ah_Moon_26 မှာအားပေးလို့ရပါတယ်နော် 💖
အမြဲအားပေးနေတဲ့သူတွေကို ကျေးဇူးအထူးတင်ပါတယ်
အားလုံး ကျန်းမာဘေးကင်း ဝင်ငွေတိုးပါစေ ♥️
THANK U 💙
www.mmstoryteller.com
🌸🌸🌸🌸🌸
