السلام عليكم ورحمة الله وبركاته
بدون مقدمات ولا بطولها عليكم 😅
خلصت اغلب مواد الفرشمن تقريبا ماعدا الكمستري والانقلش ١٠٢ .. وحاب انقل تجربتي في كم مادة ومع كل مادة بحط القريد الي طلعت فيه
١- فزكس ١٠١
في البداية اذا نزلت هذا الكورس حط ببالك ثلاث نقاط
١- المادة مو صعبة انما تحتاج منك جهد كبيييير
٢- القريد فيها مو مستحيل بامكانك تطلع ب A+
٣- لاتفكر انك تأجل مذاكرتها ، المادة عبارة عن١٥ شابتر يعني تقريبا كل اسبوع شابتر ف انت عليك كل اسبوع تنهي شابتر.
-
-
بتكلم عن تجربتي في المادة في ترم ٢٠١ ولله الحمد طلعت بA+ في المادة .... طبعا معروف انه مافي طريقة صح وطريقة خطأ للمذاكرة وممكن شخص يحتاج يحل ١٠ مسائل عشان يفهم وممكن شخص ثاني في مسألة وحدة يفهم بالمختصر يعني قد يكون الي سويته كافي وزيادة للبعض وقد يكون مو كافي ف انت شوف وش تحس يمشي معك وطبقه .
في البداية اذا كان دكتورك شرحه مو كويس لاتشيل هم عندك الاون لاين كورس شرحه فوق الممتاز وكثير يعتمد عليه .. انا كنت ساحب على الدكتور وقت الكلاس واشوف الاون لاين كورسس
بعد ماتخلص الاون لاين كورس افتح سلايدات الجلال ومر عليها .. الان خلصت الكونسبت بشكل كامل هنا يبدا الشغل
١ اولد الكحيلي
٢ ريسايتيشن بابا
المجموع حوالي ١٠٠ سؤال لكل شابتر قسمها على الاسبوع كامل وباذن الله م بتخلصهم الا انت فاهم اغلب الشابتر وبتقدر تحل ف الاختبار وانت تضحك
حاول يكون هدفك انك م تنقص ف الاختبارات ميد او فاينل لانه النظام في ٢٠١ صار كيرف والقريدات كلها ارتفعت على سبيل المثال
A+ كانت ٨٠ واصبحت ٩٠ ف في فرق كبير بالدرجات بالاضافة الى نقصك ف درجات اللاب والكلاس وررك لانها افرج
في الاخير ، المادة ممتعة بس تحتاج جهدك عط المادة حقها وباذن الله بتطلع بقريد طيب
٢- فزكس ١٠٢
A+
تقريبا نفس موضوع ١٠١ لكن المختلف هنا الكونسبت نوعا ما ثقيل اشوي .. ف انا الي سويته كنت الخص كل شابتر في دفتر عندي عشان ارجع لهم في الاخير
المصادر في ١٠٢
١ الكحيلي نفس ١٠١
٢ اسئلة قوندال
٣- ماث ١٠١
A
ماث ١٠١ مادة سهلة وماكنت اعتمد على الدكتور فيها لانه كان مو ذاك الزود .. الي كنت اسويه كل يوم افتح نوتات محسن وابدا اقراها واحل الاسئلة الي فيها النوته مهمة جدا ولازم تخلصها كاملة تغطي تقريبا شامل السكشن وبعد ما اخلص النوتة في اولد اقزام باي سكشن للدكتور محسن احله وكذا اكون خلصت السكشن
٤ ماث ١٠٢
A+
نفس موضوع ١٠١ لكن ١٠٢ اصعب حبتين فبعض الدروس كانت تاخذ وقت اكبر للفهم اذا بتعتمد على نفسك لكن الدكتور محسن ماقصر في تسجيل لكامل الدروس لماث ١٠٢ في اليوتيوب وشرح اسطوري كنت ارجع له في اي شي يشكل علي وافهم منه والباقي نفس ١٠١
في كل مادة كنت قبل الفاينل او الميد افتح الموقع حقها وامسك لي كم اولد واحل واشوفها افضل طريقة بالنسبة لي انك تستعد للاختبار لانه الاسئلة تكون منوعة وتعود نفسك على جو الاختبار ماتكون عارف فكرة السؤال قبل ماتقراه ( باي شابتر او باي سكشن ) .. الاولدات حقت الموقع مفيدة بشكل كبير خاصة في ماث ١٠٢ لانه في طرق كثيرة
May 23, 2021 10.1K 118
