❝ ᴵ ᵗᵒˡᵈ ʰᵉʳ ᵃᵇᵒᵘᵗ ˡᵒᵛᵉ ᵃⁿᵈ ˢʰᵉ ᵗᵒˡᵈ ᵐᵉ ᵃᵇᵒᵘᵗ ᵐᵒᵛⁱᵉˢ ❞

Maria (Saishri Prabhakaran) ဟာ ဘာသာရေးကို နက်နက်ရှိုင်းရှိုင်းယုံကြည်ပြီး သီလရှင်ဘဝနဲ့ နေထိုင်နေတဲ့ အမျိုးသမီးငယ်တစ်ယောက်ပါ။ ဒါပေမယ့် အရွယ်ရောက်လာတာနဲ့အမျှ သူမရဲ့ကိုယ်ပိုင်ဆန္ဒတွေ၊ ခံစားချက်တွေနဲ့ ဘာသာရေးစည်းမျဉ်းတွေကြား ပဋိပက္ခဖြစ်လာပြီး နောက်ဆုံးမှာ ဘုန်းကြီးကျောင်းကို စွန့်ခွာဖို့ ဆုံးဖြတ်လိုက်ပါတယ်။

အပြင်လောကထဲရောက်လာတဲ့ Maria အတွက် လွတ်လပ်မှုရသွားပြီလို့ ထင်ရပေမယ့် အခြေအနေက ပိုရှုပ်ထွေးလာပါတယ်။ သူမဟာ Satanic cult တစ်ခုဆီမှာ ခိုလှုံမိသွားပြီး ယုံကြည်ခြင်း၊ ကိုယ်ပိုင်ရွေးချယ်ခွင့်နဲ့ လူမှုအသိုင်းအဝိုင်းက အမျိုးသမီးတစ်ယောက်အပေါ် သတ်မှတ်ထားတဲ့ စည်းမျဉ်းတွေကို ပြန်လည်မေးခွန်းထုတ်ရတဲ့အခြေအနေ ရောက်လာပါတော့တယ်။

သရဲကားလို Satanic Cult ကို အသုံးချထားတာမဟုတ်ဘဲ Religion + Female Desire + Freedom + Social Taboo တွေကို အဓိကထားတဲ့ Serious Drama မျိုးပါ။ ဘာသာရေးစည်းမျဉ်းနဲ့ လူတစ်ယောက်ရဲ့ ကိုယ်ပိုင်ဆန္ဒ ထိပ်တိုက်တွေ့လာတဲ့အခါ ဘယ်လိုရွေးချယ်မလဲဆိုတာကို ခပ်ရဲရဲတင်ဆက်ထားတဲ့ကားပါ။

ရဲတွေ သက်သေအဖြစ် သိမ်းဆည်းထားတဲ့ တန်ဖိုးကြီး မူးယစ်ဆေးတွေ သယ်ယူနေစဉ် ပျောက်ဆုံးသွားပြီး ရဲအရာရှိတစ်ယောက်ပါ သံသယရှိသူဖြစ်လာပါတယ်။ သူ့အပြစ်မရှိဘူးလို့ ယုံကြည်တဲ့ လူငယ်စုံထောက် Kang Sung-joo (Go Soo) က တကယ့်တရားခံကို ကိုယ်တိုင်လိုက်ရှာရင်း သံသယရှိသူတွေ တစ်ယောက်ပြီးတစ်ယောက် ထူးဆန်းစွာ သေဆုံးလာတာကို တွေ့ရပါတယ်။

အဲဒီအချိန်မှာ Traffic Reporter Seo Yu-jin (Song Ji-hyo) နဲ့ တွေ့ဆုံလာပါတယ်။ Yu-jin ဟာ တချို့ဖြစ်ရပ်တွေကို အရင်က ဖြစ်ခဲ့ဖူးသလို Déjà Vu ဆန်ဆန် ကြိုမြင်နိုင်သူ ဖြစ်ပြီး သူမမြင်ထားတဲ့ အနာဂတ်တစ်ခုမှာတော့ Sung-joo ဟာ ၂၄ နာရီအတွင်း အသတ်ခံရမယ် ဆိုတာ ပါနေပါတယ်။ ဒါကြောင့် နှစ်ယောက်ဟာ မူးယစ်ဆေးပျောက်ဆုံးမှုရဲ့ နောက်ကွယ်က အမှန်တရားကိုရှာရင်း ကြိုတင်မြင်ထားတဲ့ သေခြင်းတရားကိုပါ ပြောင်းလဲနိုင်ဖို့ ကြိုးစားကြပါတော့တယ်။
“ကိုယ်သေမယ့်အချိန်ကို ကြိုသိနေပြီဆိုရင် ကံကြမ္မာကို ပြောင်းလဲနိုင်မလား” ဆိုတဲ့အချက်က ဇာတ်ကားရဲ့ စိတ်ဝင်စားစရာအကောင်းဆုံးအပိုင်းပါ။

အချစ်ဆိုတာ ခံစားချက်တစ်ခုတည်းလား၊ ဒါမှမဟုတ် လူတွေထုတ်မပြောဖြစ်ကြတဲ့ ဆန္ဒတွေ၊ လျှို့ဝှက်ချက်တွေနဲ့လည်း သက်ဆိုင်နေသလား။

