በኢትዮጵያ ሙሉ ወንጌል አማኞች ቤተክርስቲያን የደቡብ ምስራቅ አዲስ አበባና አካባቢው ክልል 5 ተኛ መደበኛ ጠቅላላ ጉባኤ በተሳካ ሁኔታ ተጠናናቀ።
ቅዳሜ ነሐሴ 16/2018 ዓ.ም የደቡብ ምስራቅ አዲስ አበባና አካባቢው ክልል 5 ተኛ መደበኛ ጠቅላላ ጉባኤ በገርጂ ሙሉ ወንጌል አጥቢያ ለሁለት ቀናት ሲካሄድ የቤተ እምነቱ ምክትል ፕሬዝዳንት ፣የክልሉ ፕሬዝዳንት እና ከ105 አጥቢያዎች የተወጣጡ የቤተክርስቲያን መሪዎች ተገኝተዋል።
የቤተ እምነቱ ምክትል ፕሬዝዳንት መጋቢ ለወየሁ ስንሻው መንፈሳዊ ሰላምታ ለጉባኤው በማቅረብ በክልሉ ውስጥ ጌታ እያከናወነ ያለውን መልካም ስራ በማድነቅ እግዚአብሔርን አመስግነዋል።
እንዲሁም የክልሉን መሪዎች አበረታተዋል።
በመቀጠል የክልሉ ፕሬዝዳንት መጋቢ ፋሲል ተክሉ የ2018 ዓ.ም የስራና የፋይናንስ ሪፖርት ያቀረቡ ሲሆን የ 2019 ዓ.ም የስራና የፋይናንስ እቅድ አቅርበው ጉባኤው በሙሉ ድምጽ አጽድቀዋል።
ከጉባኤው የተለያዩ ጥያቄዎች የተነሱ ሲሆን የክልሉ ፕሬዚዳንት የሆኑት መጋቢ ፋሲል ተክሉ ተገቢውን ምላሽ ሰጥተዋል።
በተጨማሪም የሚጠበቅባቸውን ተገቢውን ፈሰስ በአግባቡ ለክልሉና ለቤተ እምነቱ ገቢ በማድረጋቸው እና በሕንጻ ግንባታ ላይ በጎ አስተዋጾ ላደረጉ አጥቢያዎች የከፍተኛ ዋንጫ ሽልማት ተበርክቶላቸዋል ።
በመጨረሻም ለሚቀጥሉት አራት አመታት እንዲያገለግሉ ስራ አስኪያጅ ኮሚቴ በመምረጥ (በመሾም) 5ኛ መደበኛ ጠቅላላ ጉባኤ በተሳካ ሁኔታ ተጠናቋል።
ለበለጠ_መረጃ
👉በዩትዩብ፡ https://www.youtube.com/@efgbc
👉ፌስቡክ፡ https://www.facebook.com/etfullgospel/
👉ቴሌግራም፡ https://t.me/EFGBC_HO እንዲሁም በሌሎች ፕላትፎርሞቻችን ይከታተሉን።
