Ics 104
القريد: A+
رأيي في المادة :
اخذتها ترم 232 والصراحه الماده بوزن وحش جبل ، واجباتها كثيره ويبغى لها اهتمام، غير واجبات الzybook ، لكن مقدور عليها وسهله كأفكار وكونسبت حتى مستوى الواجبات موب ذاك الصعوبه بالنسبه لي..، المشكله في التريكات اللي ماتقدر تضمنها بالكونسبت او حتى بالأولدات ، لازم تجربون بنفسكم وتحوسون ، لو سويت كذا ايش بيصير؟
كنت خايفه منها لأنه خبرتي بالكودينق ضعيفه مره ، لكن لاتحاتون ذا الجانب مع الاستمرار بتستمتعون فيه مرررره خصوصا ان اللغه اللي بتبرمجون فيها هي البايثون ،وحتى الواجبات ماكنت اطول فيها واخلصها بساعتين او اقصى شي اربع ساعات . c بالبدايه بتحوسون فيها لكن ماتحتاجون تتعاملون معها كثير بذا الكورس.
اللاب حسب الدكتور/ة ، لكن بشكل عام مهم تتدربون عليه لانه بيطيح عبء البروقرامينق في الفاينل كثير ، بالنسبه للبروجيكت لاتشيلون همه كثير ، دكتورتي كانت متعاونه معنا اذا واجهنا مشكله او شي تساعدنا وفعلا ترد علينا على طول ، ماقصرت معنا دكتوره دُرية💕💕 .
الكورس يحتاج تحملون تطبيق چيوبتر فقط ، اول مابتاخذون الكورس بيعطونكم الرابط وشرح كيف تنزلونه على اي نظام تشغيل ، مايحتاج لابتوب عادي بالايباد لكن انا ماكنت احب اكتب كود بالايباد ، كنت احب الابتوب اكثر ، ف اللي تشوفونه وتفضلونه حملوا فيه البرنامج.
طريقتي بالواجبات :
ببدأ بواجبات الzybook ، هو موقع تدخلونه وبلتقون فيه شرح لجزئية اللكتشر وتمارين بسيطه مب داخله في درجه الواجب نفسه ، لما تنزلون تحت بتلقون challenge activity سهله مره ويمديكم تعيدونها كذا مره لين تجيبون كامل ، كنت اقرا الوصف الموجود في كل واجب واحل اسئلة البراكتيس مع الواجب نفسه والصراحة مرره فادتني في الكونسبت ، لو ماعندكم وقت مب لازم تقرأونه كامل ، المهم تحلون الواجب.
واجبات الكودينق
هي اسئلة عامه ويطلبون منكم تاسك معينه ،مثلا يطلبون منكم تسوون كود تقرون فيه ملف وتستخرجون المعلومات اللي فيه وتحسبون الافرج ، كم مره انذكرت هالمعلومه في الملف…
كنت اقرأ السؤال واحدد المطلوب ، لو كانو طالبين فنكشن مهم اكتب ايش ال formal parameters اللي تحتاجها ( المعطيات اللي بتستقبلها ) وايش القيمه اللي راح ترجعها ، او يمكن بس تطبع ماترجع قيمه ،
برضو كنت احدد ال constant variables من البدايه ، ببدايه الكورس راح يعلمونكم قواعد لتسميه المتغيرات ، وبيحاسبون عليها في الواجبات ف ان شاء الله كلامي بيوضح اكثر ببدايه الكورس .. ، بشكل عام مهم اني احدد الاساسيات بالبدايه
بعدين ابدأ احوس وافكر كيف اجيب المطلوب ، كنت اكتب الكود على ورق ، لغرضين :
⁃ اتعود على كتابه الكود بالورق عشان اللاب تيست على ورق
⁃ اتعود على توقع الoutput والerrors اللي ممكن تصير بدون ما اسوي run ، وكثير فادني في الميد والفاينل ، هالشي يفيد ان حتى احياننا بالنظر تعرف وش يسوي ذا الكود وتجاوب على طول بدون ماتضيع وقت فيه ، مثل اسئلة ال for loop، بس لاتتحمسون مو كثير الاسئلة اللي تقدر تتوقع وش الoutput من نظره 🌚😂 مهم انكم تراجعون الجواب برضو
بعدين اجرب الكود في چيوبتر واعدل الايرورز اذا فيه ، وما اسلمه على طول ، افتح الكود اليوم اللي بعده اقرأه مره ثانيه واشيك عليه ، مره مهمه الخطوه ذي ، تكتشفون اشياء ناسينها او شي لاسمح الله.
طريقة المذاكره للماده :
احضر الكلاس وانزل المحاضره على goodnotes، واسجل المحاضره واكتب ملاحظات ، كان يدرسني دكتور بلح ، بالنسبه لي افهم شرحه وما حتجت اني اشوف فيديوهات شرح ، لما ابدأ اذاكر اللكتشر اقراه واقرا النوتات واجرب الأمثله اللي موجوده فيها واحاول اسويها بنفسي ، كنت اتدرب بالبدايه على ال test bank
بس صراحة ، المصدر الكافي والوافي واللي اعتمدته بالميد والفاينل هو أرشفه هذا اللي انصح فيه ،ويجي منه صدق .