Lust Stories ဟာ အချစ်၊ လိင်ပိုင်းဆိုင်ရာဆန္ဒ၊ အိမ်ထောင်ရေးနဲ့ လူမှုအသိုင်းအဝိုင်းရဲ့ မျှော်လင့်ချက်တွေကို ဇာတ်လမ်းတိုအမျိုးမျိုးနဲ့ တင်ဆက်ထားတဲ့ Hindi Anthology ဇာတ်ကားတွဲပါ။

ဇာတ်လမ်းတွေထဲမှာ လက်ထပ်ခါနီး စုံတွဲတွေ၊ အိမ်ထောင်ရေးမှာ မပျော်ရွှင်တော့သူတွေ၊ အတိတ်ကချစ်သူနဲ့ ပြန်လည်ဆုံတွေ့သူတွေအပြင် ကိုယ့်ခံစားချက်ကို ပွင့်ပွင့်လင်းလင်း မပြောရဲသူတွေရဲ့ဘဝတွေကို တွေ့ရမှာပါ။

တစ်ချို့ဇာတ်လမ်းတွေက ရယ်စရာကောင်းပေမယ့် တစ်ချို့ကတော့ လူမှုအဆင့်အတန်း၊ သစ္စာဖောက်မှု၊ အမျိုးသမီးတွေရဲ့ ကိုယ်ပိုင်ရွေးချယ်ခွင့်နဲ့ ဆက်ဆံရေးထဲက မညီမျှမှုတွေကို လေးလေးနက်နက် မေးခွန်းထုတ်ထားပါတယ်။

ပုံမှန် Romance ကားတွေလို အချစ်ရဲ့လှပတဲ့ဘက်ကိုပဲ ပြထားတာမဟုတ်ဘဲ လူတွေရဲ့ မပြောဖြစ်တဲ့ဆန္ဒတွေ၊ အတွင်းစိတ်နဲ့ ဆက်ဆံရေးအမှန်တရားတွေကို ဟာသ၊ ဒရာမာနဲ့ Psychological Thriller ပုံစံတွေ ရောစပ်ပြီး တင်ဆက်ထားတာပါ။

Sidda ဟာ တောအုပ်ကြီးနားက ရွာလေးတစ်ရွာမှာ မိဘတွေနဲ့အတူ နေထိုင်တဲ့ ကောင်လေးပါ။ သူ့အဖေ Maasti က အကြွေးတွေနဲ့ ရုန်းကန်နေရတဲ့ လယ်သမားတစ်ယောက်ဖြစ်ပြီး အမေ Ganapi ကတော့ မြို့ပေါ်မှာ ပိုကောင်းတဲ့ဘဝတစ်ခု တည်ဆောက်ချင်သူပါ။ Sidda ကတော့ ရွာမှာပဲ ပျော်နေပြီး အထူးသဖြင့် အဘိုး Sukrajja ပြောပြတဲ့ တောအုပ်ထဲက ပုံပြင်တွေကို နားထောင်ရတာ အလွန်နှစ်သက်ပါတယ်။

တစ်နေ့မှာ မိသားစုအခြေအနေကြောင့် မြို့ကို ပြောင်းရွှေ့ရတဲ့အခါ Sidda ရဲ့ဘဝလေး ပြောင်းလဲသွားပါတယ်။ မြို့ပြရဲ့ ဆူညံရှုပ်ထွေးမှုတွေကြားမှာ သူဟာ ရွာလေး၊ အဘိုးနဲ့ တောအုပ်ကြီးကို ပိုပိုပြီး သတိရလာပါတယ်။ ဒီလိုနဲ့ မိဘတွေမျှော်လင့်ထားတဲ့ မြို့ပြဘဝနဲ့ သူကိုယ်တိုင်ချစ်မြတ်နိုးတဲ့ မွေးရပ်မြေကြား ဘယ်လိုရွေးချယ်မလဲဆိုတဲ့ အတွင်းစိတ်ပဋိပက္ခကို ရင်ဆိုင်လာရပါတော့တယ်။

အက်ရှင်နဲ့ အလှည့်အပြောင်းကြီးတွေထက် ကလေးတစ်ယောက်ရဲ့ ရိုးသားတဲ့ခံစားချက်ကို အဓိကထားတဲ့ ဇာတ်ကားပါ။

A” မှာ ကိုယ်ပိုင်ခန္ဓာကိုယ်မရှိပါဘူး။ နေ့တိုင်း မတူညီတဲ့လူတစ်ယောက်ရဲ့ခန္ဓာကိုယ်ထဲမှာ နိုးထလာပြီး ၂၄ နာရီပြည့်ရင် နောက်လူတစ်ယောက်ဆီ ပြောင်းသွားရပါတယ်။ တစ်နေ့မှာ Rhiannon ရဲ့ချစ်သူ Justin ရဲ့ခန္ဓာကိုယ်ထဲ ရောက်နေချိန် Rhiannon နဲ့ အမှတ်ရစရာနေ့တစ်နေ့ ဖြတ်သန်းမိရာကနေ သူမကို ချစ်မိသွားပါတယ်။

