በዘይሴ አካባቢ ዘላቂ ሰላም ለማስፈን የባህላዊ መሪዎች ሚና ወሳኝ መሆኑ ተጠቆመ
አርባ ምንጭ፣ ነሐሴ 21/2018 ዓ.ም (ጋሞ ዞን ኮሚዩኒኬሽን)
በዘይሴ አካባቢ የተፈጠሩ አለመግባባቶችን በዘላቂነት በመፍታት እርቀ ሰላም ለማውረድ ያለመ የምክክር መድረክ በዘይሴ ኤልጎ ቀበሌ ተካሂዷል።
በመድረኩ ከጋሞና ከአጎራባች ዞኖች የተወጣጡ ባህላዊ መሪዎች ፣ ባህላዊ መሪዎች፣ የጋንታ ሽማግሌዎች፣ ምሁራንና የጋሞ ዞን አመራሮች ተሳትፈዋል።
የክልሉ የሀገር ሽማግሌዎች ፎረም አስተባባሪ ሁዱጋ ሰዲቃ ስሜ በዘይሴ 28 ባህላዊ መሪዎች (ማጋዎች) እንዳሉ ገልጸው፣ ከጥንት ጀምሮ የሚፈጠሩ አለመግባባቶችን በባህላዊ የእርቅ ሥርዓት በመፍታት የአካባቢውን ሰላምና አንድነት ሲጠብቁ መቆየታቸውን አስታውሰዋል።
የክልሉ መንግሥት በዘይሴ የተከሰተውን የፀጥታ ችግር በዘላቂነት ለመፍታት ከአጎራባች አካባቢዎች የተወጣጡ ባህላዊ መሪዎችን ማሳተፉ ለአካባቢው ሰላምና ደህንነት የሰጠውን ትኩረት የሚያሳይ መሆኑንም አስተባባሪው ገልጸዋል።
ከአጎራባች ዞኖች የመጡ ባህላዊ መሪዎችም በየአካባቢያቸው ያሉ ባህላዊ የእርቅና የግጭት አፈታት ዘዴዎችን በማካፈል ለዘይሴ አካባቢ መረጋጋት የድርሻቸውን እንደሚወጡ ተናግረዋል።
የዘይሴ ብሔረሰብ ባህላዊ መሪዎች በበኩላቸው መንግሥት በአካባቢው የተፈጠረውን የፀጥታ ችግር በባህላዊ የእርቅ ሥርዓት ለመፍታት እያደረገ ያለውን ጥረት አድንቀhttps://www.facebook.com/share/p/1DWUGwnkbf/
