🎓 BAC 2027 | كيفاش تبدأ تقرا؟ 📚
إذا راك حاس روحك ضايع ومش عارف منين تبدأ، نحب نقولك حاجة من تجربتي: ما تستناش حتى تلقى روحك "متحمس" باش تبدأ. ابدا برك الحماس يجي من بعد 🤍 (حماس البداياااات يااه كل عشناه 🥲)
@zaimdz
أنا شخصيًا كنت نشوف الباك حاجة كبيرة بزاف، وكنت نخمم: منين نبدا؟ واش نقرا؟ كيفاش نلحق؟
وبعد فهمت بلي أكبر غلطة هي أنك تحاول تدير كلش في نهار واحد
باش تبدأ صح:
@zaimdz
1. شوف واش مراكش هاز بيا من العام لي فات سيرتو المواد الاساسية باسكو حتسوفري بزاااف عام لباك كاين حوايج يتعاودو وحوايج يكملو دوزيام... يلزملك تراجع المكتسبات ياك كاين لي فيديو في اليوتيوب راهم يحطو ولا مم تاع العام لي فات ملاح 😻
@zaimdz
2. اختار مادة وحدة أو زوج في البداية، ما تفتحش 6 مواد وتضيع بينهم.... يعني ابدا بوتيرة خفيفة متجهدش فيها روحك من البدية يابعد 🙂 لا للحماس الزائد 🤧 مباعد في la fin تلقا روحك ذبلت كي الوردة ومتقدرش تقرا تعيا بزااف ويروحلك شغف 😢
@zaimdz
3. ابدا بالحاجات لي راك ضعيف فيهم، بصح بالتدريج ... الحاجة لي مش فاهمها متخليهاش ابدا بيها وكملها تتهنا منها ممبعد فوت للمواد لخرين.
@zaimdz
4. دير هدف صغير لليوم: درس + تمارين خير من نقرا الرياضيات كامل (كنت كي يحكمني الvيد ونكره من القراية نروح نحل تمارين تاع math 😂)
5. ما تقراش غير باش تقول «قريت 5 ساعات» المهم واش خرجت من هذيك الساعات.. لانو راح تشوف بزاااااف تلاميذ صحابك ولا يقيسو بالساعات ويخليك تدخل في ديبريسيو وتعاني بزاف عن تجربة.. لي يهمك شحال هزيت من معلومة كي حكمت كراسك مش شحال من ساعة!!!
@zaimdz
6. ومن أول نهار، حاول تفهم الدرس قبل ما تحفظو، خاصة المواد لي تعتمد على الفهم... مم الحفاظة افهم ومباعد الحفاظة ساهلة تدخل بلخف للراس كي تكون فاهمها لانو الحفيظة تنساها مي الفهم لا 🙂↔️
💌 وأهم حاجة:
ما تقارنش ، ماااتقااارنشش،، لاااااا تقااااااارن بدايتك بواحد راه سبقك بشهرين🤓
كل واحد عندو وتيرتو، والمهم أنك تبدأ وتستمر🙂↕️
@zaimdz