နောက်နေ့မှာတော့ “A” က Justin မဟုတ်တော့ပါဘူး။ တစ်ခါတလေ ယောက်ျားလေး၊ တစ်ခါတလေ မိန်းကလေး၊ မတူညီတဲ့ရုပ်ရည်နဲ့ လူတစ်ယောက်ပြီးတစ်ယောက် ပြောင်းလဲနေပေမယ့် အတွင်းက “A” ကတော့ အတူတူပါပဲ။ Rhiannon လည်း ဒီအမှန်တရားကို သိလာပြီးနောက် လူတစ်ယောက်ကို ချစ်တာက သူ့ရုပ်ရည်ကိုလား၊ အတွင်းကလူကိုလား ဆိုတဲ့မေးခွန်းနဲ့ ရင်ဆိုင်လာရပါတယ်။

Concept က တော်တော်လှပါတယ်။ ကိုယ်ချစ်တဲ့သူက မနက်ဖြန်ရောက်တိုင်း မျက်နှာအသစ်နဲ့ ပြန်လာမယ်ဆိုရင် ဆက်ချစ်နိုင်မလား ဆိုတာကို Fantasy Romance အဖြစ်ပြထားတာပါ။

Kargil တောင်တန်းဒေသမှာ စစ်ပွဲစတင်လာချိန် Golden Arrows Squadron ကို အလွန်အန္တရာယ်များတဲ့ လေကြောင်းစစ်ဆင်ရေးအတွက် ခေါ်ယူလိုက်ပါတယ်။ Siddharth က Squadron Leader Ajay Ahuja အဖြစ်၊ Jimmy Shergill က Wing Commander Tony Dhanoa အဖြစ် ပါဝင်ပြီး အဖွဲ့သားတွေကို တကယ့်စစ်မြေပြင်အတွက် ပြင်ဆင်ပေးရပါတယ်။

ပြဿနာက သာမန်လေကြောင်းတိုက်ပွဲတစ်ခု မဟုတ်ပါဘူး။ အမြင့်မားဆုံးတောင်တန်းဒေသ၊ ခက်ခဲတဲ့ရာသီဥတုနဲ့ ရန်သူ့နေရာတွေကြောင့် လေယာဉ်မှူးတွေဟာ အရင်ကမကြုံဖူးတဲ့ စိန်ခေါ်မှုတွေနဲ့ ရင်ဆိုင်ရပါတယ်။ Series က တိုက်ပွဲတွေကိုပဲပြတာမဟုတ်ဘဲ လေယာဉ်မှူးတွေရဲ့ကြောက်ရွံ့မှု၊ အပြစ်ရှိသလိုခံစားရမှု၊ အချင်းချင်းယုံကြည်မှုနဲ့ ဆုံးရှုံးမှုတွေ ကိုပါ အလေးပေးထားပါတယ်။

ဗြိတိန်ဘုရင် George VI ရဲ့ ဖြစ်ရပ်မှန်ဘဝကို အခြေခံပြီး စကားထစ်ခြင်းကို ကျော်လွှားဖို့ ကြိုးစားမှု၊ ယုံကြည်မှုနဲ့ မမျှော်လင့်ထားတဲ့ ခင်မင်မှု ကို တင်ဆက်ထားတဲ့ Historical Biography / Drama ဇာတ်ကားပါ။ Colin Firth, Geoffrey Rush နဲ့ Helena Bonham Carter တို့ အဓိကပါဝင်ထားပါတယ်။

မင်းသား Albert (Bertie) ဟာ ငယ်စဉ်ကတည်းက ပြင်းထန်တဲ့ စကားထစ်ခြင်းရှိတာကြောင့် လူအများရှေ့မှာ စကားပြောရတိုင်း အခက်အခဲကြုံရပါတယ်။ သူ့ဇနီး Elizabeth က ကူညီဖို့ကြိုးစားရင်း ပုံမှန်ကုထုံးတွေနဲ့ မတူတဲ့နည်းလမ်းတွေသုံးတဲ့ စကားပြောကုထုံးပညာရှင် Lionel Logue ဆီ ခေါ်ဆောင်သွားပါတယ်။ အစပိုင်းမှာ Bertie နဲ့ Lionel တို့ အဆင်မပြေပေမယ့် တဖြည်းဖြည်း ယုံကြည်မှုရှိတဲ့မိတ်ဆွေတွေဖြစ်လာကြပါတယ်။

နောက်ပိုင်း မမျှော်လင့်ထားတဲ့ အခြေအနေတွေကြောင့် Bertie ဟာ King George VI အဖြစ် ထီးနန်းဆက်ခံရပြီး ဒုတိယကမ္ဘာစစ်နီးကပ်လာချိန်မှာ နိုင်ငံသားသန်းပေါင်းများစွာကို ရေဒီယိုကနေ မိန့်ခွန်းပြောရမယ့် တာဝန်ကြီး ရောက်လာပါတယ်။

