- (@xeq93) — Telegram — TG.ME

- (@xeq93) — Telegram — TG.ME

اكو شغلة كلش مهمة برأيي اريد اكولها بمناسبة الكل ب فترة الامتحانات ياريت تقروها للاخير ،
الامتحان ودرجته عمره ما يحدد مستواك ، مهما كان امتحان مهم و سواء اسئلته علميه و عادلة او سواء اسئلته ظالمة و غير عادلة للمادة ( وهو الشائع ) ، ولا التقدير المعين الي حتجيبة هو حيحدد مستقبلك او مدى علميتك بل مادة او هل باجر عكبة بل طوارئ تنقذ المريض لو لا ، الامتحان عبارة عن اسئلة محددة اختارها شخص بكيفة من بين الآف الاسئلة وقرر يختبرك بيها ، ف درجتك الي حتجيبها هي نتيجة هاي الاسئلة الي تمثل 0.1‎%‎ من المادة كلها بس ….
ممكن تكون انت علميتك زينة وتجيب تقدير زين صح ، بس ايضا ممكن ما يصير هذا الشيء لان الحياة مو دائما عادلة لان هي محطة اختبار ( رغم ثقتي الكاملة ب عدالة رب العالمين )
ف ابد ابد ما تسوة واحد يضوج نفسه لان ما جاوب بامتحان لان شيء جدا سخيف و راح يعدي وبعد فترة تنساه ويروح ، انت شغلتك بفترة الامتحانات تسعى وتجتهد وما تقصر قدر الامكان بوسط ظروفك وحياتك واستيعابك ( لا تقارن نفسك بغيرك ) وبس ، الباقي على الله هو الي يقدرلك شنو تجيب وشنو استحقاقك ،
لذلك اتقبل الخطأ واتعلم منه لان طريق الحياة والامتحانات والطب كلش طويل وكل شيء مكتوب و زرقك ونصيبك مراح يصير لغيرك

ارحموا انفسكم واتركوا الاكتئاب والعزلة والاذية لنفسكم علمود شيء جدا تافه وهو الامتحان والدرجات مقارنة بهاي الدنيا الكبيرة وشنو بيها من اسرار وقصص وحكايات واشياء حلوة ف عيشها بحلاوتها قدر الامكان لان هي صعبة بما فيه الكفاية ف لا تصعبها على نفسك اكثر لان انت الخاسر الوحيد …