မီးဘေးအန္တရာယ် ကာကွယ်ရေး အသိပညာပေးဟောပြောပွဲနှင့် သရုပ်ပြပွဲ ကျိုက်ထော်(မြောက်)
တွင်ပြုလုပ်
════════════════════════════════════
𝐘𝐚𝐧𝐠𝐨𝐧 𝐍𝐞𝐰𝐬 𝐈𝐦𝐚𝐠𝐞 { 𝐘𝐍𝐈 }
𝐌𝐚𝐫𝐜𝐡 , 𝟐𝟏 , 𝟮𝟬𝟮𝟒 { ရန်ကုန်သတင်းပုံရိပ် }
𝗟𝗼𝗰𝗮𝗹𝗡𝗲𝘄𝘀 { ကော့မှူး }
ရန်ကုန်တိုင်းဒေသကြီး၊ တွံတေးခရိုင် ၊ ကော့မှူးမြို့နယ်၊ ကျိုက်ထော်(မြောက်)ကျေးရွာအုပ်စု ၊ အုန်းပင်စုပိုင်းရှိ ၊ ကျေးလက်ကျန်းမာရေးဆေးပေးခန်းခမ်းမတွင် ယမန်နေ့ ၂၀၀၆ခုနှစ် ၊ မတ်လ ၊ ၂၀ ရက်နေ့ နံနက်၁၁ နာရီအချိန်ခန့်က ၊ မီးဘေးအန္တ
ရာယ် ကာကွယ်ရေး အသိပညာပေးဟောပြောပွဲနှင့် သရုပ်ပြပွဲကို ပြုလုပ် ခဲ့သည်။
အဆိုပါပွဲသို့ ကော့မှူးမြို့နယ်အုပ်ချုပ်ရေးမှူးဥိးမျိုးမင်း၊ မြို့နယ်စည်ပင်သာယာရေးဦးစီးဌာနမှ အမှုဆောင်အရာရှိ ဦးတင်ထွန်းအောင်၊ မြို့နယ် မီး
သတ်ဦးစီးဌာနမှ မြို့နယ်မီးသတ်ဦးစီးမှူး ဦးပြည့်ဖြိုးအောင် ၊ ကျိုက်ထော်မီးသတ်စခန်းမှလက်ထောက်ဦးစီးမှူးဦးလင်းဇော်ဦးနှင့်မီးသတ်တပ်ဖွဲ့ဝင်များ၊ဒေသအရံမီးသတ်တပ်ဖွဲ့ဝင်များ၊ ကျိုက်ထော်တောင်၊ ကျိုက်ထော်မြောက်ကျေးရွာအုပ်စုအုပ်ချုပ်ရေးမှူးများနှင့်အုပ်ချုပ်ရေးအဖွဲ့ဝင်များ၊ ကျိုက်ထော်တိုက်နယ်ကျန်းမာရေးမှူးနှင့် ရပ်ရွာလူထုများတက်ရောက်ခဲ့ကြသည်။
သရုပ်ပြပွဲမလေ့ကျင့်မှီ ကော့မှူးမြို့နယ် မီးသတ်ဦး
စီးဌာနမှ မြို့နယ်မီးသတ်ဦးစီးမှူး ဦးပြည့်ဖြိုးအောင်မှ မကြာခဏဖြစ်ပွားတတ်သည့်
🔸မီးလောင်မှုအခြေခံသဘောတရားများ
🔸မီးသတ်ဆေးဘူးများကို စစ်ဆေး၊ တပ်ဆင် အသုံးပြုပုံ
🔸အိမ်သုံး လျှပ်စစ်ပစ္စည်းများနဲ့ ပတ်သက်ပြီး သတိပြုစရာ အခြေခံသဘောတရားများ
🔸ပေါ့ဆမီး ၊ရှို့မီးအတွက် ပြစ်မှု/ပြစ်ဒဏ်များ ၊စသည့် အချက်များအား သေချာစွာ အသိပညာပေးရှင်း
လင်းပြောကြားခဲ့သည်။
ပြီးနောက်တွင် ရပ်ရွာလူထုအပါအဝင် မီးလောင်မှုဖြစ်ပွားချိန် စနစ်တကျ မီးငြှိမ်းသတ်နိုင်ရေးအတွက် လေ့ကျင့်မှုလုပ်ငန်းများကို လက်တွေ့ သရုပ်ပြလေ့ကျင့် ဆောင်ရွက်ခဲ့ကြသည်။
မီးဘေးအန္တရာယ်သည် ဥတုရာသီမရွေး ဖြစ်ပေါ်တတ်ပြီး မီးစလောင်တာနှင့် အနှေးနှင့် အမြန် ကြီး
မားသည့် အန္တရာယ်တစ်ခု ဖြစ်လာနိုင်သည့်အတွက် အိမ်ထောင်စုတိုင်းက မပေါ့မဆဘဲ မီးကို သတိထားသုံးစွဲရမှာဖြစ်သလို မီးဘေး ကြိုတင်ကာကွယ်ရေးအတွက် လိုက်နာဆောင်ရွက်ဖို့ကလည်း အရေးကြီးလှသည်။
“မီးဘေးရှောင် မလောင်ခင်တား”ဆိုသည့် ဆောင်
ပုဒ်အတိုင်း မီးလောင်ခြင်း ကို ကြိုတင်ကာကွယ်ဖို့ဆို ပြည်သူ တစ်ဦးချင်းစီက ကိုယ်နေထိုင်ရာ နေအိမ်၊ လမ်း၊ ရပ်ကွက်၊ မြို့နယ်မှ တစ်နိုင်ငံလုံး အသိ/ သတိ ရှိရှိနဲ့ ပူးပေါင်းကာကွယ်မှသာ မီးဘေးအန္တ
ရာယ်မှ ကင်းဝေးနိုင်မည် ဖြစ်သည်။
ထို သရုပ်ပြပွဲမှတစ်ဆင့် ရပ်ရွာလူထုအတွင်း-
🔸မီးဘေးအန္တရာယ်သတိရှိမှု မြင့်တက်လာခြင်း
🔸ရပ်ရွာအဖွဲ့အစည်းများအကြား ပူးပေါင်း
ဆောင်ရွက်မှုတိုးတက်လာခြင်း
🔸မီးဘေးအန္တရာယ်ရဲ့ အရေးပေါ်အခြေအနေမျိုးတွင် ကိုယ်တိုင် တုံ့ပြန်နိုင်သည့် အခြေခံကျွမ်းကျင်မှု ရရှိလာခြင်းစသည့် အကျိုးကျေးဇူးများကို ရရှိစေခဲ့
ပြီး ၊ မီးသတ်ဦးစီးဌာနအနေဖြင့်လည်း ပြည်သူများအား မီးလောင်မှုနှင့် သဘာဝဘေးအန္တရာယ်တွေ ကြုံတွေ့လာသည့်အခါ မြန်မာနိုင်ငံမီးသတ်တပ်ဖွဲ့သို့ အမြန်ဆုံးအကြောင်းကြားပြီး ပါဝင်ကူညီကြရန်ကိုလည်း တိုက်တွန်းနှိုးဆော်ထားကြောင်းသိရသည်။
#𝐘𝐚𝐧𝐠𝐨𝐧 𝐍𝐞𝐰𝐬 𝐈𝐦𝐚𝐠𝐞 { 𝐘𝐍𝐈 }
#ကော့မှူး
#ကျိုက်ထော်(မြောက်)
#မီးဘေးအန္တရာယ်
#ကာကွယ်ရေး အသိပညာပေး
#ဟောပြောပွဲနှင့် သရုပ်ပြပွဲ