Gal Gadot အဓိကပါဝင်ပြီး လန်ဒန်မြို့တစ်လျှောက် အချိန်နဲ့အပြိုင် အသက်ကယ်ဖို့ ပြေးလွှားရတဲ့ Psychological / Action Thriller ဇာတ်ကားပါ။ Kevin Macdonald ရိုက်ကူးထားပြီး Gal Gadot က ထက်မြက်တဲ့ရှေ့နေ Maia Marten အဖြစ် သရုပ်ဆောင်ထားပါတယ်။

Maia ဟာ တစ်နေ့မနက် ပုံမှန်အတိုင်း ပြေးလေ့ကျင့်နေချိန်မှာ အမည်မသိလူတစ်ယောက်ဆီက ဖုန်းဝင်လာပါတယ်။ ဖုန်းထဲကလူက သူမရဲ့သား Noah ကို ဖမ်းဆီးထားတယ် လို့ပြောပြီး သားကိုအသက်ရှင်လျက် ပြန်တွေ့ချင်ရင် “မရပ်နဲ့၊ ပြောသမျှအတိုင်းလုပ်၊ ဘယ်သူ့ကိုမှမပြောနဲ့” ဆိုတဲ့ အမိန့်တွေပေးလာပါတယ်။

အစမှာ သားကိုပြန်ရဖို့ ရိုးရိုးအမိန့်လိုက်နာရုံလို့ ထင်ခဲ့ပေမယ့် Caller ရဲ့ခိုင်းစေမှုတွေက တဖြည်းဖြည်း ပိုအန္တရာယ်များလာပါတယ်။ Maia ဟာ လန်ဒန်မြို့တစ်လျှောက် မရပ်မနားပြေးရင်း ကိုယ်မလုပ်ချင်တဲ့အရာတွေကိုပါ လုပ်ရမယ့်အခြေအနေ ရောက်လာပြီး ဖုန်းနောက်ကွယ်ကလူက ဘာကြောင့် သူမကိုရွေးခဲ့တာလဲဆိုတဲ့ အမှန်တရားကိုပါ ရှာဖွေရပါတော့တယ်။

ဆေးခြောက်ကို ကိုယ်စားလှယ်ယူပြီးရောင်းတဲ့ဒေးဗစ်တစ်ယောက် တစ်နေ့မှာဓားပြတိုက်ခံရပြီးရှိသမျှပိုက်ဆံတွေရောဆေးခြောက်တွေပါ အကုန်ပါသွားပါတော့တယ်။ဒီအခါမှာ ပိုက်ဆံတွေပြန်မလျော်နိုင်တဲ့ဒေးဗစ်ကို သူ့ရဲ့သူငယ်ချင်းလည်းဖြစ်အလုပ်ရှင်လည်းဖြစ်သူကအလျော်အစားအနေနဲ့ အလုပ်တစ်ခုကမ်းလှမ်းပါတယ်။ဒီအလုပ်ကတော့ မက္ကစီကိုက ဆေးခြောက်တွေကိုနယ်စပ်ကိုဖြတ်ပြီး အမေရိကန်ထဲ သယ်လာဖို့ပါ။ရွေးစရာလမ်း မရှိတော့တဲ့ ဒေးဗစ်ဟာ နယ်စပ်ဖြတ်ပြီးဆေးခြောက်တွေသယ်မယ့် မူးယစ်ဆေးမှောင်ခိုအလုပ်ကို လက်ခံလိုက်ရပါတော့တယ်။ဆေးခြောက်မှောင်ခိုသယ်မယ့်အလုပ်ကိုကူညီဖို့ အူကြောင်ကြောင်ကောင်လေးတစ်ယောက်ရယ်အိမ်ခြေမဲ့ ကလေကချေမလေးတစ်ယောက်ရယ်ကလပ်တစ်ခုကဖော်ချွတ်မယ်တစ်ယောက်ရယ်ကိုပိုက်ဆံပေးမယ်ပြောကာမိသားစုဟန်ဆောင်ပြီး အတူလိုက်ခဲ့ဖို့ခေါ်လာခဲ့ပါတယ်ဒေးဗစ်တို့အဖွဲ့ အလွဲလွဲအချော်ချော်နဲ့ ဘယ်လိုတွေဆက်လုပ်သွားကြမယ် ဆေးခြောက်တွေ သယ်လာပြီးငွေတွေပဲ ရမလား အဖမ်းပဲခံရမလားဆိုတာဒီဇာတ်ကားလေးမှာ တဝါးဝါး တဟားဟားရယ်ရင်း ကြည့်သွားရမှာဖြစ်ပါတယ်။

Ankam Attahasam ဟာ ပဋိပက္ခတွေနဲ့ မထင်မှတ်ထားတဲ့ အလွဲအချော်တွေကို ဟာသနဲ့ ရောစပ်တင်ဆက်ထားတဲ့ Telugu Comedy / Drama ဇာတ်ကားတစ်ကားပါ။ ဇာတ်လမ်းက သာမန်လူတချို့ရဲ့ ဘဝထဲကို မမျှော်လင့်ထားတဲ့ ပြဿနာတစ်ခု ဝင်ရောက်လာရာကနေ အခြေအနေတွေ တဖြည်းဖြည်း ရှုပ်ထွေးသွားပုံကို အဓိကထားပါတယ်။

