جنت غيرك عندي بس امي وابوي
وانت الله اليعلم شعندك چنت
تِذكُر امن تكلي نعسان ارد انام ؟
چنت اعرفك صاحلك غيري ورحت
اني اذا اشمر جكاره عليها ضوج
وانت شامرلك بشر بس ما ضجت
مره كتلك بالله شتسوي من اموت؟
سكتتني وخنگتك عبره وگمت
كتلي لا تحجيهه واسم الله عليك
ومن درت وجهي لغاد تبسمت
روح مثّل والچذب راهم عليك
اني هم لو خبره مثلك مثلت
بدلتني اكثر من هدومك شجاك؟
اني من اليوم اللقاء ما بدلت
شلون 9 شهور حملت گلي بيك؟
اني صار اسبوع اعرفك بس متت
انت حتى فراشك يشوفك غريب
لزيد الماجد
