10
حوکمی درێژکردنەوەی دوو ڕکعەتی سونەتی بەیانی
شێخ ئیبن عوسەیمین ــ ڕەحمەتی خوای لێ بێت ــ دەفەرموێت:
ئەگەر کەسێک بیەوێت دوو ڕکعەتی سونەتی بەیانی بە خوێندنەوەی درێژ، ڕکووع و سوجوودی درێژ، درێژ بکاتەوە، بەهۆی ئەوەی ئەو کاتە لە نێوان ئەزان و ئیقامە کاتێکی بەرەکەتدارە و دوعا لەو کاتەدا ڕەت ناکرێتەوە؛
دەڵێین: ئەمە پێچەوانەی ڕاستییە.
چونکە پێغەمبەری خوا ﷺ ئەم دوو ڕکعەتەی بەیانی بە خێرایی و سووک دەخوێندەوە.
سوننەتە چی تێدا بخوێنرێت؟
بۆ پاراستنی ئەم کورتکردنەوەیە، سوننەتە مرۆڤ تەنها ئەمانە بخوێنێت:
• لە ڕکاتی یەکەمدا: سووڕەتی (الفاتحة) و پاشان (قُلْ يَا أَيُّهَا الْكَافِرُونَ).
• لە ڕکاتی دووەمدا: سووڕەتی (الفاتحة) و پاشان (قُلْ هُوَ اللَّهُ أَحَدٌ).
• شێوازی دووەم: یان خوێندنەوەی ئایەتی (١٣٦)ی سووڕەتی البقرة لە ڕکاتی یەکەم، و ئایەتی (٦٤)ی سووڕەتی آل عمران لە ڕکاتی دووەمدا.