ဇာတ်ကောင်တစ်ယောက်ချင်းစီမှာ ကိုယ်ပိုင်ရည်ရွယ်ချက်နဲ့ ပြဿနာတွေရှိကြပြီး တစ်ယောက်ရဲ့လုပ်ရပ်က နောက်တစ်ယောက်ကို သက်ရောက်ရင်း နားလည်မှုလွဲခြင်း၊ အချင်းချင်းအားပြိုင်ခြင်းနဲ့ မထင်မှတ်ထားတဲ့ အဖြစ်အပျက်တွေ ဆက်တိုက်ဖြစ်ပေါ်လာပါတယ်။ အစပိုင်းမှာ ရယ်စရာအဖြစ် စတင်ခဲ့တဲ့အရာတွေက နောက်ပိုင်းမှာ ပိုကြီးမားတဲ့ ပဋိပက္ခတွေဆီ ဦးတည်သွားပါတော့တယ်။

Serious Drama မျိုးထက် အလွဲအချော်တွေ၊ ဇာတ်ကောင်တွေရဲ့ ထိပ်တိုက်တွေ့မှုနဲ့ Situation Comedy ကို အားပြုထားတဲ့ Entertainer မျိုးပါ။ ပေါ့ပေါ့ပါးပါးကြည့်ရင်း ရယ်ချင်သူတွေအတွက် အဆင်ပြေပြီး Telugu Commercial Comedy ကြိုက်သူတွေ ပိုသဘောကျနိုင်မယ့် ဇာတ်ကားတစ်ကား ဖြစ်ပါတယ်။

ဇာတ်လမ်းကတော့ ရုံးနဲ့ နီးနီးနားနားမှာ ငှားနေဖို့ အိမ်လိုက်ရှာနေတဲ့ Graphic Designer လူငယ်လေး Vignesh (Ajay Karthi) ရဲ့ ဘဝကနေ စတင်ထားပါတယ်။ သူဟာ ဘုရား၊ တရားနဲ့ သဘာဝလွန် ဖြစ်စဉ်တွေကို လုံးဝ မယုံကြည်တဲ့ အထက်တန်းစား မိမိကိုယ်ကို ယုံကြည်မှုလွန်ကဲသူ (Atheist) တစ်ဦးပေါ့။

ဒီလိုနဲ့ သူဟာ အိမ်ပိုင်ရှင် ဘိုးဘိုးကြီး Karunakaran (K. Bhagyaraj) ဆီမှာ တိုက်ခန်းတစ်ခု ငှားရရှိခဲ့ပါတယ်။ အိမ်ပိုင်ရှင်ကြီးကတော့ ဒီအိမ်ကြီးမှာ ထူးဆန်းတဲ့ အတိတ်သမိုင်းဆိုးတွေ ရှိခဲ့ဖူးပြီး ခြောက်လှန့်တတ်ကြောင်း သတိပေးခဲ့ပေမဲ့ Vignesh ကတော့ ဂရုမစိုက်ဘဲ ဆက်နေဖို့ ဆုံးဖြတ်လိုက်ပါတယ်။

ဒါပေမဲ့ အိမ်သစ်ဆီ ရောက်ပြီး မကြာမီမှာပဲ ညဉ့်နက်ပိုင်းတွေမှာ ထူးဆန်းတဲ့ အသံတွေ၊ အိပ်မက်ဆိုးတွေနဲ့ ဘာမှန်းမသိရတဲ့ ခြောက်ခြားဖွယ်ရာ အဖြစ်အပျက်တွေ စတင်ပေါ်ပေါက်လာပါတော့တယ်။ မိန်းကလေးဖြစ်သူ Priyadarshini (Anchana Nethrun) နဲ့ စုံထောက် Balachander (Natty) တို့ ပါဝင်ပတ်သက်လာပြီး ဒီအိမ်ကြီးထဲမှာ ယခင်က နေထိုင်ခဲ့ကြတဲ့ အိမ်ငှားတွေရဲ့ လျှို့ဝှက်ဆန်းကြယ်တဲ့ အတိတ်ဆိုးတွေ ပေါ်ထွက်လာတဲ့အခါ...။

ချန်နိုင်းမြို့ရဲ့ လူငယ်ဘဝနဲ့ အချစ်ရေးကို နောက်ခံထားပြီး ချစ်ခြင်း၊ မိသားစု၊ လူမှုအသိုင်းအဝိုင်းနဲ့ ကိုယ့်ဘဝအတွက် ကိုယ်တိုင်ရွေးချယ်ရခြင်း တို့ကို ပေါင်းစပ်တင်ဆက်ထားတဲ့ Romance / Drama ဇာတ်ကားတစ်ကားပါ။

မတူညီတဲ့ ဘဝနောက်ခံနဲ့ အတွေးအမြင်တွေရှိကြတဲ့ လူငယ်နှစ်ယောက်ဟာ မထင်မှတ်ဘဲ တွေ့ဆုံရာကနေ ရင်းနှီးလာကြပြီး တဖြည်းဖြည်း အချစ်တစ်ခု ဖြစ်ပေါ်လာပါတယ်။ အစပိုင်းမှာတော့ လူငယ်အချစ်ဇာတ်လမ်းတစ်ပုဒ်လို ချိုမြိန်ပျော်ရွှင်စရာကောင်းပေမယ့် သူတို့ရဲ့ဆက်ဆံရေး ပိုနက်ရှိုင်းလာတာနဲ့အမျှ မိသားစုရဲ့မျှော်လင့်ချက်တွေ၊ ဘဝရည်မှန်းချက်တွေနဲ့ လက်တွေ့ဘဝရဲ့ အတားအဆီးတွေကို ရင်ဆိုင်လာရပါတော့တယ်။

