سلُمجٍدِآن

لأن حتى لو هاجمتك الدنيا كلها، يبقى في داخلك جزء صغير يبي يعيش، يبي يبتسم، يبي يقول: أنا هنا، وما انتهيت.

يمكن مب الحين، ويمكن لا بكرة، بس أكيد بيجي يوم ويخف الحمل اللي على صدرك، وتتنفس من جديد بدون وجع .

بس صدقني ، مهما طالت هاللحظة، بتنتهي.

تحس قلبك ثقيل، والليل أطول من اللازم، والأيام تمر ببطء كأنها تجرّ نفسها جَرّ .

تبتسم مجاملة، تقول «أنا بخير» وأنت مو بخير أبدًا.

وتحس نفسك وحيد، حتى لو حولك ألف شخص.

كل شي يزيد، الهموم، التعب، التفكير اللي ما يهدأ. كل ذكرى قديمة تطلع فجأة بدون إذن، تزيدك وجع فوق وجعك.

لكن الدنيا ما تسمع، ولا تعطيك مهلة.

تطالع حواليك وتقول: مو وقته يا دنيا ،خليني ألتقط أنفاسي.

الأشياء الصغيرة تصير جبال، والنَفَس يصير ضيق، والأصوات حوالينك تصير إزعاج مؤلم، كأن العالم كله يصرخ في أذونك ، وإنت بس تبغى لحظة هدوء، لحظة وحدة ما فيها شي يضغط عليك

تحس الدنيا كلها تهجم عليك في اللحظة اللي ما لك فيها حيّل حتى تتنفس… كأنها اختارت أضعف وقت عندك، وجت بكل ثقلها فوق صدرك

[media, no text]

أحتاج إلى سكونٍ يشبه البحر حين ينام، وإلى مساحة خالية من كل شيء ، حتى من نفسي.

التفكير عندي ليس رفاهية، بل حرب يومية أخوضها مع نفسي، مع الماضي، مع ما أخشاه من المستقبل ، أستنزف طاقتي لأجعل الفوضى صامتة ولو للحظات .

أحياناً أشعر أن رأسي صار قفصاً يعلو فيه ضجيج لا يهدأ، أصواتٌ تحاورني، تحاسبني، تذكّرني بما كنت وما لم أكن.