چار گال گُشاں مرچی من سِتک پہ دلءُجانی
بژنیں پہ وتی دوستاں اپسوز پہ شمے نادانی
کے ناہ ءَ یلہ دنت ءُ زیریتیں سَکَن دست ءَ؟
ڈکّال ءَ نہ گْوازین اَنت میش اوست ءَ بھارانی
«ما ارس ءِ ھمُک ترمپے ایر بُرتہ گوں ارماناں
بے سـار نہ کنت مارا نوں کیپ شـرابانی»
دلشادی ءُ مینّـاب ءَ، ھچ کَٹّ نہ دات راج ءَ
بّن پان ءِ بہ بیت اربـابی، یا بابکِ زنجـانی
ھچ چُرت نہ اِنت مارا کے جاہ ءِ بہ بیت مستر
بس چُـکُے بہ بیت ڈیھ ئے باشنـدھے ایرانی
مـا شـاعـریں اوبـالـیں ریشـکـند مکـن مارا
مئے گال چو کتاب ءَ اَنت رھدربر اَں راجانی
✍🏻 *رحــمٰــن نـثــار*
*زانت ءِ کاروان ءِ ادبی دیوان👇👇*
http://telegram.me/zantekarvan