ကိုယ်ချစ်တဲ့သူနဲ့ အတူရှိချင်တဲ့စိတ်နဲ့ ကိုယ့်မိသားစု၊ ကိုယ့်အနာဂတ်အတွက် လုပ်သင့်တဲ့အရာတွေကြားမှာ ရွေးချယ်ရတဲ့အခါ အချစ်တစ်ခုတည်းနဲ့ ဆက်ဆံရေးတစ်ခုကို တည်မြဲအောင် ထိန်းထားနိုင်ပါ့မလား
အချစ်ဆိုတာ ရင်ခုန်စရာအချိန်လေးတွေတင်မဟုတ်ဘဲ တစ်ယောက်ကိုတစ်ယောက် နားလည်ပေးခြင်း၊ လက်ခံပေးခြင်းနဲ့ ခက်ခဲတဲ့အချိန်တွေမှာ ဘယ်လိုရွေးချယ်ကြမလဲဆိုတာပါ

ဇာတ်လမ်းကတော့ ကိုလိုနီခေတ်ကတည်းက တည်ရှိခဲ့ပြီး ဆိုးရွားလှတဲ့ သမိုင်းကြောင်းတွေကြောင့် နာမည်ဆိုးနဲ့ ကျော်ကြားတဲ့ မြေအောက် အကျဉ်းထောင်ဟောင်းကြီးတစ်ခုဆီကနေ စတာပါ။ အဲဒီထောင်ရဲ့ အထူးသီးသန့် အကျဉ်းခန်းတစ်ခုမှာ အရင်က အာဏာပိုင်တွေရဲ့ မတရား နှိပ်စက်သတ်ဖြတ်တာကို ခံခဲ့ရတဲ့ အကျဉ်းသားတစ်ယောက်ရဲ့ မကျွတ်မလွတ်တဲ့ မိစ္ဆာဝိညာဉ်ဆိုး ပူးကပ်ကျိန်စာသင့်နေခဲ့ပါတယ်။ တစ်ရက်မှာတော့ နိုင်ငံရေးအရ အမှုဆင်ဖမ်းဆီးခံလိုက်ရတဲ့ အကျဉ်းသားသစ်တစ်ယောက် အဲဒီအခန်းထဲ ရောက်လာပြီး မတော်တဆ သွေးထွက်သံယိုမှုတစ်ခု ဖြစ်ပွားရာကနေ နှစ်ပေါင်းများစွာ ငြိမ်သက်နေတဲ့ ကျိန်စာဆိုး နိုးထလာပါတော့တယ်။

ညဉ့်နက်လာတာနဲ့အမျှ ပိတ်လှောင်ထားတဲ့ အကျဉ်းထောင်တစ်ခုလုံးမှာ လျှပ်စစ်မီးတွေ ပြတ်တောက်သွားပြီး ဝိညာဉ်ဆိုးက အကျဉ်းသားတွေနဲ့ ထောင်အစောင့်တွေကို စိတ်အာရုံချောက်ချားအောင် လှည့်စားရင်း တစ်ယောက်ပြီးတစ်ယောက် ရက်ရက်စက်စက် သတ်ဖြတ်ပါတော့တယ်။

“လူတွေက ပြောင်းလဲသွားတတ်ပေမဲ့… အရုပ်လေးတွေရဲ့ အချစ်ကတော့ အမြဲတမ်း နဂိုအတိုင်းပါပဲ”

ကဲ… Animation/Adventure ကားကောင်းကောင်း မျှော်နေတဲ့ ပရိသတ်ကြီးအတွက် ကလေးဘဝရဲ့ အချစ်တော် Pixar ရဲ့ နာမည်ကျော် Toy Story Franchise ရဲ့ ၅ ကားမြောက် ဇာတ်ကားသစ်ကြီး ထွက်ရှိလာပါပြီ။

အဆက်ထွက်တဲ့ကားဆိုတော့ ရှေ့ကားတွေကို brief လေး ပြန်ပြောရရင်… အပိုင်း (၁) ကနေ (၄) အထိ Woody, Buzz Lightyear နဲ့ Jessie တို သူငယ်ချင်းတစ်သိုက်ဟာ အင်ဒီ (Andy) နဲ့ ဘွန်နီ (Bonnie) တိုဆီမှာ အချိန်တွေ ဖြတ်သန်းရင်း အခက်အခဲပေါင်းစုံကို ရင်ဆိုင်ခဲ့ကြတာ မှတ်မိကြဦးမှာပါ။

