هوى .: post #383 — TG.ME

Forwarded fromهوهوى .

‏شدّ الوتَر باقي على الفجر ساعة ‏الله يغفر ذنوبنا و يهدينا ‏لو ما نفادي بـ البضاعة بضاعة ‏ضعنا و ضيّعنا مكاسب يدينا ‏حنا فقارى نغتني بـ القناعة ‏كنزٍ لو نخالف دروبه ، غدينا ‏أحلامنا للي يحفظ الوداعه ‏و ماضيّنا للي بـ سوده بِلينا ‏كيف نتسامى في زمان الرعاعه؟ ‏اللي نمجّد لحيته و يهجينا ‏بعد الشروق اللي تلاشى شعاعه ‏ما للثقة في ساحل الصدر مينا ‏يا نون عيني من شرا الودّ ، باعه ‏مدري وش مغيّر هوانا علينا ! ‏في ليلٍ تحامي على اسمه سْباعه ‏لقّى ظهر بدر السما ، ما يبينا ‏و حنا هواويّة قصيد و لكاعه ‏هذي هي اللي من وفانا ، لقينا ‏لا تحتري من ينشرون الإشاعه ‏فينا من الماضي المشقّى و فينا ‏يوم ان كلٍ نجدته من ذراعه ‏قمنا لـ عين الذكريات و هوينا ‏عاون ولعْنا و ابْك لجله و راعه ‏يموت غصن الشوق لا من سلينا ‏راح العمر بين إستماته و طاعه ‏لازم يهمّل كبريائه حدينا !