🌟 ارواح اتعلم شوية فرنسية قبل الدخلة تفهم واش كاين فالبرنامج (الوحدة الاولى) + شوية مصطلحات 👇
Résistance = مقاومة
💡Exile = النفي
💡La paix = السلم
💡historique = تاريخي
هذو لازم تكون تعرفهم ساهلين
و المضمون تع الوحدة اللولة هو :
💡Le texte historique = النص التاريخي
كامل واش كاين فالتاريخ مشي لازم غير الاستعمار قادر يكون نص على تاريخ كرة القدم هذا نص تاريخي قادر يكون على كاش اختراع كيما تاريخ الهاتف النقال ولا الانترنت ...
🧠كيفاش تعرف بلي نص تاريخي باينا يكون فيه :
💡 Les personnages = الشخصيات
كيما مخترع الهاتف شخصية ؛ جوار تع بالون شخصية ؛ مواطن جزائري شخصية ...
💡 Les dates = التواريخ
تاريخ اختراع الهاتف ؛ تاريخ اندلاع الثورة ....
💡le lieu = المكان
وين البلاصة هذيك لي صرات فيها القصة و قادر يكونو بزاف بلايص
💡 les témoins = الشهود
لي يشهدو على هذيك الحادثة راكم فاهمين كيما هذوك لي يجيبوهم فالنهار تع جريمة القتل ...
🧠 بصح نتوما راح تقراو على الحرب بزاف خاصة الاستعمار الفرنسي اك تعرف حنا جزائريين لازم شوية بزاف عنف ...
💡Ratissage = التمشيط
🧠التمشيط معناها هذاك المستعمر يزدم على منطقة بالجيش تاعو يصفيها كامل مالسكان ولا كيما ضكا على 8 الشرطة يخرجو يديرو تمشيط ؛ الحانوت لي يصيبوه فاتح راكم عارفين
💡Revendiquer = reclame = يطالب
🧠الشعب كان دايمن يريكلامي على حقو باش يمدولو الحرية تاعو
💡Colonisateur = المستعمِر (لي يستعمر)
💡Colonisé = المستعمَر (لي يستعمروه)
🧠 هذو الزوج لازم تفرق بيناتهم يطيحو بزاف زعما يمدلك جدول و يقلك الصفات تع المستعمِر و الصفات تع المستعمَر سؤال
ساهل تقدر جاوب عليه بصح بزاف يتخلطولهم و يقلبوهم و تروح النقطة باطل
💡Victime = ضحية
اي حرب عسكرية باينا بلي راح يكونو فيها بزاف لي فيكتيم ساهلة
💡Encourage = يشجع
يشجعو معناها يديرلو الكوراج راكم فاهمين
هيا اكتبو كامل هذون في كراس و حفظوهم
✅ لا تنسوني من صالح دعائكم و بالتوفيق و السداد جزاكم الله خيرا و أن يبلغني الله ما اريد
@zaimdz
____
♡ㅤ ❍ㅤ ⎙ㅤ ⌲
ˡᶦᵏᵉ ᶜᵒᵐᵐᵉⁿᵗ ˢᵃᵛᵉ ˢʰᵃʳᵉ
____
4September 3, 2026 171 3