အထူးသဖြင့် Part 4 အဆုံးမှာ Woody တစ်ယောက် Bo Peep နဲ့အတူ လမ်းခွဲထွက်သွားခဲ့လို မျက်ရည်ဝဲခဲ့ရတဲ့ ပရိသတ်တွေအတွက် အခု Part 5 ကတော့ Woody အပါအဝင် အားလုံး ပြန်လည်ဆုံစည်းမဲ့ ပွဲကြီးပွဲကောင်းပါပဲ။

ဒီတစ်ခါ ဇာတ်လမ်းကတော့ အရင်လို သာမန်အရုပ်အချင်းချင်း အားပြိုင်ရတာ မဟုတ်တော့ပါဘူး။ ဇာတ်လမ်းအကျဉ်းလေးကတော့… ဘွန်နီလေးဟာ “Lilypad” လိုခေါ်တဲ့ တက်ဘလက်အသစ်လေးကို ရသွားပြီးနောက်ပိုင်း အဲဒီနည်းပညာပစ္စည်းလေးကိုပဲ အသေအလဲ

ဇန် ဟာ အော်တစ်ဇင်တစ်ယောက်ဖြစ်ပေမဲ့ သူ့မှာ အံ့ဩစရာကောင်းတဲ့ ပါရမီတစ်ခု ရှိတယ် အဲဒါကတော့ Powerful Martial Art Skills တွေပဲ ဖြစ်ပါတယ်

ဇန်ရဲ့အမေ ဖြစ်သူ ဇင် ဟာ ကင်ဆာရောဂါ ဝေဒနာကို ပြင်းထန်စွာ ခံစားနေရပြီး ဆေးကုသစရိတ် အမြောက်အမြား လိုအပ်နေတဲ့အချိန်မှာ ဇန် နဲ့ သူ့ရဲ့ သူငယ်ချင်းဖြစ်သူ မွမ်း တို့ဟာ ဇန်တို့မိသားစုကို အကြွေးဆပ်ဖို့ ကျန်နေတဲ့ လူမိုက်ဂိုဏ်းတွေရဲ့ စာရင်းကို တွေ့ရှိသွားကြပါတယ်

အမေဖြစ်သူရဲ့ ဆေးကုသစရိတ်နဲ့ အသက်ကို ကယ်တင်ဖို့အတွက် ဇန် ဟာ သူ့ရဲ့ ထူးခြားတဲ့ တိုက်ခိုက်ရေးစွမ်းရည်တွေကို စတင်ထုတ်သုံးပါတော့တယ် သူဟာ အကြွေးမဆပ်ဘဲနေကြတဲ့ ရက်စက်ကြမ်းကြုတ်တဲ့ လူမိုက်ဂိုဏ်းတွေဆီကို အကြွေးလိုက်လံတောင်းခံပါတော့တယ်

ရက်စက်တဲ့ လူမိုက်ဂိုဏ်းတွေရဲ့ ရန်ကို အသက်စွန့်ပြီး ရင်ဆိုင်ရင်း အမေဖြစ်သူအတွက် အကြွေးတွေ လိုက်လံတောင်းခံတဲ့ ဇန်ရဲ့ ခရီးလမ်းဟာ ဘယ်လိုအဆုံးသတ်မလဲ သူ့ရဲ့ ပါရမီက သူတို့မိသားစုကို ကယ်တင်နိုင်မလားဆိုတာကို ရင်ခုန်စိတ်လှုပ်ရှားဖွယ် တိုက်ခိုက်ရေးကွက်တွေနဲ့အတူ

၁၉၈၀ ပြည့်လွန်နှစ်တွေမှာ နိုင်ငံခြား Brand တွေ လွှမ်းမိုးနေတဲ့ ဈေးကွက်ထဲကို “အိန္ဒိယနိုင်ငံကလည်း ကမ္ဘာ့အဆင့်မီ နာရီတစ်လုံး ကိုယ်တိုင်ထုတ်လုပ်နိုင်ရမယ်” ဆိုတဲ့ ရည်မှန်းချက်နဲ့ Xerxes Desai နဲ့ သူ့အဖွဲ့ စတင်ကြိုးစားခဲ့ကြပါတယ်။ ဒါပေမယ့် ငွေကြေး၊ အစိုးရလုပ်ထုံးလုပ်နည်း၊ ဈေးကွက်ရဲ့မယုံကြည်မှုနဲ့ အကြိမ်ကြိမ်ကျရှုံးမှုတွေကို ဖြတ်ကျော်ရင်း Titan ကို အောင်မြင်တဲ့ အိန္ဒိယ Brand တစ်ခုဖြစ်လာအောင် တည်ဆောက်ခဲ့ပုံကို ဇာတ်အိမ်ဖွဲ့ထားပါတယ်။

လုပ်ငန်းတစ်ခုရဲ့ အောင်မြင်မှုကိုပဲ ပြထားတာမဟုတ်ဘဲ အကြံအစည်တစ်ခုကို လူတွေမယုံကြည်သေးတဲ့အချိန်မှာ ကိုယ်တိုင်ယုံကြည်ပြီး ဆက်လုပ်ရဲခြင်း၊ ကျရှုံးမှုကနေ ပြန်ထနိုင်ခြင်းနဲ့ ကိုယ့်နိုင်ငံကလည်း ကမ္ဘာ့အဆင့်မီအရာတစ်ခု ဖန်တီးနိုင်တယ်ဆိုတဲ့ ယုံကြည်မှု ကို ခံစားရစေတဲ့ ဇာတ်လမ်းတွဲပါ။ Business နဲ့ Startup ဇာတ်လမ်းတွေကြိုက်သူတွေအတွက် အထူးသဖြင့် စိတ်အားတက်စေမယ့် ဇာတ်လမ်းတစ်ခုဖြစ်ပါတယ်။

