NOMZODLAR DIQQATIGA!!! Hurmatli nomzodlar! Ariza topshirish… — ArmyGovUz

ArmyGovUz@Armygovuz · 16.7K subscribers Open in TelegramOpen

NOMZODLAR DIQQATIGA!!!

Hurmatli nomzodlar! Ariza topshirish jarayonida aksariyat nomzodlar tomonidan mutaxxassislikni notoʻgʻri tanlash holatlari kuzatilmoqda.
Bu esa arizalar rad etilishiga sabab boʻlishi mumkin.

Shu sababli mutaxassisliklarni quyidagicha tanlashingiz talab etiladi:

umumqoʻshin mutaxassisligiga – harbiy xizmatni oʻtagan barcha nomzodlar;

artilleriya mutaxassisligiga – bir yillik muddatli harbiy xizmatni artilleriya mutaxassisliklari boʻyicha oʻtagan nomzodlar;

aloqa mutaxassisligiga – bir yillik muddatli harbiy xizmatni aloqa mutaxassisliklari boʻyicha oʻtagan yoki ushbu mutaxassislik boʻyicha taʼlim muassasalari (oʻquv kurslari)ni tamomlaganlik toʻgʻrisidagi diplom (sertifikat)ga ega nomzodlar;

tank mutaxassisligiga – bir yillik muddatli harbiy xizmatni tank mutaxassisliklari boʻyicha oʻtagan nomzodlar;

haydovchi mutaxassisligiga – harbiy xizmatni oʻtagan va “B,C” toifali haydovchilik guvohnomasiga ega barcha nomzodlar;

muhandis-sapyor mutaxassisligiga – bir yillik muddatli harbiy xizmatni muhandis yoki sapyor mutaxassisliklari boʻyicha oʻtagan nomzodlar;

tibbiyot mutaxassisligiga – harbiy xizmatni oʻtagan va davolash ishi, hamshiralik ishi, feldsher yoʻnalishlari boʻyicha oʻrta tibbiyot muassasalarini tamomlagan nomzodlar;

moliya mutaxassisligiga – harbiy xizmatni oʻtagan va moliya-iqtisod yoʻnalishi boʻyicha oliy taʼlim muassasalarini tamomlagan nomzodlar.

Moliya-iqtisod, davolash ishi, hamshiralik ishi va feldsher mutaxassisliklariga hamda “B, C” toifali haydovchilik guvohnomasiga ega boʻlmagan safarbarlik chaqiruvi rezervi xizmatini tamomlagan nomzodlar faqatgina umumqoʻshin mutaxassisligiga ariza topshirishlari mumkin.

Mutaxassislikni notoʻgʻri tanlagan nomzodlar arizalarini rad etishlari va joriy yilning 15- iyul sanasiga qadar mutaxassislikni yuqoridagi talablarga koʻra toʻgʻri tanlagan holda qayta ariza berishlari talab etiladi.
Aks holda Sizning arizangiz mutaxassislar tomonidan rad etiladi!