ငွေကြေးဆိုင်ရာ အထူး
စုံစမ်းစစ်ဆေးရေး အေဂျင်စီ (FATF) ၏ အေးဂျင့်ဟောင်းတစ်ဦးဖြစ်သူ Ananya Bakshi (Suman Rao) သည် အကြောင်းအမျိုးမျိုးကြောင့် လမ်းကြောင်းလွဲသွားခဲ့ပြီးနောက် ဒတ်ခ်ျဝဘ် (Dark Web) မှတစ်ဆင့် အလွန်တော်ပြီး လိမ်ညာလှည့်စားရာတွင် နာမည်ကြီးသည့် ကွန်အနုပညာရှင် (Con Artist) Neel (Nad Sham) နှင့် မမျှော်လင့်ဘဲ ဆုံတွေ့မိသွားကြသည်။ တရားမဝင် ငွေကြေးစုဆောင်းကာ တရားလွန် မှောင်ခိုလုပ်ငန်းများ လုပ်ကိုင်နေသည့် ဘန်ဂလိုမြို့မှ ဘီလီယံနာ သူဌေးကြီး Viren Shah ၏ အင်ပါယာကို ဖြိုခွဲရန်အတွက် ၎င်းတို့နှစ်ဦးသည် ရည်ရွယ်ချက်တူရာဖြင့် မဟာမိတ်ဖွဲ့ကာ အလွန်အမင်း စွန့်စားရဲသည့် ငွေကြေးလိမ်လည်မှုကြီးတစ်ခု (The Heist) ကို အတူတကွ အကောင်အထည်ဖော်ရန် လျှို့ဝှက်ကြံစည်ကြပါတော့သည်။ အပြည်ပြည်ဆိုင်ရာ ရာဇဝတ်ကမ္ဘာ၏ အန္တရာယ်များကြားထဲသို့ အတူတကွ ခြေချမိကြပြီးနောက် မည်သူက အစစ်အမှန်လဲ၊ မည်သူက သစ္စာဖောက်လဲဆိုသည့် လှည့်ကွက်များ၊ စိတ်လှုပ်ရှားဖွယ် အက်ရှင်အခန်းများကို မျက်နှာလွှဲမရဘဲ အဆုံးထိ ရင်ဖိုစွာ ရှုစားရမည့် ရုပ်ရှင်ကောင်း တစ်ကား ဖြစ်ပါသည်။

အချစ်ဟောင်းနဲ့ လမ်းခွဲပြီးကာမှ နိုင်ငံခြားမှာ အချစ်သစ်နဲ့ တွေ့တဲ့အခါ… အတိတ်က လျှို့ဝှက်ချက်တွေက အရိပ်လို လိုက်လာတတ်တယ်”
Bollywood Drama ကောင်းကောင်းလေးတွေ သီးသန့်မျှော်တတ်ကြသူတွေအတွက် ဒီတစ်ခါတော့ ပူပူနွေးနွေး Hindi comedy-romance ဇာတ်ကားသစ်လေးကို တင်ဆက်ပေးလိုက်ပါပြီ။
ဟာသနဲ့ အချစ်ဇာတ်လမ်းတွေကို ပိုင်နိုင်တဲ့ ဒါရိုက်တာ David Dhawan ကိုယ်တိုင် ရိုက်ကူးထားပြီးတော့ ပုရိသတိုအသည်းစွဲ မမချောတွေဖြစ်တဲ့ Mrunal Thakur နဲ့ Pooja Hegde တိုအပြင် ခပ်ချောချောမင်းသား Varun Dhawan တို အဓိက ပါဝင်အားဖြည့်ထားတဲ့ ဇာတ်ကားလေးပါ။
ဇာတ်လမ်းအကျဉ်းလေးကတော့… ဂျက်စ် နဲ့ ဘာနီ တို ဇနီးမောင်နှံဟာ မိသားစုအစီအစဉ်နဲ့ ပတ်သက်ပြီး သဘောထားကွဲလွဲရာကနေ အိမ်ထောင်ရေး ပြိုကွဲသွားခဲ့ပါတယ်။
ဂျက်စ်က ကလေးလိုချင် ဘာနီက အနာဂတ်ကိုခိုင်မာစေချင်ရာကနေ ညှိမရတော့တဲ့အတွက် ဒီဘဝဒီမျှနဲ့ ဇာတ်သိမ်းပြီးတဲ့နောက် ဂျက်စ်တစ်ယောက် စိတ်ပြေလက်ပျောက် နိုင်ငံရပ်ခြားကို ထွက်သွားရာကနေ ကောင်မလေးတစ်ယောက်နဲ့ တွေ့ပြီး အချစ်သစ်တစ်ခုကို စတင်ဖို ကြိုးစားပါတော့တယ်။